ସୋସିଆଲ ମିଡ଼ିଆ କୁଇନ ଭୋଜପୁରୀ ଅଭିନେତ୍ରୀ ମୋନାଲିସା; ବୋଲ୍ଡ ଅନ୍ଦାଜରେ ଅଭିନେତ୍ରୀ

ମୋନାଲିସା 'ବିଗ୍ ବସ୍ ୧୦'ରେ ନଜର ଆସିଥିଲେ। ଏହି ଶୋ’ରେ ତାଙ୍କ ଏବଂ ମନବୀରଙ୍କ ବନ୍ଧୁତା ମଧ୍ୟ ଚର୍ଚ୍ଚାର ବିଷୟ ପାଲଟିଥିଲା। ମୋନାଲିସା ହୁଏତ ଶୋ’ର ବିଜେତା ହୋଇପାରିଲେନି କିନ୍ତୁ ସେ ଏଥିରୁ ଖୁବ୍ ଲୋକପ୍ରିୟତା ହାସଲ କରିଥିଲେ। ଏହି ଶୋ’ରେ ମୋନାଲିସା ତାଙ୍କ ପ୍ରେମିକ ବିକ୍ରାନ୍ତଙ୍କ ସହ ବିବାହ କରିଥିଲେ।

ହିନ୍ଦୀ ଏବଂ ଭୋଜପୁରୀ ବ୍ୟତୀତ ମୋନାଲିସା ବଙ୍ଗାଳୀ, ଓଡ଼ିଆ, ତାମିଲ, କନ୍ନଡ ଏବଂ ତେଲୁଗୁ ଫିଲ୍ମରେ ମଧ୍ୟ କାମ କରିଛନ୍ତି। ଏହି କାରଣରୁ ତାଙ୍କ ପ୍ରଶଂସକଙ୍କ ତାଲିକା ବହୁତ ଲମ୍ବା।

ଇନଷ୍ଟାଗ୍ରାମରେ ୫ ମିଲିୟନରୁ ଅଧିକ ଫଲୋୱର୍ସ ମୋନାଲିସାଙ୍କୁ ଫଲୋ କରନ୍ତି। ଆଉ ଏହି ଫ୍ୟାନ୍ସଙ୍କ ପାଇଁ ମୋନାଲିସା ପ୍ରାୟତଃ ନିଜ ବୋଲ୍ଡ ଫଟୋ ଏବଂ ଭିଡିଓ ସେୟାର କରୁଥିବାର ନଜର ଆସନ୍ତି।

ଆର୍ଥିକ ପ୍ରତିବନ୍ଧକ ହେତୁ ମୋନାଲିସା ମାତ୍ର ୧୭ ବର୍ଷ ବୟସରେ ପାଞ୍ଚ ଷ୍ଟାର ହୋଟେଲରେ କାମ କରିବା ଆରମ୍ଭ କରିଥିଲେ। କିଛି ସମୟ କାମ କରିବା ପରେ ମୋନାଲିସା ଭୋଜପୁରୀ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ।

ମୋନାଲିସାଙ୍କ ପ୍ରକୃତ ନାମ ଅନ୍ତରା ବିଶ୍ବାସ କିନ୍ତୁ ଚଳଚ୍ଚିତ୍ରରେ କାମ କରିବା ପରେ ସେ ତାଙ୍କ ନାମ ମୋନାଲିସାରେ ପରିବର୍ତ୍ତନ କରିଥିଲେ। ଆଜିର ସମୟରେ ସମସ୍ତେ ତାଙ୍କୁ ମୋନାଲିସା ନାମରେ ଜାଣନ୍ତି।

ଏକ ସାକ୍ଷାତକାରରେ ମୋନାଲିସା କହିଥିଲେ ଯେ ସଂଖ୍ୟା ଜ୍ୟୋତିଷ ଅନୁଯାୟୀ ସେ ନିଜକୁ ଅନ୍ତରା ବିଶ୍ବାସ ନାମ ବଦଳରେ ମୋନାଲିସା ନାମ ଦେଇଛନ୍ତି। ଯାହା ପରେ ସେ ଚଳଚ୍ଚିତ୍ରରେ ମଧ୍ୟ ସୁନାମ ଅର୍ଜନ କରିଥିଲେ।

ମୋନାଲିସା ବର୍ତ୍ତମାନ ପର୍ଯ୍ୟନ୍ତ ଟିଭି ଜଗତରେ 'ନଚ ବଲିୟେ ସିଜନ ୮', 'ନଜର', 'ନମକ ଇଶକ୍ କା' ଭଳି ଅନେକ ସିରିଏଲରେ ନିଜର ଅଭିନୟ ପ୍ରଦର୍ଶନ କରିସାରିଛନ୍ତି।