ଚାକିରି ନଥିବାରୁ ଯୁବକଙ୍କୁ ବିବାହ ପାଇଁ ଝିଅ ମିଳୁନି: NCP ମୁଖ୍ୟ

ବେରୋଜଗାର ସାମାଜିକ ସମସ୍ୟା ସୃଷ୍ଟି କରୁଛି। ଚାକିରୀ ଅଭାବରୁ ଅବିବାହିତ ଯୁବକମାନେ ଝିଅ ପାଉନାହାଁନ୍ତି: ଶରଦ ପାୱାର

NCP ମୁଖ୍ୟ

NCP ମୁଖ୍ୟ

  • News18 Odia
  • Last Updated :
  • Other, India
  • Share this:
News18 Odia Digital

ପୁଣେ: ବେରୋଜଗାରକୁ ନେଇ କେନ୍ଦ୍ର ଜନତା ସରକାରଙ୍କୁ ସମାଲୋଚନା କରିଛନ୍ତି ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ମୁଖ୍ୟ ଶରଦ ପାୱାର। ବେରୋଜଗାର ସାମାଜିକ ସମସ୍ୟା ସୃଷ୍ଟି କରୁଛି ବୋଲି ପୁଣେରେ ଏନସିପି ମୁଖ୍ୟ ପାୱାର କହିଛନ୍ତି। ଚାକିରୀ ଅଭାବରୁ ବିବାହିତ ଯୁବକମାନେ ଝିଅ ପାଉନାହାଁନ୍ତି।

ସେ କହିଛନ୍ତି ଯେ ବିବାହ ଯୋଗ୍ୟ ଯୁବକମାନେ ବିବାହ କରୁ ନ ଥିବାରୁ ଏହା ସାମାଜିକ ସମସ୍ୟା ସୃଷ୍ଟି କରୁଛି।  ଏନସିପିର ଜନ ଜାଗରଣ ଅଭିଯାନକୁ ଆରମ୍ଭ କରିବା ପୂର୍ବରୁ ପାୱାର କହିଛନ୍ତି ଯେ ସମ୍ପ୍ରଦାୟ ମଧ୍ୟରେ ମତଭେଦ ସୃଷ୍ଟି ହେଉଛି ଓ ମୂଲ୍ୟ ବୃଦ୍ଧି ଓ ବେକାରୀ ଭଳି ପ୍ରକୃତ ପ୍ରସଙ୍ଗରୁ ଧ୍ୟାନ ହଟାଇବାକୁ ଚେଷ୍ଟା କରାଯାଉଛି।

ପୂର୍ବତନ କେନ୍ଦ୍ର କୃଷି ମନ୍ତ୍ରୀ ପାୱାର କହିଛନ୍ତି ଯେ ଆଜିର ଯୁବକମାନେ ଶିକ୍ଷିତ ଓ ଚାକିରି ଦାବି କରିବାର ଅଧିକାର ରହିଛି। ସେ କହିଛନ୍ତି ଯେ ଶିଳ୍ପଗୁଡିକ ମହାରାଷ୍ଟ୍ରରୁ ବାହାରକୁ ଯାଉଛନ୍ତି। ବର୍ତ୍ତମାନର ଶିଳ୍ପଗୁଡିକୁ କୌଣସି ଉତ୍ସାହ ଦିଆଯାଉ ନାହିଁ ଓ ନୂତନ ବ୍ୟବସାୟ ପ୍ରତିଷ୍ଠା ପାଇଁ କୌଣସି ସୁଯୋଗ ଦିଆଯାଉ ନାହିଁ, ସେଥିପାଇଁ ବେକାରୀ ବୃଦ୍ଧି ପାଉଛି।

ପାୱାର କହିଛନ୍ତି, “ଦେଶରେ କ୍ଷୁଧା ସମସ୍ୟାର ସମାଧାନ ସମ୍ଭବ କାରଣ ଆମର କୃଷକମାନେ ଉତ୍ପାଦନ ବୃଦ୍ଧି କରିଛନ୍ତି, କିନ୍ତୁ କ୍ଷମତାରେ ଥିବା ଲୋକମାନେ ଚାଷୀଙ୍କୁ ଉପଯୁକ୍ତ ପାରିଶ୍ରମିକ ଦେବାକୁ ପ୍ରସ୍ତୁତ ନୁହଁନ୍ତି, ଓ ସେମାନେ ମଧ୍ୟସ୍ଥି ତଥା ସାଧାରଣ ଲୋକଙ୍କ ସ୍ୱାର୍ଥ ରକ୍ଷା କରୁଛନ୍ତି।
Published by:Soumya Das
First published: