ବିଶ୍ବର ଶ୍ରେଷ୍ଠ ଟି୨୦ ଖେଳାଳି ୧୬ ବର୍ଷୀୟା ଶେଫାଳୀ ବର୍ମା ଏବେ ପେପସୀର ବିଜ୍ଞାପନରେ ଆସିବେ

ଅଷ୍ଟ୍ରେଲିଆରେ ଚ଼ାଲିଥିବା ମହିଳା ଟି୨୦ ବିଶ୍ବ କପରେ ଚ଼ମତ୍କାର ପ୍ରଦର୍ଶନ କରି ଚ଼ର୍ଚ୍ଚାକୁ ଆସିଥିବା ଶେଫାଳି ବର୍ମାଙ୍କୁ ପେପସୀ କମ୍ପାନୀ ବର୍ଷକ ପାଇଁ ଚ଼ୁକ୍ତିବଦ୍ଧ କରିଛି । ଶେଫାଳୀ ହେଉଛନ୍ତି ଭାରତୀୟ ପୁରୁଷ ଓ ମହିଳା କ୍ରିକେଟ ଦଳର ସର୍ବକନିଷ୍ଠ ଖେଳାଳି ।

ବିଶ୍ବର ଶ୍ରେଷ୍ଠ ଟି୨୦ ଖେଳାଳି ୧୬ ବର୍ଷୀୟା ଶେଫାଳୀ ବର୍ମା ଏବେ ପେପସୀର ବିଜ୍ଞାପନରେ ଆସିବେ
ଶେଫାଳୀ ବର୍ମା ଭାରତର ସର୍ବକନିଷ୍ଠ କ୍ରିକେଟ ଖେଳାଳି ।
  • News18 Odia
  • Last Updated: March 6, 2020, 11:53 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ସିଡନୀ/ନୂଆ ଦିଲ୍ଲୀ: ଆନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ଦ୍ବାରା ପ୍ରକାଶିତ ମହିଳା କ୍ରିକେଟ ଖେଳାଳିଙ୍କ ଟି-୨୦ ଆନ୍ତର୍ଜାତୀୟ ରାଙ୍କିଙ୍ଗ ତାଲିକାରେ ଶୀର୍ଷ ସ୍ଥାନ ହାସଲ କରିଥିବା ୧୬ ବର୍ଷିୟା ଭାରତୀୟ କ୍ରିକେଟର ଶେଫଳି ବର୍ମା ଏବେ ପେପସୀ କୋଲାର ବିଜ୍ଞାପନରେ ଦେଖିବାକୁ ମିଳିବେ । ଏହା କୌଣସି ବଡ଼ ବ୍ରାଣ୍ଡ୍‌ ସହ ଶେଫାଳିଙ୍କର ପ୍ରଥମ ଚ଼ୁକ୍ତି ।

ଅଷ୍ଟ୍ରେଲିଆରେ ଚ଼ାଲିଥିବା ମହିଳା ଟି-20 ବିଶ୍ବ କପରେ ଚ଼ମତ୍କାର ପରର୍ଶନ କରି ଚ଼ର୍ଚ୍ଚାକୁ ଆସିଥିବା ଶେଫାଳି ବର୍ମାଙ୍କୁ ପେପସୀ କମ୍ପାନୀ ବର୍ଷକ ପାଇଁ ଚ଼ୁକ୍ତିବଦ୍ଧ କରିଥିବା ଜଣାପଡ଼ିଛି । ଶେଫାଳୀ ହେଉଛନ୍ତି ଭାରତୀୟ ପୁରୁଷ ଓ ମହିଳା କ୍ରିକେଟ ଦଳର ସର୍ବକନିଷ୍ଠ ଖେଳାଳି । ସେ ଏବେ ଆଇସିସି ଖେଳାଳୀ ରାଙ୍କିଙ୍ଗ ଟେବୁଲରେ ୧ ନମ୍ବର ସ୍ଥାନରେ ଅଛନ୍ତି । ସେ ୧୯ଟି ସ୍ଥାନ ଡେଇଁ ନ୍ୟୁଜିଲ୍ୟାଣ୍ଡର ଅଧିନାୟିକା ସୁଜି ବେଟ୍ସଙ୍କୁ ପଛରେ ପକାଇ ୭୬୧ ପଏଣ୍ଟ ସହ ଶୀର୍ଷ ସ୍ଥାନ ହାସଲ କରିଛନ୍ତି ।

ଅଷ୍ଟ୍ରେଲିଆରେ ଚ଼ାଲିଥିବା ମହିଳା ଟି-୨୦ ବିଶ୍ବ କପରେ ଶେଫାଳୀ ଶ୍ରେଷ୍ଠ ପଦର୍ଶନକାରୀଙ୍କ ମଧ୍ୟରୁ ଜଣେ ଥିଲେ । ଏ ପର୍ଯ୍ୟନ୍ତ ସେ ହାରାହାରି ୪୦.୪୫ ରନ୍‌ ସହ ଚ଼ାରିଟି ମ୍ୟାଚରୁ ୧୬୧ ରନ ସଂଗ୍ରହ କରିଛନ୍ତି । ଏହି ଟୁର୍ଣ୍ଣାମେଣ୍ଟରେ ସମସ୍ତ ବ୍ୟାଟରଙ୍କ ଠାରୁ ତାଙ୍କର ଷ୍ଟ୍ରାଇକ୍ ରେଟ୍ ସର୍ବାଧିକ ରହିଛି । ପ୍ରାରମ୍ଭିକ ଖେଳାଳି ଭାବେ ତାଙ୍କର ଅବଦାନ ଯୋଗୁଁ ଭାରତୀୟ ଦଳ ଟୁର୍ଣ୍ଣାମେଣ୍ଟରେ ଅପରାଜିତ ରହିଛି । ମିତାଲି ରାଜଙ୍କ ପରେ ସେ ହେଉଛନ୍ତି ଦ୍ବିତୀୟ ଭାରତୀୟ ଖେଳାଳି ଯିଏ ଟି-୨୦ରେ ପ୍ରଥମ ସ୍ଥାନ ଅଧିକାର କରିଛନ୍ତି ।

ଗତ ବର୍ଷ ସେପ୍ଟେମ୍ବରରେ ସୁରଟରେ ଶେଫାଳୀ ଦକ୍ଷିଣ ଆଫ୍ରିକା ବିପକ୍ଷରେ ନିଜର ପ୍ରଥମ ମ୍ୟାଚ଼ ଖେଳିଥିଲେ । ସେତେବେଳେ ସେ ଭାରତୀୟ ଦଳ ପାଇଁ ଖେଳୁଥିବା ସର୍ବକନିଷ୍ଠ କ୍ରିକେଟର ହେବାର ରେକର୍ଡ଼ କରିଥିଲେ । ଛଅ ମାସରୁ କମ୍ ସମୟ ମଧ୍ୟରେ ସେ ଟି-୨୦ରେ ଶୀର୍ଷ ସ୍ଥାନରେ ପହଞ୍ଚି ପାରିଛନ୍ତି । ଆଇସିସିର ଟି-୨୦ ରାଙ୍କିଙ୍ଗରେ ସଭା ଉପରେ ରହିବାରେ ସେ ହେଉଛନ୍ତି ସର୍ବକନିଷ୍ଠ ଭାରତୀୟ ଖେଳାଳି ।

ଶେଫାଳୀ ବର୍ମା


ସେ ଏ ପର୍ଯ୍ୟନ୍ତ ମୋଟ ୧୮ଟି ମ୍ୟାଚ୍ ଖେଳି ୨୮.୫୨ ଆଭେରେଜ ସହ ୪୮୫ ରନ୍‌ କରିଛନ୍ତି । ଏଥିରେ ସେ ୧୪୬.୯୬ ଷ୍ଟ୍ରାଇକ୍ ରେଟ ସହ ଦୁଇଟି ଅର୍ଦ୍ଧ ଶତକ ମାରଛନ୍ତି । ଆସନ୍ତା ରବିବାର ମେଲବର୍ଣ୍ଣରେ ମହିଳା ଟି-୨୦ ବିଶ୍ବ କପର ଫାଇନାଲ ମ୍ୟାଚ଼ ଖେଳାଯିବାକୁ ଥିବା ବେଳେ ଶେଫାଳୀଙ୍କ ଉପରେ ସମସ୍ତଙ୍କ ନଜର ରହିଛି ।

ପେପସି କୋ ପାନୀୟ କମ୍ପାନୀ ନିକଟରେ ବଲିଉଡ ତାରକା ସଲମାନ ଖାନଙ୍କୁ ଦୁଇ ବର୍ଷ ପାଇଁ ବ୍ରାଣ୍ଡ ଆମ୍ବାସାଡର୍‌ ଭାବେ ସ୍ୱାକ୍ଷରିତ କରିଛି । ଭାରତୀୟ ମହିଳା ଦଳର କିଛି ବରିଷ୍ଠ ଖେଳାଳି – ମିତାଲି ରାଜ, ସ୍ମୃତି ମନ୍ଧାନା ଓ ହରମାନପ୍ରୀତ କୌର – ନିକଟରେ ଅନେକ ବ୍ରାଣ୍ଡ୍‌ ସହିତ ଚ଼ୁକ୍ତି ସ୍ୱାକ୍ଷରିତ କରିଛନ୍ତି । ମନ୍ଧାନାଙ୍କ ପାଖରେ ହିରୋ ମୋଟୋକର୍ପ (ବ୍ୟାଟ୍ ପ୍ରାୟୋଜକ), ବାଟାର କ୍ରୀଡ଼ା ପୋଷାକ ବ୍ରାଣ୍ଡ ପାୱାର୍‌ ଓ ଆମଷ୍ଟ୍ରାଡ୍ ଇଣ୍ଡିଆ ସମେତ ପାଞ୍ଚଟି ବଡ଼ ବିଜ୍ଞାପନ ଅଛି । ହରମାନପ୍ରୀତ କୌର ଟାୟାର୍‌ କମ୍ପାନୀ ସିଆଟ୍‌ ସହିତ ଚ଼ୁକ୍ତି ସ୍ୱାକ୍ଷରିତ କରିଛନ୍ତି ।
First published: March 6, 2020, 11:53 PM IST
corona virus btn
corona virus btn
Loading