ପ୍ରେମ ପାଇଁ ଅଭିନେତ୍ରୀ ଶନାୟା କଟୱେ ଏମିତି ଅନ୍ଧ ହୋଇଗଲେ ଯେ ସେ ପ୍ରେମିକ ସହ ମିଶି ନିଜ ବଡ଼ ଭାଇଙ୍କୁ ନିର୍ମମ ଭାବେ ହତ୍ୟା କରିଦେଲେ । ଅଭିନେତ୍ରୀ ଶନୟା କଟୱେଙ୍କ ୩୨ ବର୍ଷୀୟ ବଡ଼ ଭାଇ ରାକେଶ କଟୱେଙ୍କ କଟା ମୁଣ୍ଡ କର୍ଣ୍ଣାଟକର ହୁବଳି ନିକଟରେ ମିଳିଥିଲା । ରାକେଶ କଟୱେଙ୍କ ଶରୀରର ବାକି ଅଂଶ ବିଭିନ୍ନ ସ୍ଥାନରେ ଫିଙ୍ଗାଯାଇଥିଲା । ପୋଲିସର ତଦନ୍ତ ପରେ ସେହି ଅଂଶଗୁଡ଼ିକ ମିଳିଥିଲା । କନ୍ନଡ଼ ସିନେମାର ଅଭିନେତ୍ରୀ ଶନାୟା କଟୱେଙ୍କୁ ଏହି ଜଘନ୍ୟ ଅପରାଧ ପାଇଁ ଗିରଫ କରାଯାଇଛି । ଶନାୟାଙ୍କ ପ୍ରେମିକ ନିୟାଜ ଅହମଦ କାଟିଗରଙ୍କୁ (୨୧) ବି ଗିରଫ କରାଯାଇଛି । ଏହି ହତ୍ୟାରେ ସମ୍ପୃକ୍ତ ଥିବା ଆଉ ତିନି ଜଣଙ୍କୁ ବି ଗିରଫ କରାଯାଇଛି । ସେମାନେ ହେଲେ ତୌସିଫ ଚନ୍ନାପୁର (୨୧), ଅଲତାଫ ମୁଲ୍ଲା (୨୪) ଓ ଅମନ ଗିରାନିୱାଲେ (୧୯) । (ଫଟୋ ସୌଜନ୍ୟ: ହୁବଳି ଟାଇମ୍ସ) ରାକେଶଙ୍କୁ ତଣ୍ଟି ଚିପି ହତ୍ୟା କରାଯାଇଥିଲା । ତା’ର ଦିନକ ପରେ ଶନାୟାଙ୍କ ପ୍ରେମିକ ନେୟାଜ ଅହମଦ କାଟିଗର୍ ଓ ତାଙ୍କ ସାଙ୍ଗମାନେ ମୃତ ଦେହକୁ କାଟି ଟୁକୁଡ଼ା ଟୁକୁଡ଼ା କରିଥିଲେ ଓ ସହରର ବିଭିନ୍ନ ସ୍ଥାନରେ ପକାଇ ଦେଇଥିଲେ । (ଫଟୋ ସୌଜନ୍ୟ: ଅରିୟାଲ୍ ନ୍ୟୁଜ୍) ୩୨ ବର୍ଷୀୟା ଶନାୟା କଟୱେ ଓ ତାଙ୍କ ପ୍ରେମିକଙ୍କୁ ଏପ୍ରିଲ୍ ୨୨ ତାରିଖ ଦିନ ଗିରଫ କରି ନ୍ୟାୟିକ ହେପାଜତକୁ ପଠାଯାଇଥିଲା । ପୋଲିସ ତଦନ୍ତରୁ ଜାଣିବାକୁ ପାଇଥିଲା ଯେ ଶନାୟାଙ୍କ ବଡ଼ ଭାଇ ରାକେଶ କଟୱେ ଶନାୟାଙ୍କର ନିୟାଜ୍ ଅହମଦ କାଟିଗରଙ୍କ ସହ ପ୍ରେମ ସମ୍ପର୍କକୁ ବିରୋଧ କରୁଥିବାରୁ ତାଙ୍କୁ ହତ୍ୟା କରାଯାଇଥିଲା । ଶନାୟା ୨୬ ଡିସେମ୍ବର ୧୯୮୮ରେ କର୍ଣ୍ଣାଟକର ହୁବଳିରେ ଏକ ମଧ୍ୟବିତ୍ତ ଦକ୍ଷିଣ ଭାରତୀୟ ପରିବାରରେ ଜନ୍ମ ଗ୍ରହଣ କରିଥିଲେ । ମଡେଲିଂ ପରେ ସେ କନ୍ନଡ଼ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ । ୨୦୧୮ରେ ‘ଇଦମ୍ ପ୍ରେମମ୍ ଜୀବନମ୍’ ଫଲ୍ମରେ ଡେବ୍ୟୁ କରିଥିଲେ ଶନାୟା । ସେ ବୟସ୍କ କମେଡି ଫିଲ୍ମ ‘ଓଣ୍ଡୁ ଘାଣ୍ଟେୟା କ୍ୟାଥେ’ରେ ମଧ୍ୟ ଅଭିନୟ କରିଥିଲେ । ଶନାୟା କଟୱେ ଏବେ ଜେଲ୍ରେ ରହିବେ ଓ ନିଜ ପ୍ରେମିକଙ୍କ ସହ ଏହି ହତ୍ୟାକାଣ୍ଡର ବିଚାର ଆରମ୍ଭ ହେବାକୁ ଅପେକ୍ଷା କରିବେ ।
