ଅନନ୍ୟା ପାଣ୍ଡେଙ୍କ ଭଉଣୀ ଆଲାନା ପାଣ୍ଡେଙ୍କୁ ତାଙ୍କ ବୟଫ୍ରେଣ୍ଡ୍ ରୋମାଣ୍ଟିକ୍ ଷ୍ଟାଇଲରେ ପ୍ରପୋଜ୍ କଲେ

ଅନନ୍ୟା ପାଣ୍ଡେଙ୍କ (Ananya Panday) ସମ୍ପର୍କୀୟା ଭଉଣୀ ଆଲାନା ପାଣ୍ଡେଙ୍କର (Alanna Panday) ତାଙ୍କ ବୟଫ୍ରେଣ୍ଡ୍ଆଇଭୋର ମ୍ୟାକ୍ରେଙ୍କ (Ivor McCray) ସହ ନିର୍ବନ୍ଧ ହୋଇଛି । ଆଲାନା ସୋସିଆଲ୍ ମିଡି଼ଆରେ ଅତି ବୋଲ୍ଡ ଷ୍ଟାଇଲରେ ନିଆଯାଇଥିବା କେତେକ ଫଟୋ ଶେୟାର୍ କରି କହିଛନ୍ତି ଯେ ଯଦି ତାଙ୍କ ବୟଫ୍ରେଣ୍ଡ୍ ତାଙ୍କୁ ବିବାହ ପ୍ରସ୍ତାବ ଦେଇଥିଲେ ଓ ସେ ରାଜି ହୋଇଯାଇଛନ୍ତି । ଗତ ଦୁଇ ବର୍ଷ ଧରି ଆଲାନା ପାଣ୍ଡେ ଓ ଆଇଭୋର ମ୍ୟାକ୍ରେ ପରସ୍ପରକୁ ଡେଟ୍ କରୁଥିଲେ ।

ଆଲାନା ଏହି ପ୍ରପୋଜାଲର ଫଟୋ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଶେୟାର୍‌ କରିଛନ୍ତି । ଫଟୋରେ ଆଲାନା ଓ ଆଇଭୋର ମ୍ୟାକ୍ରେ ପରସ୍ପରକୁ ଚୁମ୍ବନ ଦେଉଥିବା ଦେଖାଯାଇଛି । ଆଲାନା ଲେଖିଛନ୍ତି ଯେ ସେ ଆଇଭୋରଙ୍କୁ ଏକ ହାଲୋଇନ୍ ପାର୍ଟିରେ ଭେଟିଥିଲେ । ‘‘ସେଦିନ ରାତିରେ ସେ ମୋତେ ଏତେ ହସେଇଲେ ଯେ ମୋ’ର ମୁହଁ ଯନ୍ତ୍ରଣା କରିବାକୁ ଲାଗିଥିଲା,’’ ଲେଖିଛନ୍ତି ଆଲାନା ପାଣ୍ଡେ ।

‘‘ଧୀରେ ଧୀରେ ଆମେ ପରସ୍ପରକୁ ଜାଣିବା ଆରମ୍ଭ କଲୁ । ଆଇଭୋର୍‌ ମ୍ୟାକ୍ରେଙ୍କ ବିନା ଗୋଟିଏ ଦିନ ବିତାଇବା ମୋତେ କଷ୍ଟକର ମନେ ହେଉଥିଲା । ବୋଧହୁଏ ଏହା ବି ଏଇଥି ପାଇଁ ହୋଇଥାଇ ପାରେ ଯେ ସେ ଗୋଟେ ବିଦେଶୀ ଦେଶରେ ମୋତେ ଘର ପରି ଅନୁଭବ କରାଇଥିଲେ,’’ ଲେଖିଛନ୍ତି ଆଲାନା ପାଣ୍ଡେ ।

ଆଲାନା ଆହୁରି ଲେଖିଛନ୍ତି, ‘‘ଯେତେବେଳେ ଆଇଭୋର୍‌ ମ୍ୟାକ୍କ୍ରେ ମୋ’ ଆଫପାଖରେ ଥାଆନ୍ତି, ସେତେବେଳେ ମୋତେ ଘର କଥା ମନେ ପଡ଼େନି । ବିନା ସର୍ତ୍ତରେ ଏହି ପ୍ରେମ ପାଇଁ ଖୁବ୍‌ ଧନ୍ୟବାଦ ।’’ 

ମାଳଦ୍ୱୀପର ସମୁଦ୍ର କୂଳରେ ଗୋଟିଏ ଜାଗାରେ ଲେଖା ଅଛି ‘‘ତୁମେ ମୋତେ ବିବାହ କରିବ କି?’’ ଆଇଭୋର୍‌ ମ୍ୟାକ୍କ୍ରେ ସେଇଠି ଆଣ୍ଠୁ ମାଡ଼ି ବସି ଆଲାନାଙ୍କୁ ପ୍ରପୋଜ୍‌ କରୁଛନ୍ତି । ସୋସିଆଲ୍‌ ମିଡି଼ଆରେ ଉଭୟଙ୍କ ଫଟୋ ଭୟଙ୍କର ଭାବେ ଭାଇରାଲ୍‌ ହେବାରେ ଲାଗିଛି। ଆଲାନା ଏକ ସ୍ୱଚ୍ଛ (ଟ୍ରାନ୍ସପ୍ୟାରେଣ୍ଟ୍‌) ବ୍ରୋଲେଟ୍ ବିକିନି ଡ୍ରେସ୍‌ ପିନ୍ଧିଛନ୍ତି । 

ଆଲାନା ପାଣ୍ଡେ ଓ ଆଇଭୋର ମ୍ୟାକ୍ରେ ମାଳଦ୍ୱୀପରେ ଛୁଟି ଦିନ କାଟୁଥିବା ବେଳେ ଏହି ଫଟୋଗୁଡ଼ିକ ନିଆଯାଇଥିଲା । ଦେଖିବାକୁ ମିଳିଥିଲା ଯେ ସମୁଦ୍ର କୂଳରେ ହୃଦୟ ଆକୃତିର ଏକ ସ୍ଥାନରେ ଠିଆ ହୋଇ ଆଲାନାଙ୍କୁ ପ୍ରପୋଜ୍‌ କରିବା ପରେ ଆଇଭୋର ତାଙ୍କୁ ନିଜ କୋଳରେ ଉଠାଇ ନେଇଥିଲେ । 

ନିଜକୁ ପୃଥିବୀର ସବୁଠାରୁ ଭାଗ୍ୟଶାଳୀ ଝିଅ ଭାବରେ ବର୍ଣ୍ଣନା କରି ଆଲାନା କହିଛନ୍ତି, ‘‘ମୁଁ ଆଉ ତୁମର ପରିବାରର ଅଂଶ ହେବା ପାଇଁ ଅପେକ୍ଷା କରିପାରିବି ନାହିଁ ।’’

ଆଲାନା ଏକ ଭିଡିଓ ବି ଶେୟାର୍‌ କରିଛନ୍ତି । ସେହି ଭିଡିଓରେ ତାଙ୍କ ମା’ ନିଜ ଝିଅକୁ ଆଶୀର୍ବାଦ ଦେଉଥିବା ଦେଖାଯାଇଛି । 

ସେହି ଭିଡିଓର କ୍ୟାପସନରେ ଆଲାନାଙ୍କ ମା’ ଲେଖିଛନ୍ତି, ‘‘ଭଗବାନ ଉଭୟଙ୍କୁ ଖୁସିରେ ରଖନ୍ତୁ । ଆଇଭୋର୍‌ ମ୍ୟାକ୍କ୍ରେଙ୍କୁ ଆମ ପରିବାରରେ ସ୍ୱାଗତ।’’

ଅନନ୍ୟା ପାଣ୍ଡେଙ୍କ ସମ୍ପର୍କୀୟା ଭଉଣୀ ଆଲାନା ପାଣ୍ଡେ ଜଣେ ସୋସିଆଲ୍ ମିଡି଼ଆ ପ୍ରଭାବକାରୀ (ଇନଫ୍ଲୁଏନ୍ସର୍) । (ସବୁ ଫଟୋ କ୍ରେଡିଟ୍: ଆଲାନ୍ନାପାଣ୍ଡେ / ଇନଷ୍ଟାଗ୍ରାମ୍)