ଭୁବନେଶ୍ୱର: COVID ଚିକିତ୍ସା ବିଷୟରେ ଭୁଲ୍ ତଥ୍ୟର ଅଡ଼ିଓ ଭାଇରାଲ୍ କରି ୨ ଜଣ ଗିରଫ ହେଲେ

ଅଡିଓ ଭାଇରାଲ ଘଟଣାରେ ଲକ୍ଷ୍ମୀକାନ୍ତ ବେହେରା  (ଡାହାଣ) ଓ ବିଶ୍ବଜିତ ମହାନ୍ତିଙ୍କୁ ଗିରଫ କରିଛି ପୋଲିସ୍ । ସେ ଦୁଇ ଜଣଙ୍କ ବିରୋଧରେ ଆଇ.ପି.ସି. ଓ ପାଣ୍ଡେମିକ୍ ଆକ୍ଟର ବଭିନ୍ନ ଦଫାରେ ମାମଲା ରୁଜୁ କରାଯାଇଛି ।

କୋଭିଡ୍‌ ଚିକିତ୍ସା ସମ୍ପର୍କରେ ସୋସିଆଲ ମିଡ଼ିଆରେ ଏକ ଅଡ଼ିଓ କ୍ଲିପ୍ ଭାଇରାଲ ହୋଇଥିଲା । ତାକୁ ନେଇ ଥାନାରେ ଏତାଲା ଦେଇଥିଲା ଭୁବନେଶ୍ବର ମହାନଗର ନିଗମ (BMC) ।

ଏତାଲା ପରେ ପୋଲିସ ମାମଲାର ଅନୁସନ୍ଧାନ କରିଥିଲା ଓ ଏହି ପ୍ରକରଣରେ ଦୁଇ ଜଣ ବ୍ୟକ୍ତି ମଖ୍ୟ ରୂପରେ ସଂଲିପ୍ତ ଥିବାର ପ୍ରମାଣ ପାଇଥିଲା ।

ଦୁହେଁ ମିଶି ଅଡିଓ ଭାଇରାଲ କରିବା ସହ କରୋନା ଚିକିତ୍ସା ନେଇ ମିଥ୍ୟା ତଥ୍ୟ ପ୍ରଚାର କରିଥିବା କହିଛି ପୋଲିସ । (ଫଟୋରେ ଲକ୍ଷ୍ମୀକାନ୍ତ ବାମ ଓ ବିଶ୍ୱଜିତ ଡାହାଣ)

ଗିରଫ ହୋଇଥିବା ଲକ୍ଷ୍ମୀକାନ୍ତ ବେହେରା ଘରୋଇ କମ୍ପାନି ଓରଟେଲର ଜଣେ କର୍ମଚାରୀ ବୋଲି ପୋଲିସ କହିଛି ।

ବିଶ୍ବଜିତ ମହାନ୍ତି ହେଉଛନ୍ତି ଭୁବନେଶ୍ବରର ଜଣେ ବ୍ୟବସାୟୀ ।

ଏହି ଗିରଫଦାରୀ ବିଷୟରେ କମିଶନରେଟ ପୋଲିସ ତରଫରୁ ଜାରି ହୋଇଥିବା ପ୍ରେସ୍ ବିଜ୍ଞପ୍ତି ।

ଏହି ଘଟଣାରେ ଅଧିକ ତଦନ୍ତ ଜାରି ରହିଛି । ଏହି ମାମଲାରେ ଆଉ କେତେ ଜଣଙ୍କୁ ବି ପଚରାଉଚରା ପାଇଁ ସମନ ହୋଇଥିବା ସୂଚନା ଦେଇଛି କମିସନରେଟ ପୋଲିସ।