ବେଶୀ ପାଣି ପିଇଲେ କରୋନା ସଂକ୍ରମଣର ବିପଦ ଦୂର ହୋଇଯାଏ? ସତ୍ୟତା କ’ଣ ଜାଣନ୍ତୁ

ଏହି ଦାବିମାନଙ୍କ ମଧ୍ୟରୁ ଗୋଟିଏ ହେଉଛି ଯେ ପ୍ରତି ୧୫ ମିନିଟରେ ପାଣି ପିଇଲେ କରୋନା ଭୂତାଣୁରେ ସଂକ୍ରମିତ ହେବାର ଆଶଙ୍କା ଯଥେଷ୍ଟ କମିଯାଏ । ଯଦି ଏମିତି ପୋଷ୍ଟଗୁଡ଼ିକୁ ଦେଖିବା ପରେ ଆପଣଙ୍କ ମନରେ ଏହି ପଦକ୍ଷେପ ନେବାକୁ ଉତ୍ସାହ ଆସୁଛି, ତାହେଲେ ଆଗ ଜାଣନ୍ତୁ ଏହି ଦାବିରେ କେତେ ସତ୍ୟତା ଅଛି ।

ଲଣ୍ଡନ ସ୍କୁଲ ଅଫ୍ ହାଇଜିନ୍ ଏବଂ ଟ୍ରପିକାଲ୍ ମେଡିସିନର ମହାମାରୀ ବିଶେଷଜ୍ଞ କଳ୍ପନା ସବାପୈଥୀ ବିବିସି (BBC) ସହ ଏକ ବାର୍ତ୍ତାଳାପରେ କହିଛନ୍ତି ଯେ ଏହି କଥାକୁ ଅତି ସାଧାରଣ ଭାବରେ ଉପସ୍ଥାପନ କରିଦିଆଯାଇଛି । କଳ୍ପନା କହିଛନ୍ତି ଯେ କରୋନା ସଂକ୍ରମଣ କେବଳ ଗୋଟିଏ କଣିକା ନୁହେଁ ବରଂ ହଜାର ହଜାର କଣିକାର ସଂସ୍ପର୍ଶରେ ଆସିବା ଦ୍ୱାରା ହୋଇଥାଏ ।

ସୋସିଆଲ ମିଡି଼ଆରେ ପାଣି ପିଇବା ଉପରେ ହେଉଥିବା ଦାବି ଉପରେ କଳ୍ପନା କହିଛନ୍ତି ଯେ ଏହି ସିଦ୍ଧାନ୍ତରେ ସମସ୍ୟା ହେଉଛି ଏହା ଯେ ଏଥିରେ କେବଳ ପେଟରେ ପହଞ୍ଚିଥିବା ଏହି ଭୂତାଣୁକୁ ମାରିଦିଆଯିବା କଥା କୁହାଯାଉଛି । ସେ କହିଛନ୍ତି ଯେ ଏହି ସମଗ୍ର ବିଷୟରେ ଧ୍ୟାନ ଦେବା କଥା ହେଉଛି ଯେ ଏହି ଭାଇରସ୍ ଏସୋଫ୍ୟାଗସ୍ ମାଧ୍ୟମରେ ଶରୀରରେ ପ୍ରବେଶ କରିସାରିଥିବ । ଯଦି ନାକ ଦେଇ ଏହି ଭାଇରସ୍ ପ୍ରବେଶ କରିପାରି ନାହିଁ, ତାହେଲେ ଏହା ଆଖି ମାଧ୍ୟମରେ ପ୍ରବେଶ କରିଯିବ ।

ସେ କହିଛନ୍ତି ଯେ ଯଦି ଆପଣ ସଂକ୍ରମିତ ସ୍ଥାନ ବା ପୃଷ୍ଠକୁ ସ୍ପର୍ଶ କରିବା ପରେ ଆଖି, ନାକ ଓ ପାଟିକୁ ସ୍ପର୍ଶ କରନ୍ତି, ତାହେଲେ ଆପଣ ଏହି ଭାଇରସର ଶିକାର ହେବେ । ତେଣୁ ଅଧିକ ପାଣି ପିଇବା ସୁରକ୍ଷାର ଏକ ଉପାୟ ହୋଇପାରିବ ନାହିଁ ।

କରୋନା ଭାଇରସର ଅନେକ ଲକ୍ଷଣ ଏ ପର୍ଯ୍ୟନ୍ତ ରିପୋର୍ଟ କରାଯାଇଛି । ଏହି ଲକ୍ଷଣଗୁଡ଼ିକରେ ଝାଡ଼ା ହେବା (ଡାଇରିଆ) ବି ଅନ୍ତର୍ଭୁକ୍ତ । କେତେକ ରିପୋର୍ଟରେ ଏହା ପ୍ରକାଶ ପାଇଛି ଯେ କରୋନା ସଂକ୍ରମିତ ରୋଗୀଙ୍କ ମଳ ମଧ୍ୟ ଭାଇରସ୍ ସଂକ୍ରମଣର କାରଣ ହୋଇପାରେ । ତଥାପି ଏ ପର୍ଯ୍ୟନ୍ତ କୌଣସି ରିପୋର୍ଟ ବା ଅଧ୍ୟୟନରେ କୌଣସି ସୂଚନା ପ୍ରକାଶ କରାଯାଇ ନାହିଁ ଯେ ପ୍ରତି ୧୫ ମିନିଟରେ ଥରେ ପାଣି ପିଇବା ଦ୍ୱାରା କରୋନା ବିପଦକୁ କମ୍ କରାଯାଇପାରେ ।