କୋଭିଡ କଟକଣା ଯୋଗୁଁ ସମ୍ବଲପୁରର ଆରାଧ୍ୟା ଦେବୀ ମା’ ସମଲେଶ୍ବରୀ ମନ୍ଦିରରେ ଭକ୍ତଙ୍କ ଦର୍ଶନ କରିବା ସମୟରେ ପରିବର୍ତ୍ତନ କରାଯାଇଛି । ସମ୍ବଲପୁର ଜିଲ୍ଲାରେ ସପ୍ତାହାନ୍ତ ଦୁଇଦିନିଆ ସଟଡାଉନ ଲାଗୁ ହୋଇଥିବାରୁ ମା’ ସମଲେଶ୍ୱରୀଙ୍କ ଦର୍ଶନ ସମ୍ପୂର୍ଣ୍ଣ ବନ୍ଦ ରହୁଥିବା ବେଳେ ସୋମବାରଠାରୁ ଠାରୁ ଦର୍ଶନ ସମୟରେ ପରିବର୍ତ୍ତନ କରାଯାଇଛି । ସୋମବାରଠାରୁ ଭକ୍ତମାନେ ସକାଳ ୬ଟାରୁ ସାଢ଼େ ୧୧ଟା ଏବଂ ଅପରାହ୍ଣ ୩ଟାରୁ ସାଢ଼େ ୫ଟା ପର୍ଯ୍ୟନ୍ତ ମା’ଙ୍କ ଦର୍ଶନ କରିପାରିବେ ବୋଲି କହିଛନ୍ତି ମନ୍ଦିର ଟ୍ରଷ୍ଟ ବୋର୍ଡ଼ର ସଭାପତି ସଞ୍ଜୟ ବାବୁ । ମା’ ସମଲେଶ୍ବରୀଙ୍କ ସବୁ ପୂଜାର୍ଚ୍ଚନା ଓ ରୀତିନୀତି ପୂର୍ବବତ୍ ଜାରି ରହିବ ବୋଲି ମନ୍ଦିର ପକ୍ଷରୁ କୁହାଯାଇଛି । ସମ୍ବଲପୁର ସହରରେ ସନ୍ଧ୍ୟା ୬ଟାରୁ ରାତ୍ରୀକାଳିନ କର୍ଫ୍ୟୁ କଟକଣା ଲାଗୁ ହେଇଥିବାରୁ ମାଁଙ୍କ ମନ୍ଦିରରେ ପୂଜକଙ୍କ ବ୍ୟତୀତ ଅନ୍ୟମାନେ ଉପସ୍ଥିତ ରହିପାରିବେ ନାହିଁ ବୋଲି ମନ୍ଦିର କମିଟି ପକ୍ଷରୁ ସୂଚନା ଦିଆଯାଇଛି ।
