ବଲିଉଡର ଭେଟେରାନ ହେମା ମଳିନୀ ଆଜି ତାଙ୍କର ୭୩ତମ ଜନ୍ମ ଦିନ ପାଳନ କରୁଛନ୍ତି। ସେ ୧୯୪୮ ଅକ୍ଟୋବର ୧୬ରେ ତାମିଲନାଡୁର ଅମାନକୁଡିରେ ଜନ୍ମ ଗ୍ରହଣ କରିଥିଲେ। ହେମା ମାଳିନୀ ତାଙ୍କ ସମୟର ଶ୍ରେଷ୍ଠ ଅଭିନେତ୍ରୀ ଥିଲେ । ସେ ଅନେକ ବ୍ଲକବଷ୍ଟର ଫିଲ୍ମରେ କାମ କରିଥିଲେ, ସେ ଏତେ ସୁନ୍ଦର ଦେଖାଯାଉଥିଲେ ଯେ ତାଙ୍କୁ ଡ୍ରିମ୍ ଗାର୍ଲ କୁହାଯାଉଥିଲା । (ଫଟୋ ସୌଜନ୍ୟ:@dreamgirlhemamalini/Instagram)
ବହୁତ କମ୍ ଲୋକ ଜାଣନ୍ତି ଯେ ବଲିଉଡ ଅଭିନେତା ଜିତେନ୍ଦ୍ରଙ୍କ ହୃଦୟ ମଧ୍ୟ ହେମା ଉପରେ ଆସିଥିଲା । ଥରେ ମାଦ୍ରାସର ହେମାଙ୍କ ଘରେଉଭୟଙ୍କ ପରିବାର ସାକ୍ଷାତ କରି ଉଭୟଙ୍କ ବିବାହ ବିଷୟରେ ଆଲୋଚନା କରିଥିଲେ। ବାସ୍ତବରେ ଜିତେନ୍ଦ୍ର ବିବାହ କରିବାକୁ ଚାହୁଁଥିଲେ କିନ୍ତୁ ଧର୍ମେନ୍ଦ୍ର ଏହା କରିବାକୁ ଦେଇନଥିଲେ । ଆଉ ପରେ ଧର୍ମେନ୍ଦ୍ର, ହେମାଙ୍କୁ ବିବାହ କରିଥିଲେ। (ଫଟୋ ସୌଜନ୍ୟ:@dreamgirlhemamalini/Instagram)
ହେମା ମାଲିନୀ ଦଶମ ଶ୍ରେଣୀରେ ପାଠ ପଢ଼ୁଥିବା ସମୟରେ ତାଙ୍କୁ ଫିଲ୍ମରେ ଅଭିନୟ କରିବାର ଅଫର ମିଳିଥିଲା । ଏକାଦଶ ଶ୍ରେଣୀରୁ ଫିଲ୍ମରେ କାମ କରିବା ଆରମ୍ଭ କରିଥିଲେ । ୧୯୬୧ ମସିହାରେ, ସେ ତେଲୁଗୁ ଫିଲ୍ମ 'ପାଣ୍ଡବ ଭାନଭାସନ୍'ରେ ଜଣେ ନୃତ୍ୟଶିଳ୍ପୀ ଭୂମିକାରେ ଅଭିନୟ କରିଥିଲେ । ସେ ୧୯୬୮ ମସିହାରେ ହିନ୍ଦୀ ଫିଲ୍ମ 'ସପନେଁ କେ ସୌଦାଗର' ସହିତ ନିଜର କ୍ୟାରିଅର୍ ଆରମ୍ଭ କରିଥିଲେ । ଏହି ଫିଲ୍ମରେ ରାଜ କପୁର ମୁଖ୍ୟ ଭୂମିକାରେ ଅଭିନୟ କରିଥିଲେ। ଫଟୋରେ, ଶବାନା ଆଜମୀ, ସଞ୍ଜୀବ କୁମାର, ରାକ୍ଷୀ ଓ ଅନ୍ୟାନ୍ୟ କଳାକାରଙ୍କ ସହ ହେମା ମଳିନୀ ନଜର ଆସୁଛନ୍ତି । (ଫଟୋ ସୌଜନ୍ୟ:@dreamgirlhemamalini/Instagram)
ହେମା ମାଳିନୀଙ୍କ ପିତା ତାଙ୍କ ଓ ଧର୍ମେନ୍ଦ୍ରଙ୍କ ସମ୍ପର୍କକୁ ନେଇ ଖୁସି ନଥିଲେ। ସେଥି ପାଇଁ ସେ ପ୍ରତି ମୁହୂର୍ତ୍ତରେ ହେମା ମାଳିନୀଙ୍କ ସହ ରହୁଥିଲେ ଯାହାଫଳରେ ଅଭିନେତ୍ରୀ ଧର୍ମେନ୍ଦ୍ରଙ୍କୁ ଭେଟି ପାରୁନଥିଲେ। ହେମା ମାଳିନୀଙ୍କ ପିତା ଚାହୁଁ ନଥିଲେ ଯେ ତାଙ୍କ ଝିଅର ନାମ ବିବାହିତ ଧର୍ମେନ୍ଦ୍ରଙ୍କ ସହ ଜଡ଼ିତ ହେଉ, ତେଣୁ ହେମା ମଲିନୀଙ୍କ ସହ ସୁଟିଂ ସମୟରେ ସେଠାରେ ପରିବାରର କିଛି ସଦସ୍ୟ ରହିଥା’ନ୍ତି। (ଫଟୋ ସୌଜନ୍ୟ:@dreamgirlhemamalini/Instagram)
