- ହୋମ୍ »
- ଓଡ଼ିଶା ନ୍ୟୁଜ୍ »
- ଟ୍ରେଣ୍ଡିଙ୍ଗ »
- ପତି ଘରକୁ ଡେରିରେ ଫେରିଲେ ବୋଲି ପତ୍ନୀ ରାଗରେ ତାଙ୍କ ମୁହଁରେ ଗରମ ତେଲ ଢାଳିଦେଲେ
ପତି ଘରକୁ ଡେରିରେ ଫେରିଲେ ବୋଲି ପତ୍ନୀ ରାଗରେ ତାଙ୍କ ମୁହଁରେ ଗରମ ତେଲ ଢାଳିଦେଲେ
ଗତ କିଛି ଦିନ ଧରି ଅରବିନ୍ଦ ନିଜ ଡ୍ୟୁଟିରୁ ବିଳମ୍ବରେ ଘରକୁ ଫେରୁଥିବାରୁ ପତ୍ନୀଙ୍କ ସହ ତାଙ୍କର ଝଗଡା ହେଉଥିଲା । ସେ ଘରେ ଶୋଇଥିବା ବେଳେ ଭୋର୍ ସମୟରେ ପତ୍ନୀ ତାଙ୍କ ମୁହଁରେ ଗରମ ତେଲ ଢାଳିଦେଇଥିଲେ ।
(ପ୍ରତୀକାତ୍ମକ ଛବି)
News18 Odia Digital
ସାଗର (ମଧ୍ୟ ପ୍ରଦେଶ): ବୈବାହିକ କଳହ ଏକ ସାଧାରଣ କଥା, ହେଲେ ଏହା ଯଦି ସୀମା ଟପିଯାଏ ତେବେ ସ୍ଥିତ ସାଙ୍ଘାତିକ ହୋଇପାରେ । ଏମିତି ଏକ ଭୟଙ୍କର ଘଟଣାର ଏକ ଉଦାହରଣ ଦେଖିବାକୁ ମିଳିଛି । ଜଣେ ମହିଳା ନିଜ ସ୍ୱାମୀ ଡେରିରେ ଘରକୁ ଫେରିଲେ ବୋଲି ଏତେ ରାଗିଗଲେ ଯେ ସେ ତାଙ୍କ ମୁହଁରେ ଟକ୍ ଟକ୍ ହୋଇ ଫୁଟୁଥିବା ଗରମ ତେଲ ଢାଳିଦେଲେ ଓ ତାଙ୍କୁ ଗୁରୁତର ଆହତ କରିଦେଲେ ।
ଏହି ଅଭାବନୀୟ ଘଟଣା ଘଟିଛି ମଧ୍ୟ ପ୍ରଦେଶର ସାଗର ଜିଲ୍ଲାରେ । ସେଠାକାର ପୋଲିସ ୩୫ ବର୍ଷୀୟା ଶିବାକୁମାରୀ ଅହିରୱାର ନାମକ ଏହି ଅଭିଯୁକ୍ତା ମହିଳାଙ୍କ ବିରୁଦ୍ଧରେ ଏକ ମାମଲା ରୁଜୁ କରିଛି ଓ ତଦନ୍ତ ଚଳାଇଛି । ସେ ତାଙ୍କ ୩୮ ବର୍ଷୀୟ ସ୍ୱାମୀ ଅରବିନ୍ଦ ଅହିରୱାରଙ୍କ ଉପରକୁ ଗରମ ତେଲ ଫିଙ୍ଗିଦେଇଥିବା ଅଭିଯୋଗ ହୋଇଛି । (Wife pours hot oil on husband face)
ଏହା ବି ପଢ଼ନ୍ତୁ | ଢେଙ୍କାନାଳରେ ଦୁଇ ଝିଅଙ୍କ ବଚସା ବେଳେ ଗାଲ କାମୁଡ଼ା… ତା’ ପରେ ପିତାଙ୍କୁ ହାଣି ହତ୍ୟା କଲେ
ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ ଅରବିନ୍ଦ ଗତ କିଛି ଦିନ ଧରି ନିଜ ଡ୍ୟୁଟିରୁ ବିଳମ୍ବରେ ଘରକୁ ଫେରିବା ପରେ ଦମ୍ପତିଙ୍କ ମଧ୍ୟରେ ଝଗଡା ହେଉଥିଲା । ଏହି ଝଗଡ଼ା ବଢ଼ି ଏବେ ଏମିତି ଏକ ଭୟାନକ କାଣ୍ଡରେ ପରିଣତ ହେଲା । ପୋଲିସର ତଦନ୍ତରୁ ଜଣାପଡ଼ିଛି ଯେ ପତ୍ନୀ ଶିବାକୁମାରୀ ତାଙ୍କ ପତି ଅରବିନ୍ଦ ଘରେ ଶୋଇଥିବା ସମୟରେ ତାଙ୍କ ମୁହଁରେ ଫୁଟୁଥିବା ତେଲ ଢ଼ାଳିଦେଇଥିଲେ ।
‘ଟାଇମ୍ସ ଅଫ୍ ଇଣ୍ଡିଆ’ରେ ପ୍ରକାଶିତ ରିପୋର୍ଟ ଅନୁସାରେ ଶିବାକୁମାରୀ ଓ ଅରବିନ୍ଦ ଚାରି ବର୍ଷ ହେଲା ବିବାହିତ । ଏହି ଘଟଣା ପରେ ଅରବିନ୍ଦଙ୍କ ମୁହଁ ଗୁରୁତର ଭାବେ ପୋଡ଼ିଯାଇଛି । ତାଙ୍କୁ ମଧ୍ୟ ପ୍ରଦେଶର ସାଗରସ୍ଥିତ ବୁନ୍ଦେଲଖଣ୍ଡ ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
ଏହା ବି ପଢ଼ନ୍ତୁ | ମାହାଙ୍ଗା ଡବଲ ମର୍ଡର: ୪ ଜଣ ଅଭିଯୁକ୍ତ ଗିରଫ ହେଲେ; ହତ୍ୟାରେ ବ୍ୟବହୃତ ଖଣ୍ଡା ଜବତ ହେଲା
‘‘ରାତିରେ ସେମାନେ (ଅରବିନ୍ଦ ଓ ପତ୍ନୀ ଶିବାକୁମାରୀ) କିଛି କଥାକୁ ନେଇ ପରସ୍ପର ସହ ଝଗଡ଼ା କରିଥିଲେ । ମୋ’ ବାପା ଓ ମା’ ହସ୍ତକ୍ଷେପ କରି ପରିସ୍ଥିତିକୁ ନିୟନ୍ତ୍ରଣ କରିଥିଲେ । ମାତ୍ର ଭୋର୍ ପ୍ରାୟ ୫ଟା ବେଳେ ମୋ’ ଭାଇ ଶୋଇଥିବା ସମୟରେ ସେ (ଶିବାକୁମାରୀ) ରାଗରେ ତାଙ୍କ ମୁହଁରେ ଫୁଟୁଥିବା ତେଲ ଢାଳିଦେଇଥିଲେ,’’ ଅରବିନ୍ଦଙ୍କ ଭାଇ ଗଣମାଧ୍ୟମକୁ କହିଛନ୍ତି ।
ଏହା ବି ପଢ଼ନ୍ତୁ | ନୟାଗଡ଼ ନାବାଳିକାର ହତ୍ୟା ଅଭିଯୁକ୍ତ ନାବାଳକ ବୋଲି ପ୍ରମାଣିତ ହେଲା; ତା’ର ନାର୍କୋ ଟେଷ୍ଟ୍ ହେବନି
ଅରବିନ୍ଦ ଯନ୍ତ୍ରଣାରେ ଚିତ୍କାର କରୁଥିବା ଶୁଣି ତାଙ୍କ ପଡ଼ୋଶୀମାନେ ଦୌଡ଼ିଆସିଥିଲେ ଓ ତାଙ୍କୁ ଡାକ୍ତରଖାନା ନେଇଥିଲେ । ଅରବିନ୍ଦଙ୍କ ଭାଇ କହିଛନ୍ତି ଯେ ପରିବାର ଲୋକେ ଅରବିନ୍ଦଙ୍କୁ ଦେଖିବା ପାଇଁ ଡାକ୍ତରଖାନାକୁ ଯାଇଥିବା ବେଳେ ଶିବାକୁମାରୀ ଘରେ ରହିଥିଲେ । ସେ ଅବଶ୍ୟ ନିଜ ସ୍ୱାମୀଙ୍କ ମୁହଁରେ ଫୁଟୁଥିବା ତେଲ ଢାଳିଥିବାରୁ ଦୁଃଖ ପ୍ରକାଶ କରିଛନ୍ତି ।
‘‘ସ୍ୱାମୀ ଅରବିନ୍ଦ ଅହିରୱାର ଦେଇଥିବା ବିବୃତ୍ତି ଆଧାରରେ ଆମେ ଏକ ମାମଲା ରୁଜୁ କରିଛୁ । ଏବେ ପଚରାଉଚରା ଚାଲିଛି ଓ ତଦନ୍ତ ଆଗକୁ ବଢ଼ୁଛି,’’ କହିଛନ୍ତି କରାପୁର ପୋଲିସ ଆଉଟପୋଷ୍ଟର ଦାୟିତ୍ୱରେ ଥିବା ଅଧିକାରୀ ଯଶପାଲ ସିଂ ସିସୋଡ଼ିଆ ।
ସାଗର (ମଧ୍ୟ ପ୍ରଦେଶ): ବୈବାହିକ କଳହ ଏକ ସାଧାରଣ କଥା, ହେଲେ ଏହା ଯଦି ସୀମା ଟପିଯାଏ ତେବେ ସ୍ଥିତ ସାଙ୍ଘାତିକ ହୋଇପାରେ । ଏମିତି ଏକ ଭୟଙ୍କର ଘଟଣାର ଏକ ଉଦାହରଣ ଦେଖିବାକୁ ମିଳିଛି । ଜଣେ ମହିଳା ନିଜ ସ୍ୱାମୀ ଡେରିରେ ଘରକୁ ଫେରିଲେ ବୋଲି ଏତେ ରାଗିଗଲେ ଯେ ସେ ତାଙ୍କ ମୁହଁରେ ଟକ୍ ଟକ୍ ହୋଇ ଫୁଟୁଥିବା ଗରମ ତେଲ ଢାଳିଦେଲେ ଓ ତାଙ୍କୁ ଗୁରୁତର ଆହତ କରିଦେଲେ ।
ଏହି ଅଭାବନୀୟ ଘଟଣା ଘଟିଛି ମଧ୍ୟ ପ୍ରଦେଶର ସାଗର ଜିଲ୍ଲାରେ । ସେଠାକାର ପୋଲିସ ୩୫ ବର୍ଷୀୟା ଶିବାକୁମାରୀ ଅହିରୱାର ନାମକ ଏହି ଅଭିଯୁକ୍ତା ମହିଳାଙ୍କ ବିରୁଦ୍ଧରେ ଏକ ମାମଲା ରୁଜୁ କରିଛି ଓ ତଦନ୍ତ ଚଳାଇଛି । ସେ ତାଙ୍କ ୩୮ ବର୍ଷୀୟ ସ୍ୱାମୀ ଅରବିନ୍ଦ ଅହିରୱାରଙ୍କ ଉପରକୁ ଗରମ ତେଲ ଫିଙ୍ଗିଦେଇଥିବା ଅଭିଯୋଗ ହୋଇଛି । (Wife pours hot oil on husband face)
ଏହା ବି ପଢ଼ନ୍ତୁ | ଢେଙ୍କାନାଳରେ ଦୁଇ ଝିଅଙ୍କ ବଚସା ବେଳେ ଗାଲ କାମୁଡ଼ା… ତା’ ପରେ ପିତାଙ୍କୁ ହାଣି ହତ୍ୟା କଲେ
ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ ଅରବିନ୍ଦ ଗତ କିଛି ଦିନ ଧରି ନିଜ ଡ୍ୟୁଟିରୁ ବିଳମ୍ବରେ ଘରକୁ ଫେରିବା ପରେ ଦମ୍ପତିଙ୍କ ମଧ୍ୟରେ ଝଗଡା ହେଉଥିଲା । ଏହି ଝଗଡ଼ା ବଢ଼ି ଏବେ ଏମିତି ଏକ ଭୟାନକ କାଣ୍ଡରେ ପରିଣତ ହେଲା । ପୋଲିସର ତଦନ୍ତରୁ ଜଣାପଡ଼ିଛି ଯେ ପତ୍ନୀ ଶିବାକୁମାରୀ ତାଙ୍କ ପତି ଅରବିନ୍ଦ ଘରେ ଶୋଇଥିବା ସମୟରେ ତାଙ୍କ ମୁହଁରେ ଫୁଟୁଥିବା ତେଲ ଢ଼ାଳିଦେଇଥିଲେ ।
‘ଟାଇମ୍ସ ଅଫ୍ ଇଣ୍ଡିଆ’ରେ ପ୍ରକାଶିତ ରିପୋର୍ଟ ଅନୁସାରେ ଶିବାକୁମାରୀ ଓ ଅରବିନ୍ଦ ଚାରି ବର୍ଷ ହେଲା ବିବାହିତ । ଏହି ଘଟଣା ପରେ ଅରବିନ୍ଦଙ୍କ ମୁହଁ ଗୁରୁତର ଭାବେ ପୋଡ଼ିଯାଇଛି । ତାଙ୍କୁ ମଧ୍ୟ ପ୍ରଦେଶର ସାଗରସ୍ଥିତ ବୁନ୍ଦେଲଖଣ୍ଡ ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
ଏହା ବି ପଢ଼ନ୍ତୁ | ମାହାଙ୍ଗା ଡବଲ ମର୍ଡର: ୪ ଜଣ ଅଭିଯୁକ୍ତ ଗିରଫ ହେଲେ; ହତ୍ୟାରେ ବ୍ୟବହୃତ ଖଣ୍ଡା ଜବତ ହେଲା
‘‘ରାତିରେ ସେମାନେ (ଅରବିନ୍ଦ ଓ ପତ୍ନୀ ଶିବାକୁମାରୀ) କିଛି କଥାକୁ ନେଇ ପରସ୍ପର ସହ ଝଗଡ଼ା କରିଥିଲେ । ମୋ’ ବାପା ଓ ମା’ ହସ୍ତକ୍ଷେପ କରି ପରିସ୍ଥିତିକୁ ନିୟନ୍ତ୍ରଣ କରିଥିଲେ । ମାତ୍ର ଭୋର୍ ପ୍ରାୟ ୫ଟା ବେଳେ ମୋ’ ଭାଇ ଶୋଇଥିବା ସମୟରେ ସେ (ଶିବାକୁମାରୀ) ରାଗରେ ତାଙ୍କ ମୁହଁରେ ଫୁଟୁଥିବା ତେଲ ଢାଳିଦେଇଥିଲେ,’’ ଅରବିନ୍ଦଙ୍କ ଭାଇ ଗଣମାଧ୍ୟମକୁ କହିଛନ୍ତି ।
ଏହା ବି ପଢ଼ନ୍ତୁ | ନୟାଗଡ଼ ନାବାଳିକାର ହତ୍ୟା ଅଭିଯୁକ୍ତ ନାବାଳକ ବୋଲି ପ୍ରମାଣିତ ହେଲା; ତା’ର ନାର୍କୋ ଟେଷ୍ଟ୍ ହେବନି
ଅରବିନ୍ଦ ଯନ୍ତ୍ରଣାରେ ଚିତ୍କାର କରୁଥିବା ଶୁଣି ତାଙ୍କ ପଡ଼ୋଶୀମାନେ ଦୌଡ଼ିଆସିଥିଲେ ଓ ତାଙ୍କୁ ଡାକ୍ତରଖାନା ନେଇଥିଲେ । ଅରବିନ୍ଦଙ୍କ ଭାଇ କହିଛନ୍ତି ଯେ ପରିବାର ଲୋକେ ଅରବିନ୍ଦଙ୍କୁ ଦେଖିବା ପାଇଁ ଡାକ୍ତରଖାନାକୁ ଯାଇଥିବା ବେଳେ ଶିବାକୁମାରୀ ଘରେ ରହିଥିଲେ । ସେ ଅବଶ୍ୟ ନିଜ ସ୍ୱାମୀଙ୍କ ମୁହଁରେ ଫୁଟୁଥିବା ତେଲ ଢାଳିଥିବାରୁ ଦୁଃଖ ପ୍ରକାଶ କରିଛନ୍ତି ।
‘‘ସ୍ୱାମୀ ଅରବିନ୍ଦ ଅହିରୱାର ଦେଇଥିବା ବିବୃତ୍ତି ଆଧାରରେ ଆମେ ଏକ ମାମଲା ରୁଜୁ କରିଛୁ । ଏବେ ପଚରାଉଚରା ଚାଲିଛି ଓ ତଦନ୍ତ ଆଗକୁ ବଢ଼ୁଛି,’’ କହିଛନ୍ତି କରାପୁର ପୋଲିସ ଆଉଟପୋଷ୍ଟର ଦାୟିତ୍ୱରେ ଥିବା ଅଧିକାରୀ ଯଶପାଲ ସିଂ ସିସୋଡ଼ିଆ ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
