ନିଜ କଥା ଓ ଫ୍ଯାସନକୁ ନେଇ ବିବାଦକୁ ଆସୁଥିବା ନିଶା ମହାରଣା ଏବେ ଅସୁସ୍ଥ । କିଛି ଦିନ ତଳେ ପିଣ୍ଟୁ ନନ୍ଦଙ୍କୁ ଲିଭର ଦେବା ନେଇ ହୋଇଥିଲା ଚର୍ଚ୍ଚା । ନିଶା ମହାରଣା ଏବେ ଜ୍ୱରରେ ପୀଡ଼ିତ ଅଛନ୍ତି। ସେୟାର କରିଥିବା ଫଟୋରେ ସେ ବେଶ ଅସୁସ୍ଥ ଥିବାର ଜଣା ପଡୁଛି । ସୋସିଆଲ ମିଡିଆରେ ଦେହ ଖରାପ ଫଟୋ ସେୟାର କରି ନିଜ ଅସୁସ୍ଥତା ବାବଦରେ ଜଣାଇଛନ୍ତି ନିଶା । ପୂର୍ବରୁ ପିଣ୍ଟୁ ନନ୍ଦଙ୍କୁ ଲିଭର ଦେବା ନେଇ ଗଣମାଧ୍ଯମରେ ମୁହଁ ଖୋଲିଥିଲେ ନିଶା । ଦରକାର ପଡିଲେ ସେ ପିଣ୍ଟୁଙ୍କୁ ଲିଭର ଦେବେ ବୋଲି କହିଥିଲେ ଅଭିନେତ୍ରୀ । ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ପିଣ୍ଟୁଙ୍କୁ ଆର୍ଥିକ ସାହାଯ୍ଯ କରିଥିଲେ ନିଶା । ଏହା ପରେ ପ୍ରାୟ ସମସ୍ତେ ତାଙ୍କୁ ପ୍ରଶଂସା କରିଥିଲେ ।
