ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ପତିଙ୍କ ସହ ତଲାକ ପରେ କୁକୁର ସହ ବିବାହ କଲେ ମହିଳା; କହିଲେ ୟେ ମୋତେ ଖୁସି ରଖୁଛି

ପତିଙ୍କ ସହ ତଲାକ ପରେ କୁକୁର ସହ ବିବାହ କଲେ ମହିଳା; କହିଲେ ୟେ ମୋତେ ଖୁସି ରଖୁଛି

ଅମାଣ୍ଡା ରୋଜର୍ସ ନାମକ ଏହି ମହିଳା ଲଣ୍ଡନରେ ରୁହନ୍ତି। ୪୭ ବର୍ଷ ବୟସରେ ଅମାଣ୍ଡା ତାଙ୍କ ସ୍ୱାମୀଙ୍କୁ ଛାଡପତ୍ର ଦେଇଥିଲେ। ଏହା ପରେ ସେ ତାଙ୍କ ପୋଷା କୁକୁରକୁ ବିବାହ କରିଥିଲେ।

ପତିଙ୍କ ସହ ତଲାକ ପରେ କୁକୁର ସହ ବିବାହ କଲେ ମହିଳା; କହିଲେ ୟେ ମୋତେ ଖୁସି ରଖୁଛି
କୁକୁରଙ୍କ ସହ ବିବାହ କଲେ ମହିଳା (ପ୍ରତୀକାତ୍ମକ ଛବି)
  • News18 Odia
  • Last Updated: November 24, 2021, 11:37 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ସାଧାରଣତଃ କୌଣସି ନା କୌଣସି କାରଣ ନେଇ ପ୍ରତ୍ୟେକ ଦମ୍ପତିଙ୍କ ମଧ୍ୟରେ କିଛି ନା କିଛି ମତଭେଦ ସୃଷ୍ଟି ହୋଇଥାଏ। କିନ୍ତୁ ଏସବୁ ସତ୍ତ୍ୱେ ବି ସେମାନଙ୍କ ମଧ୍ୟରେ ପ୍ରେମ ରହିଥାଏ। ତଥାପି, କିଛି ଦମ୍ପତି ଏପରି ମଧ୍ୟ ଅଛନ୍ତି ଯେଉଁମାନେ ପ୍ରତ୍ୟେକ କଥାକୁ ନିଜ ଭିତରେ ଚାପି ରଖନ୍ତି। ଏହା ପରବର୍ତ୍ତୀ ସମୟରେ ସମ୍ପର୍କରେ ତିକ୍ତତା ଭରିବାରେ ଯଥେଷ୍ଟ ହୋଇଥାଏ।

ଏଭଳି କ୍ଷେତ୍ରରେ ଅନେକ ମାମଲା ଛାଡପତ୍ର ପର୍ଯ୍ୟନ୍ତ ମଧ୍ୟ ଚାଲିଯାଏ। ବ୍ରିଟେନର ଜଣେ ମହିଳାଙ୍କ ସହ ଏଭଳି ସମାନ ଘଟଣା ଘଟିଛି। କିନ୍ତୁ ଏହା ପରେ ଏହି ମହିଳା ଏପରି କିଛି କରିଛନ୍ତି, ଯାହା ପ୍ରକୃତରେ ଆଶ୍ଚର୍ଯ୍ୟଜନକ। ଛାଡପତ୍ର ପରେ ମହିଳା ଜଣକ କୁକୁରକୁ ବିବାହ କରିଥିଲେ। କେବଳ ଏତିକି ନୁହେଁ, ମହିଳା ଜଣକ କୁକୁର ସହିତ ରହି ଅଧିକ ଖୁସି ବୋଲି ମଧ୍ୟ କହିଛନ୍ତି। ତେବେ ଆସନ୍ତୁ ଜାଣିବା ଏହି ଅଦ୍ଭୁତ ଘଟଣା ବିଷୟରେ।

ଅମାଣ୍ଡା ରୋଜର୍ସ ନାମକ ଏହି ମହିଳା ଲଣ୍ଡନରେ ରୁହନ୍ତି। ୪୭ ବର୍ଷ ବୟସରେ ଅମାଣ୍ଡା ତାଙ୍କ ସ୍ୱାମୀଙ୍କୁ ଛାଡପତ୍ର ଦେଇଥିଲେ। ଏହା ପରେ ସେ ତାଙ୍କ ପୋଷା କୁକୁରକୁ ବିବାହ କରିଥିଲେ। ଅମାଣ୍ଡା କୁହନ୍ତି ଯେ ସେ ତାଙ୍କ ପୋଷା କୁକୁରକୁ ସ୍ୱାମୀ ଭାବେ ପାଇ ବହୁତ ଖୁସି ଅଛନ୍ତି।ସୂଚନା ମୁତାବକ, ଅମାଣ୍ଡା ୨୦୧୪ରେ ଧୂମଧାମ୍‌ରେ ଏହି ବିବାହ କରିଥିଲେ। ସେତେବେଳେ ସେ ୨୦୦ ଜଣଙ୍କ ଉପସ୍ଥିତିରେ ନିଜର ପୋଷା କୁକୁର ଶିବାଙ୍କୁ ନିଜ ଜୀବନସାଥୀ ଭାବରେ ବାଛିଥିଲେ। ଏହି ମହିଳା କୁହନ୍ତି ଯେ ସେବେଠାରୁ ସେ ଏକ ସୁଖମୟ ଜୀବନ ବିତାଉଛନ୍ତି।

ସ୍ୱାମୀଙ୍କୁ ଛାଡପତ୍ର ଦେବା ପରେ ଅମାଣ୍ଡା ନିଃସଙ୍ଗ ଜୀବନ ବିତାଉଥିଲେ। ଦିନେ ସେ ନିଷ୍ପତି ନେଲେ ଓ ନିଜ ପୋଷା କୁକୁର ସହିତ ପୂର୍ଣ୍ଣ ରୀତିନୀତି ସହିତ ବିବାହ କଲେ। ଅମାଣ୍ଡା କୁହନ୍ତି ଯେ ଶିବା ଆଜି ତାଙ୍କ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ। ଶିବା କେବଳ ତାଙ୍କର ଯତ୍ନ ନିଏ ନାହିଁ ବରଂ ତାଙ୍କ ଉଦାସପଣ ଦୂର କରିବାରେ ମଧ୍ୟ ସାହାଯ୍ୟ କରେ। ଏକ ଟିଭି ସୋ ସମୟରେ ଅମାଣ୍ଡା କହିଥିଲେ ଯେ ଶିବାକୁ ଯେତେବେଳେ ୨ ମାସ ହୋଇଥିଲା ସେବେଠାରୁ ସେ ତାକୁ ଭଲ ପାଉଛନ୍ତି।ଅମାଣ୍ଡା କୁହନ୍ତି, ସେ ତାଙ୍କ ପୋଷା କୁକୁର ଆଖିରେ ପ୍ରକୃତ ପ୍ରେମ ଦେଖନ୍ତି। ତାକୁ ନିଜ ପତି ଭାବରେ ପାଇବା ପୂର୍ବରୁ ସେ ଆଣ୍ଠୁମାଡି ଶିବାଙ୍କୁ ପ୍ରସ୍ତାବ ଦେଇଥିଲେ। ଏହାର ଉତ୍ତର ଶିବା ତା’ର ଲାଞ୍ଜକୁ ହଲାଇ ଦେଇଥିଲା। ଅମାଣ୍ଡା ଓ ଶିବାଙ୍କ ମଧ୍ୟରେ ଥିବା ଏହି ପ୍ରେମ ଲୋକମାନଙ୍କ ପାଇଁ ପାଗଳାମୀ ମନେହୁଏ। କିନ୍ତୁ ଅମାଣ୍ଡା ପାଇଁ ଏହା କୌଣସି ଫରକ ପଡେ ନାହିଁ। ସେ କହିଛନ୍ତି ଯେ ଶିବା ସହ ସେ ବହୁତ ଖୁସିରେ ଜୀବନ ବିତାଉଛନ୍ତି।
Published by: Soumya Das
First published: November 24, 2021, 11:37 AM IST