'Paani Paani' ଗୀତର ଭୋଜପୁରୀ ଗାୟିକା ରିନି ଚନ୍ଦ୍ରାଙ୍କ ସୌନ୍ଦର୍ଯ୍ୟ ଦେଖି ଆପଣ ହୋଇଯିବେ ଦିୱାନା

ଫେମସ ବଲିଉଡ ରାପର ବାଦଶାହଙ୍କ ସବୁଠାରୁ ସୁପରହିଟ ଗୀତ 'ପାନି ପାନି'ର ଭୋଜପୁରୀ ସଂସ୍କରଣରେ ଖେସରୀ ଲାଲ ଯାଦବଙ୍କ ପାଇଁ ଗୀତ ଗାଇଥିବା ଗାୟିକା ରିନି ଚନ୍ଦ୍ର ସୋସିଆଲ ମିଡ଼ିଆରେ ଖୁବ୍ ଆକ୍ଟିଭ ରୁହନ୍ତି। ରିନି ସୋସିଆଲ ମିଡ଼ିଆରେ ପ୍ରଶଂସକଙ୍କ ସହ ପ୍ରତି ମୁହୂର୍ତ୍ତ ଶେୟାର କରନ୍ତି । ଏପରିକି ସେ ରିଲ୍ସ ଭଲ ପାଆନ୍ତି ଓ ସେ ମଧ୍ୟ ଏଥିରେ ନିଜର ଅନେକ ଭିଡିଓ ପୋଷ୍ଟ କରନ୍ତି ।

ପ୍ରତ୍ୟେକ ଷ୍ଟାର୍ସଙ୍କ ପରି ରିନି ସୋସିଆଲ ମିଡ଼ିଆରେ ପ୍ରଶଂସକଙ୍କ ସହ 'ପାନି ପାନି' ଗୀତର ସଫଳତାକୁ ପାଳନ କରିଥିଲେ। ଗାୟିକା କହିଛନ୍ତି, ‘‘ଏହି ଗୀତର ରେକର୍ଡିଂ ଠାରୁ ଆରମ୍ଭ କରି ଲଞ୍ଚ ପାର୍ଟି ପର୍ଯ୍ୟନ୍ତ ସବୁକିଛି ଆଶ୍ଚର୍ଯ୍ୟଜନକ ଥିଲା । ତା’ପରେ ଯେତେବେଳେ ଗୀତ ରିଲିଜ୍ ହେଲା, ମୁଁ ଯାହା ଭାବିଥିଲି ତାହାଠାରୁ ଅଧିକ ପାଇଲି ।’’

ରିନି ଏହା ମଧ୍ୟ କହିଛନ୍ତି, ‘‘ମୁଁ ଏହା ପୂର୍ବରୁ ରାଜସ୍ଥାନୀ ଓ ପଞ୍ଜାବୀ ଗୀତ ଗାଇଥିଲି, କିନ୍ତୁ ୟୁପି-ବିହାରର ଲୋକଙ୍କଠାରୁ ମୋର ପ୍ରେମ ବହୁତ ଭିନ୍ନ ଥିଲା।’’

ଏହା ପରେ ଗାୟିକା ରିନି ଗୀତର ଭୋଜପୁରୀ ସଂସ୍କରଣର ଅଫର ଉପରେ ତାଙ୍କର ପ୍ରଥମ ପ୍ରତିକ୍ରିୟାରେ କହିଥିଲେ, “ପାନି ପାନି ଏକ ବଡ଼ ହିଟ୍ ହୋଇସାରିଛି । କିନ୍ତୁ, ଯେତେବେଳେ ମୁଁ ଜାଣିବାକୁ ପାଇଲି ଯେ ଏହି ଗୀତରେ ମୋର ସ୍ୱର ଆବଶ୍ୟକ, ମୋର ପ୍ରଥମ ପ୍ରତିକ୍ରିୟା ଅଜବ ଥିଲା । ଏହି ଗୀତଟି ବହୁତ ଭାଇରାଲ ହୋଇସାରିଛି। ମୁଁ ମଧ୍ୟ ଏହି ଗୀତରେ ରିଲ୍ ତିଆରି କରିଥିଲି, କିନ୍ତୁ ଯେତେବେଳେ ମୁଁ ଏହାକୁ ପୁନଃ ଗାଇବାକୁ ସୁଯୋଗ ପାଇଲି, ମୁଁ ଏହାକୁ ବହୁତ ଉପଭୋଗ କରିଥିଲି।’’

‘‘ସବୁଠୁ ବଡ଼ କଥା ହେଲା ମୁଁ ଏହି ଗୀତରେ ବଡ଼ ଲୋକଙ୍କ ସହ କାମ କରିବାର ସୁଯୋଗ ପାଇଲି । ବାଦଶାହ ପ୍ରଥମ ଥର ପାଇଁ ଭୋଜପୁରୀରେ ସ୍ୱର ଦେଉଥିଲେ। ଖେସରୀଲାଲ ଯାଦବ ଏକ ବଡ଼ ତାରକା ଓ ମୋ ଭାଇ ପରି । ତାଙ୍କ ସହିତ କାମ କରିବାର ସୁଯୋଗ ପାଇଲେ,’’ କହିଥିଲେ ରିନି ।

ଏଥି ସହିତ ଅକ୍ଷରା ସିଂଙ୍କ ସହ କାମ କରିବା ବିଷୟରେ ରିନି ଚାନ୍ଦନା କହିଛନ୍ତି, 'ଅକ୍ଷରା ବିଗ୍ ବସ୍ ଠାରୁ ଆଜି ପର୍ଯ୍ୟନ୍ତ ତାଙ୍କ ଦୃଢ଼ ପର୍ସନାଲିଟିକୁ ଉପସ୍ଥାପନ କରିଛନ୍ତି, ମୁଁ ତାଙ୍କ ପାଇଁ ସ୍ୱର ଦେଇ ସମ୍ମାନ ଅନୁଭବ କରୁଛି।’’

ଗୀତର ସଫଳତା ଉପରେ ପ୍ରତିକ୍ରିୟା ବିଷୟରେ ରିନି କହିଛନ୍ତି, ‘‘ମୋର ପ୍ରତିକ୍ରିୟା ମଧ୍ୟ ସାଧାରଣ ଲୋକଙ୍କ ପରି ଥିଲା। କିନ୍ତୁ, ଯେତେବେଳେ ଅନେକ ଲୋକ କହିଥିଲେ ଯେ ମୋ ସ୍ୱର ମୂଳ ଅପେକ୍ଷା ଭଲ, ତେବେ ମୁଁ ଏହାକୁ ଭଲ ପାଇଥିଲି । ଏହି ଗୀତ ମୋ ପାଖକୁ ଆସିବା ପରେ ମଧ୍ୟ କୌଣସି ଚାପ ନଥିଲା।’’

ପୱନ ସିଂଙ୍କ ସହ ଖେସାରୀଙ୍କ ଗୀତ ବିଷୟରେ ସେ କହିଛନ୍ତି, 'ପାନି ପାନିର ସଫଳତା ପରେ ଅନେକ କଲ ଆସୁଛି। ପରବର୍ତ୍ତୀ ଯାହା କିଛି ହେବ, ମୁଁ ଆପଣଙ୍କ ସହିତ ଶେୟାର କରିବି ।’’