ଜବରଦସ୍ତ୍ ବୋହୂ! ଗାଡ଼ି ନ ମିଳିବାରୁ କରୋନା ପୀଡି଼ତ ଶ୍ୱଶୁରଙ୍କୁ କାନ୍ଧରେ ବୋହି ହସପିଟାଲ୍‌କୁ ନେଲେ

ଜଣେ ବୋହୂ ନିଜ କରୋନା ସଂକ୍ରମିତ ଶ୍ୱଶୁରଙ୍କୁ କାନ୍ଧରେ ବୋହି ଡାକ୍ତରଖାନାକୁ ନେଇଥିଲେ । ଏହା ଦ୍ୱାରା ଶ୍ୱଶୁର ଠିକ୍ ସମୟରେ ଚିକିତ୍ସିତ ହୋଇପାରିଥିଲେ ।

୭୫ ବର୍ଷୀୟ ଥାଲେଶ୍ୱର ଦାସଙ୍କ ପୁଅ ସୁରଜ ସହରରେ ରହି କାମ କରନ୍ତି । ପୁଅର ଅନୁପସ୍ଥିତିରେ ତାଙ୍କୁ କରୋନା ଭାଇରସ୍‌ ସଂକ୍ରମଣ ହେବାରୁ ତାଙ୍କ ବୋହୂ ନିହାରିକା ତାଙ୍କର ପୂରା ଯତ୍ନ ନେଉଥିଲେ ।

ଡାକ୍ତରମାନେ ତୁଲେଶ୍ୱରଙ୍କୁ ହସପିଟାଲରେ ଭର୍ତ୍ତି କରିବାକୁ ପରାମର୍ଶ ଦେଲେ । ଡାକ୍ତରଖାନା ଘରୁ କିଛି ଦୂରରେ ଥିଲା । ନିହାରିକା ଶ୍ୱଶୁରଙ୍କୁ ସେଠାକୁ ନେବାକୁ କୌଣସି ଗାଡ଼ିଘୋଡ଼ା ପାଇଲେ ନାହିଁ । ତେଣୁ ସେ ନିଜେ ହିଁ ଏହି ଦାୟିତ୍ୱ ଉଠାଇଲେ । ନିଜ ଶ୍ୱଶୁରଙ୍କୁ କାନ୍ଧରେ ବୋହି ସେ ଡାକ୍ତରଖାନାକୁ ଆଣିଲେ । କିନ୍ତୁ ଏହା କରିବା ଦ୍ୱାରା ନିହାରିକା ବି କୋଭିଡ ସଂକ୍ରମିତ ହୋଇଗଲେ।

ଆସାମର ରାହା ଭାଟିଗାଓଁର ଏହି ବୋହୁଙ୍କ ନିଷ୍ଠା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି । ସ୍ଥାନୀୟ ସ୍ୱାସ୍ଥ୍ୟ ଅଧିକାରୀ ତାଙ୍କ ଶ୍ୱଶୁରଙ୍କୁ ଜିଲ୍ଲା COVID କେୟାର୍‌ ସେଣ୍ଟରକୁ ନେବାକୁ କହିଥିଲେ ଓ ନିହାରିକାଙ୍କୁ ନିଜ ଘରେ ରହି ଚିକିତ୍ସିତ ହେବାକୁ ପରାମର୍ଶ ଦିଆଯାଇଥିଲା । ହେଲେ ସେ ନିଜେ ଶ୍ୱଶୁରଙ୍କ ପାଖରେ ରହି ଯତ୍ନ ନେବେ ବୋଲି ଜିଦ୍ ଧରିଥିଲେ ।

ଶେଷରେ ଡାକ୍ତରମାନେ ନିହାରିକାଙ୍କ ଜିଦ୍ ଆଗରେ ନଇଁଥିଲେ ଓ ଉଭୟଙ୍କୁ ନାଗାଓଁ ଭୋଗେଶ୍ୱରୀ ଫୁକନାନି ସିଭିଲ୍‌ ହସ୍ପିଟାଲର କୋଭିଡ ୱାର୍ଡ଼କୁ ଚିକିତ୍ସା ପାଇଁ ପଠାଇଥିଲେ ।