ଡାକ୍ତରଙ୍କ ଦାବି; ମୃତ୍ୟୁ ପରେ ପୁଣି ହେଲେ ଜୀବନ୍ତ; ଆଖିରେ ଦେଖିଛନ୍ତି ସ୍ୱର୍ଗଲୋକ

News18 Odia Digital

How Life looks After Death: ମୃତ୍ୟୁ ପରେ ମଣିଷ ସହିତ କ’ଣ ହୁଏ?  ଏହା ହେଉଛି ଏହି ଦୁନିଆର ସବୁଠାରୁ ବଡ ରହସ୍ୟ। ପୁନର୍ଜନ୍ମ ବିଷୟରେ ଅନେକ ବିଶ୍ୱାସ ଏବଂ କାହାଣୀ ଅଛି, କିନ୍ତୁ ଏହାର କୌଣସି ଠୋସ୍ ପ୍ରମାଣ ନାହିଁ। ଏବେ ଜଣେ ଡାକ୍ତର ଦାବି କରିଛନ୍ତି ଯେ ସେ ମରିବା ପରେ ପୁଣି ଜୀବିତ ହୋଇଛନ୍ତି। ଡକ୍ଟର ଲିଣ୍ଡା କ୍ରାମର ଏହା ମଧ୍ୟ କହିଛନ୍ତି ଯେ ମୃତ୍ୟୁ ପରେ କ’ଣ ଘଟେ ଓ ସ୍ୱର୍ଗ କିପରି ଦେଖାଯାଏ ସେ ଦେଖିଛନ୍ତି।

ଡକ୍ଟର ଲିଣ୍ଡା କ୍ରାମର କହିଛନ୍ତି ଯେ ସେ ମୃତ୍ୟୁ ପରେ ପାଞ୍ଚ ବର୍ଷ ସ୍ୱର୍ଗରେ ରହୁଥିଲେ ଓପରେ ଫେରି ଆସିଥିଲେ। ସେ କହିଛନ୍ତି ଯେ ୬ ମଇ ୨୦୦୧ ରେ ତାଙ୍କର ମୃତ୍ୟୁ ହୋଇଥିଲା ଓ ଅନ୍ତିମ ସଂସ୍କାର କରାଯାଇଥିଲା। ଏହି ସମୟରେ ତାଙ୍କୁ ଡାକ୍ତରଖାନା ନିଆଯାଇଥିଲା। ଲିଣ୍ଡା ଦାବି କରିଛନ୍ତି ଯେ ତାଙ୍କୁ ଡାକ୍ତରଖାନା ନିଆଯିବା ବେଳକୁ ତାଙ୍କ ଆତ୍ମା ​​ସ୍ୱର୍ଗରେ ପହଞ୍ଚି ସାରିଥିଲା।

କ୍ରିକେଟରଙ୍କ ପତ୍ନୀଙ୍କୁ ହତ୍ୟା ଧମକ; ଥାନାରେ ଦ୍ୱାରସ୍ଥ ହେଲେ ଶ୍ବଶୁର ଘର ଲୋକ

ଲିଣ୍ଡା କହିଥିଲେ ଯେ ସେ ମୃତ୍ୟୁର ୧୪ ମିନିଟ ପରେ ଏଭରେଷ୍ଟଠାରୁ ଅଧିକ ଉଚ୍ଚ ପର୍ବତ ଦେଖିଥିଲେ। ଏହି ପର୍ବତଗୁଡିକର ଉଚ୍ଚତା ନିଶ୍ଚିତ ଭାବରେ ଅନେକ ହଜାର ଗୁଣ ଅଧିକ ଥିଲା। ତାଙ୍କ କହିବାନୁସାରେ, ସ୍ୱର୍ଗରେ ଏକ ହ୍ରଦ ଥିଲା, ସେଠାରେ କିଛି ଲୋକ ଥିଲେ ଓ ସେ ମଧ୍ୟ ସେମାନଙ୍କ ସହ କଥାବାର୍ତ୍ତା ହେଉଥିଲେ। ଏହି ସମୟରେ ସେ ଅନୁଭବ କରିଥିଲେ ଯେପରି ସେ ପାଞ୍ଚ ବର୍ଷ ସ୍ୱର୍ଗରେ ରହି ପୁଣି ଫେରି ଆସିଛନ୍ତି।

ଏପରି ଦାବି ପୂର୍ବରୁ ଅନେକ ଥର କରାଯାଇଥିଲା କିନ୍ତୁ ସେଗୁଡ଼ିକରୁ କୌଣସି ସତ୍ୟତା ମିଳିନଥିଲା। ବିଜ୍ଞାନ ଅନୁଯାୟୀ, ମାନବ ଶରୀରର ମଲ୍ଟିସେନ୍ସୋରୀ ଇଣ୍ଟିଗ୍ରେସନରେ ବ୍ୟାଘାତ ହେତୁ ଏହିପରି ଅନୁଭୂତି ଘଟେ। ଯେତେବେଳେ ଲୋକମାନେ ମୃତ୍ୟୁକୁ ଭୟ କରନ୍ତି, ସେମାନେ ଅଜବ ସ୍ୱପ୍ନ ଦେଖନ୍ତି ଏବଂ ସେମାନଙ୍କୁ ସତ୍ୟ ବୋଲି ବିଶ୍ୱାସ କରିବା ଆରମ୍ଭ କରନ୍ତି।