ନୀତିଶ ଦିଲ୍ଲୀ ଯିବେ ଓ ବିହାର ସମ୍ଭାଳିବେ ତେଜସ୍ୱୀ: ଲାଲୁ ପ୍ରସାଦ

News18 Odia Digital

ପାଟଣା: ବିଜେପିକୁ ପରାସ୍ତ କରିବାକୁ ପଡିବ, ସମସ୍ତ ବିରୋଧୀ ଦଳଙ୍କୁ ଏକାଠି କରିବାକୁ ପଡିବ। ସେ କହିଛନ୍ତି ଯେ ମୁଁ ଚାହୁଁଛି ତେଜସ୍ୱୀ ଯାଦବ ବିହାରକୁ ପରିଚାଳନା କରନ୍ତୁ, ନୀତିଶଙ୍କୁ ଦିଲ୍ଲୀ ପଠାହେବ। ରାଷ୍ଟ୍ରୀୟ ଜନତା ଦଳ (ଆରଜେଡି) ପ୍ରତିଷ୍ଠାତା ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଆଜି ଦଳର ସଭାପତି ନିର୍ବାଚନ ପାଇଁ ତାଙ୍କ ନାମାଙ୍କନପତ୍ର ଦାଖଲ କରିଛନ୍ତି।  ଏଥି ସହିତ ନାମାଙ୍କନ ପୂରଣ କରିବା ପରେ ସେ ଏପରି କହିଛନ୍ତି ।

ସୋନିଆ ଗାନ୍ଧିଙ୍କୁ ଭେଟିବାକୁ ଯାଇଥିଲୁ।  ଫଟୋ ନେବାକୁ ନୁହେଁ। ତାଙ୍କ ସହ ଭଲ କଥାବାର୍ତ୍ତା ହୋଇଥିଲେ ନିର୍ବାଚନ ପରେ ତାଙ୍କ ସଂଗଠନ ତାଙ୍କୁ ପୁଣି ଭେଟିବ ବୋଲି କହିଛନ୍ତି ଲାଲୁ। ଲାଲୁ ଯାଦବ ଆଜି ମଧ୍ୟ PFI ପ୍ରସଙ୍ଗରେ ଟୁଇଟ୍ କରି ଲେଖିଛନ୍ତି, PFI ଭଳି ସମସ୍ତ ଘୃଣ୍ୟ ସଂଗଠନ ଉପରେ ପ୍ରତିବନ୍ଧକ ଲଗାଯିବା ଉଚିତ୍, ଯେଉଁଥିରେ RSS ଅନ୍ତର୍ଭୁକ୍ତ। ସର୍ବପ୍ରଥମେ RSS ଉପରେ ପ୍ରତିବନ୍ଧକ, PFI ଅପେକ୍ଷା ଏହା ଏକ ଖରାପ ସଂଗଠନ। ପୂର୍ବରୁ ଦୁଇଥର ଆରଏସଏସକୁ ନିଷେଧ କରାଯାଇଛି। RSS ପ୍ରଥମେ ଆଇରନ୍ ମ୍ୟାନ୍ ସର୍ଦ୍ଦାର ପଟେଲଙ୍କ ଦ୍ୱାରା ନିଷେଧ କରାଯାଇଥିଲା।

PFI की तरह जितने भी नफ़रत और द्वेष फैलाने वाले संगठन हैं सभी पर प्रतिबंध लगाना चाहिए जिसमें RSS भी शामिल है। सबसे पहले RSS को बैन करिए, ये उससे भी बदतर संगठन है।

आरएसएस पर दो बार पहले भी बैन लग चुका है। सनद रहे, सबसे पहले RSS पर प्रतिबंध लौह पुरुष सरदार पटेल ने लगाया था।

— Lalu Prasad Yadav (@laluprasadrjd) September 28, 2022

ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଓ ଲାଲୁ ପ୍ରସାଦ ଯାଦବ କଂଗ୍ରେସ ସଭାପତି ସୋନିଆ ଗାନ୍ଧିଙ୍କୁ ଭେଟିଛନ୍ତି। ପରେ, ନୀତିଶ ଓ ଲାଲୁ କହିଥିଲେ ଯେ ୨୦୨୪ ଲୋକସଭା ନିର୍ବାଚନରେ ​​ଏକଜୁଟ ହୋଇ ବିଜେପି ସହ ଲଢ଼ିବା ପାଇଁ ବ୍ୟାପକ ସହମତି ରହିଛି, କିନ୍ତୁ ନୂତନ କଂଗ୍ରେସ ସଭାପତି ନିର୍ବାଚିତ ହେବା ପରେ ହିଁ ଏକ ଠୋସ୍ ଯୋଜନା କାର୍ଯ୍ୟକାରୀ ହେବ।