ବାପା ହେବାକୁ ଯାଉଛନ୍ତି ପ୍ୟାଟ୍ କମିନ୍ସ; ତାଙ୍କ ପ୍ରେମିକା ଏହି ଖୁସି ଖବର ଶୁଣାଇଲେ!

କୋଲକାତା ନାଇଟ୍ ରାଇଡର୍ସର ଫାଷ୍ଟ ବୋଲର ପ୍ୟାଟ୍ କମିନ୍ସ (Pat Cummins), ଯିଏ ନିକଟରେ କରୋନାରେ ଆକ୍ରାନ୍ତ ଭାରତୀୟ ଲୋକଙ୍କୁ ସାହାଯ୍ୟ କରି ସମସ୍ତଙ୍କ ହୃଦୟ ଜିତିଛନ୍ତି, ସେ ଖୁବ୍ ଶୀଘ୍ର ପିତା ହେବାକୁ ଯାଉଛନ୍ତି । ତାଙ୍କ ପ୍ରେମିକା ବେକି ବୋଷ୍ଟନ୍ (Becky Boston) ସୋସିଆଲ ମିଡିଆରେ ଏକ ଫଟୋ ଶେୟାର୍‌ କରି ପ୍ରଶଂସକମାନଙ୍କୁ ଏହି ଖୁସି ଖବର ଦେଇଛନ୍ତି ।

କମିନ୍ସ ଓ ବେକିଙ୍କ ନିର୍ବନ୍ଧ ଗତ ବର୍ଷ ଫେବୃଆରୀରେ ହୋଇଥିଲା । ନିଜ ଗର୍ଭଧାରଣର ଫଟୋ ଶେୟାର କରି ବେକି କହିଛନ୍ତି, ‘‘ମୁଁ ଏହି ଭଲ ଖବରକୁ ଲୁଚାଇ ପାରିଲି ନାହିଁ । ଶିଶୁ ବୋଷ୍ଟନ୍ କମିନ୍ସ ଶୀଘ୍ର ଆମ ପାଖକୁ ଆସୁଛି!’’

ଆଇପିଏଲର (IPL 2021) ଏହି ସିଜନରେ ସାତଟି ମ୍ୟାଚରେ ନଅ ୱିକେଟ୍ ନେଇଥିବା କମିନ୍ସ ବର୍ତ୍ତମାନ ମାଳଦ୍ୱୀପରେ ଅଛନ୍ତି । ଆଇପିଏଲ୍ ସ୍ଥଗିତ ରହିବା ପରେ କମିନ୍ସ ଓ ଅନ୍ୟ ଅଷ୍ଟ୍ରେଲୀୟ ଖେଳାଳିମାନେ ମାଳଦ୍ୱୀପ ଚାଲିଯାଇଛନ୍ତି ।

କମିନ୍ସଙ୍କ ପ୍ରେମିକାଙ୍କ ଏହି ପୋଷ୍ଟ ଉପରେ ଅଷ୍ଟ୍ରେଲିଆର ତାରକା ଖେଳାଳି ଡେଭିଡ ୱାର୍ଣ୍ଣର ମନ୍ତବ୍ୟ ଦେଇ ଲେଖିଛନ୍ତି, ‘‘ଅଭିନନ୍ଦନ! ବଡ଼ ଖବର ।’’

ଡେଭିଡ ୱାର୍ଣ୍ଣରଙ୍କ ପତ୍ନୀ କ୍ୟାଣ୍ଡି ୱାର୍ଣ୍ଣର କହିଛନ୍ତି, ‘‘ଏହା ଏକ ଚାଞ୍ଚଲ୍ୟକର ଖବର । ଉଭୟଙ୍କୁ ଶୁଭେଚ୍ଛା ।’’ କମିନ୍ସ ଭାରତର କରୋନା ରୋଗୀମାନଙ୍କୁ ଅମ୍ଳଜାନ ଯୋଗାଣରେ ସାହାଯ୍ୟ କରିବା ପାଇଁ PM କେୟାର ଫଣ୍ଡରେ ୫୦ ହଜାର ଡଲାର୍‌ ଅର୍ଥାତ୍ ପ୍ରାୟ ୩୭ ଲକ୍ଷ ୩୬ ହଜାର ଟଙ୍କା ଦାନ ଦେଇଛନ୍ତି ।