Corona 3rd Wave: ୯୮ ଦିନ ଧରି ଚାଲିବ କରୋନାର ୩ୟ ଲହର, ସାଙ୍ଘାତିକ ହେବ, ଆସିଲା ନୂଆ ତଥ୍ୟ

*କରୋନା ଭାଇରସର ଆସନ୍ନ ତୃତୀୟ ତରଙ୍ଗକୁ ନେଇ ଏକ ସଦ୍ୟ ରିପୋର୍ଟରେ ଅନେକ ନୂଆ ତଥ୍ୟ ଓ ଚେତାବନୀ ଅଛି । (ଫଟୋ: ରୟଟର୍ସ)

*କରୋନା ଭାଇରସ୍‌ ସଂକ୍ରମଣର ତୃତୀୟ ତରଙ୍ଗ ଦ୍ୱିତୀୟ ତରଙ୍ଗ ପରି ଭୟଙ୍କର ହୋଇପାରେ ଓ ଏହା ହାରାହାରି ୯୮ ଦିନ ପର୍ଯ୍ୟନ୍ତ ରହିପାରେ ବୋଲି ଏକ ନୂଆ ରିପୋର୍ଟରେ କୁହାଯାଇଛି ।

*ଏବେଠୁ ଟିକାକରଣ ଯଦି ବୃଦ୍ଧି କରାଯାଏ ଓ ସ୍ୱାସ୍ଥ୍ୟ ଭିତ୍ତିଭୂମିର ଉନ୍ନତି କରାଯାଏ ତାହେଲେ ତୃତୀୟ ତରଙ୍ଗରେ କୋଭିଡଜନିତ ମୃତ୍ୟୁ ସଂଖ୍ୟା ହ୍ରାସ ପାଇପାରେ ବୋଲି ଏହି ରିପୋର୍ଟରେ କୁହାଯାଇଛି ।

*ବିକଶିତ ଦେଶମାନଙ୍କରେ ତୃତୀୟ ତରଙ୍ଗର ହାରାହାରି ଅବଧି ୯୮ ଦିନ ଥିଲା ଓ ଦ୍ୱିତୀୟ ତରଙ୍ଗ ୧୦୮ ଦିନ ଚାଲିଥିଲା । ଯଦି ଭାରତ ତୃତୀୟ ତରଙ୍ଗ ପାଇଁ ଭଲ ଭାବରେ ପ୍ରସ୍ତୁତ ହୁଏ, ତେବେ ଗୁରୁତର ମାମଲା ସଂଖ୍ୟା ହ୍ରାସ ପାଇପାରେ ବୋଲି ଏସ୍‌.ବି.ଆଇ. ଇକୋରାପ୍‌ (SBI Ecowrap) ପ୍ରକାଶ କରିଥିବା ଏହି ରିପୋର୍ଟରେ କୁହାଯାଇଛି ।

*ଏହି ପାଞ୍ଚ ପୃଷ୍ଠାର ରିପୋର୍ଟରେ କୁହାଯାଇଛି ଯେ କରୋନା ସଂକ୍ରମଣର ତୃତୀୟ ତରଙ୍ଗରେ ପିଲାମାନେ ସବୁଠୁ ଅଧିକ ଅସୁରକ୍ଷିତ ହେବେ । ପିଲାମାନଙ୍କ ବିଷୟରେ ଚେତାବନୀ ଦେଇ ଏହି ରିପୋର୍ଟ କହିଛି ଯେ ଏବେ ଟିକାକରଣକୁ ସର୍ବୋଚ୍ଚ ପ୍ରାଥମିକତା ମିଳିବା ଉଚିତ।

*ଭାରତରେ ୧୨ରୁ ୧୮ ବର୍ଷ ବୟସ ମଧ୍ୟରେ ପ୍ରାୟ ୧୫ କୋଟିରୁ ୧୭ କୋଟି ପିଲା ଥିବାରୁ ଭାରତକୁ ପ୍ରଥମେ ଏହି ବର୍ଗର ସବୁ ପିଲାଙ୍କୁ ଯେତେ ଶୀଘ୍ର ସମ୍ଭବ ଟିକାକରଣ କରିବା ଉଚିତ ବୋଲି ଏହି ରିପୋର୍ଟରେ କୁହାଯାଇଛି।

*ଭାରତରେ ବର୍ତ୍ତମାନର ଟିକାକରଣ ମନ୍ଥର ଗତିରେ ଚାଲିଥିବାରୁ ସଂକ୍ରମଣର ତୃତୀୟ ତରଙ୍ଗ ପହଞ୍ଚିବା ଆଗରୁ ସମସ୍ତଙ୍କ ଟିକାକରଣ ହୋଇ ନ ଥିବା ବୋଲି ଆଶଙ୍କା କରାଯାଉଛି । ବିକସିତ ଦେଶମାନଙ୍କ ପରି ଏକ ଉନ୍ନତ ଟିକା କ୍ରୟ ରଣନୀତି ଆପଣାଇବା ଉଚିତ ଓ ସବୁ ପିଲାଙ୍କୁ ଯଥା ସମ୍ଭବ ଟିକା ଦେବା ଉଚିତ ବୋଲି ଏହି ରିପୋର୍ଟରେ କୁହାଯାଇଛି ।

ନୀତି ଆୟୋଗର (NITI Aayog) ସଦସ୍ୟ (ସ୍ୱାସ୍ଥ୍ୟ) ଭି.କେ. ପଲ୍ ଚେତାବନୀ ଦେଇ କହିଛନ୍ତି ଯେ ଯଦିଓ ପିଲାମାନଙ୍କ ମଧ୍ୟରେ କରୋନା ଭାଇରସ୍ ସଂକ୍ରମଣ ଏବେ ଗୁରୁତର ରୂପ ନେଇ ନାହିଁ, ତଥାପି ଭାଇରସର ଆଚରଣ ବା ଏପିଡେମୋଲୋଜି ଡାଇନାମିକ୍ସରେ ପରିବର୍ତ୍ତନ ଆସିଲେ ଏହାର ପ୍ରଭାବ ସେମାନଙ୍କ ଉପରେ ବଢ଼ିପାରେ ।

ଏମିତି କୌଣସି ପରିସ୍ଥିତିର ମୁକାବିଲା କରିବାକୁ ପ୍ରସ୍ତୁତି ଚାଲିଛି ବୋଲି କହିଛନ୍ତି ଭି.କେ. ପଲ୍।