ବିଗ୍ ବସ ଓଟିଟିର ୧୭ତମ ଦିନ ବିଗ ବସ୍ ହାଉସରେ ବହୁତ ଆକର୍ଷଣୀୟ ଥିଲା । ଶମିତା ଶେଟ୍ଟୀ, ରାକେଶ ବାପଟଙ୍କ ମର୍ଣ୍ଣିଂ କିସରୁ ନେଇ ସୁଇମିଂ ପୁଲରେ ନେହା ଭସୀନ ଓ ମୁସ ଜଟ୍ଟନାଙ୍କ ମଜାମସ୍ତି ସହ ବହୁତ କିଛି ଦେଖିବାକୁ ମିଳିଥିଲା । ମୁମ୍ବାଇ: 'ବିଗ୍ ବସ୍ ଓଟିଟିକୁ ଦୁଇ ସପ୍ତାହ ପୂରଣ ହୋଇସାରିଛି । ଦିନ ଗଡ଼ିବା ସହିତ ପ୍ରତିଯୋଗୀମାନଙ୍କ ମଧ୍ୟରେ ସମୀକରଣ ମଧ୍ୟ ବଦଳୁଛି । ୧୭ତମ ଦିନ ବିଗ୍ ବସ୍ ହାଉସ ବହୁତ ଆକର୍ଷଣୀୟ ଥିଲା । ରାକେଶ ବାପଟ ଶମିତାଙ୍କୁ କିସ୍ କରିବା କଥା ବେଶ୍ ଚର୍ଚ୍ଚାରେ ରହିଥିଲା । ଦିନ ଆରମ୍ଭରେ ରାକେଶ, ଶମିତାଙ୍କୁ କିସ୍ ଦେଇ ଦର୍ଶକଙ୍କ ଦୃଷ୍ଟି ଆକର୍ଷଣ କରିଥିଲେ। ସେହି ପରି ପ୍ରତୀକ ସହଜପାଲଙ୍କ କନେକ୍ସନ ଭାଙ୍ଗି ବ୍ୟାକଷ୍ଟାବ୍ ହୋଇଥିବାରୁ ପୂର୍ବ ଏପିସୋଡରେ ଅକ୍ଷରାଙ୍କ ଗେମ୍ ଅଫ୍ ହାର୍ଟସ୍ ଟାସ୍କରେ ଇମୋଶନାଲ ବ୍ରେକଡାଉନ ଦେଖିବାକୁ ମିଳିଥିଲା । ହେଲେ ଏହି ସମୟରେ ନିଶାନ୍ତ ଭଟ୍ଟ ଓ ମୁସ୍କାନ ଜାଟ୍ଟନାଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ଆସିଛି । ବିଗ ବସ ପ୍ରତିଯୋଗୀ ଜିଶାନ ଖାନ ଓ ଦିବ୍ୟା ଅଗ୍ରୱାଲଙ୍କୁ କୌଣସି ଗୋଟିଏ କନେକ୍ସନ ବଞ୍ଚାଇବାକୁ ସୁଯୋଗ ଦେଇଥିଲେ, ଏହି ଆଧାରରେ ଜିଶାନ ଓ ଦିବ୍ୟା ପ୍ରତିଯୋଗୀ ନିଶାନ୍ତ ଓ ମୁସ୍କାନଙ୍କୁ ନୋମିନେଶନ ଟାସ୍କରୁ ବଞ୍ଚାଇ ଦେଇଥିଲେ । ହେଲେ ଜିଶାନ ଓ ଦିବ୍ୟଙ୍କ ଏହି ନିଷ୍ପତ୍ତି ଶମିତା ଓ ରାକେଶଙ୍କୁ ପସନ୍ଦ ଆସିନଥିଲା । ତେବେ ବାକି ପରିବାର ଦିବ୍ୟା ଓ ଜିଶାନଙ୍କ ନିଷ୍ପତ୍ତିରେ ରାଜି ହୋଇ ନିଶାନ୍ତ ଓ ମୁସ୍କାନଙ୍କୁ ବଞ୍ଚାଇବାକୁ ରାଜି ହୋଇଛନ୍ତି। ଅର୍ଥାତ୍ ଏହି ସପ୍ତାହରେ ବିଗ ବସ ହାଉସରୁ ବାହାରିବା ପାଇଁ ମନୋନୀତ ହୋଇଥିବା ପରିବାର ସଦସ୍ୟ ହେଉଛନ୍ତି ପ୍ରତୀକ-ନେହା, ଶମିତା-ରାକେଶ ଓ ମିଲିନ୍ଦ-ଅକ୍ଷରା। ହେଲେ ବିଗ୍ ବସ୍ ଘରେ କିଛି ସହଜ ନୁହେଁ ଓ ଏହା ପୁଣି ଥରେ ପ୍ରମାଣିତ ହୋଇଛି । ନୋମିନେଶନ ଟାସ୍କ ପରେ, ଅନ୍ୟ ଏକ ମୋଡ଼ ପରିବାର ସଦସ୍ୟଙ୍କୁ ଆଶ୍ଚର୍ଯ୍ୟ କରିଥିଲା । ଏଥର ଶକ୍ତି ଜନସାଧାରଣଙ୍କ ହାତରେ ଅଛି, ତେଣୁ ମନୋନୀତ କନେକ୍ସନ ମଧ୍ୟରୁ ଗୋଟିଏକୁ ବଞ୍ଚାଇବାକୁ ନିଷ୍ପତ୍ତି ଜନସାଧାରଣଙ୍କ ହାତରେ ଅଛି ।
