ଜାଣନ୍ତୁ କାହିଁକି ବିସିସିଆଇ ରୋହିତ ଶର୍ମାଙ୍କୁ ଚେତେଶ୍ୱର ପୂଜାରାଙ୍କ ସ୍ଥାନରେ ଟେଷ୍ଟ ଦଳର ଉପ-ଅଧିନାୟକ କଲେ

ରୋହିତ ଶର୍ମା (Rohit Sharma) ନିୟମିତ ଓପନର୍ ଭାବରେ ମାତ୍ର ପାଞ୍ଚଟି ଟେଷ୍ଟ ମ୍ୟାଚ୍ ଖେଳିଛନ୍ତି ଓ ନଭେମ୍ବର ୨୦୧୯ ଠାରୁ ଟେଷ୍ଟ କ୍ରିକେଟ୍ ଖେଳି ନାହାଁନ୍ତି । ଏହା ସତ୍ତ୍ୱେ ରୋହିତଙ୍କୁ ଏକ ବଡ ଦାୟିତ୍ବ ଦିଆଯାଇଛି ।

ଜାଣନ୍ତୁ କାହିଁକି ବିସିସିଆଇ ରୋହିତ ଶର୍ମାଙ୍କୁ ଚେତେଶ୍ୱର ପୂଜାରାଙ୍କ ସ୍ଥାନରେ ଟେଷ୍ଟ ଦଳର ଉପ-ଅଧିନାୟକ କଲେ
ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ମ୍ୟାଚରେ ରୋହିତ ଶର୍ମାଙ୍କ ଖେଳିବା ନିଶ୍ଚିତ ହୋଇଛି!
  • News18 Odia
  • Last Updated: January 2, 2021, 11:17 AM IST
  • Share this:
  • Byline Facebook
  • Byline Twitter
  • Byline Linkedin
ନୂଆ ଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍ ପୂର୍ବରୁ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (BCCI) ଏକ ପ୍ରମୁଖ ନିଷ୍ପତ୍ତି ନେଇଛି । ଚେତେଶ୍ୱର ପୂଜାରାଙ୍କ ସ୍ଥାନରେ ବୋର୍ଡର-ଗାଭାସ୍କର ଟ୍ରଫିର ଅବଶିଷ୍ଟ ଦୁଇଟି ଟେଷ୍ଟ ପାଇଁ ବିସିସିଆଇ ରୋହିତ ଶର୍ମାଙ୍କୁ ଉପ-ଅଧିନାୟକ ଭାବେ ନାମିତ କରିଛି । ରୋହିତ ଶର୍ମା ମଧ୍ୟ ଭାରତୀୟ ODI ଓ ଟି-୨୦ ଦଳର ଉପ-ଅଧିନାୟକ ଅଛନ୍ତି । ଅଧିନାୟକ ବିରାଟ କୋହଲି ପିତୃତ୍ୱ ଛୁଟିରେ ଭାରତକୁ ଫେରିବା ପରେ ମେଲବୋର୍ଣ୍ଣରେ ଖେଳାଯାଇଥିବା ବକ୍ସିଂ ଡେ ଟେଷ୍ଟରେ ପୂଜାରାଙ୍କୁ ଉପ-ଅଧିନାୟକ ଭାବରେ ନିଯୁକ୍ତ କରାଯିବା ପରେ ଅଜିଙ୍କ୍ୟ ରାହାଣେ ଦଳର କାର୍ଯ୍ୟନିର୍ବାହୀ ଅଧିନାୟକ ହୋଇଥିଲେ ।

ଏହି କାରଣରୁ ରୋହିତ ଶର୍ମା ଉପ-ଅଧିନାୟକ ହୋଇଥିଲେ
ରୋହିତ ଶର୍ମା ନିୟମିତ ଓପନର୍ ଭାବରେ ମାତ୍ର ପାଞ୍ଚଟି ଟେଷ୍ଟ ମ୍ୟାଚ୍ ଖେଳିଛନ୍ତି ଓ ନଭେମ୍ବର ୨୦୧୯ ଠାରୁ ଟେଷ୍ଟ କ୍ରିକେଟ୍ ଖେଳି ନାହାଁନ୍ତି । ଏହା ସତ୍ତ୍ୱେ ରୋହିତ ଶର୍ମାଙ୍କୁ ଏକ ବଡ ଦାୟିତ୍ୱ ଦିଆଯାଇଛି । ପିଟିଆଇ ରିପୋର୍ଟ ଅନୁଯାୟୀ ଯଦି ରୋହିତ ଫିଟ୍ ଅଛନ୍ତି ଓ ଦଳରେ ଯୋଗ ଦିଅନ୍ତି ତେବେ ସେ ଉପ-ଅଧିନାୟକ ହେବେ ବୋଲି ଟିମ୍ ମ୍ୟାନେଜମେଣ୍ଟ ନିଷ୍ପତ୍ତି ନେଇସାରିଛି ।

ଏହି ମାମଲା ସହ ଜଡିତ ଜଣେ ବିସିସିଆଇ ଅଧିକାରୀ କହିଛନ୍ତି ଯେ ବିରାଟଙ୍କ ଅନୁପସ୍ଥିତିରେ ଅଜିଙ୍କ୍ୟ ଅଧିନାୟକ ହେବା ପରେ ଭାରତୀୟ ଦଳର ଉପ-ଅଧିନାୟକଙ୍କ ବିଷୟରେ କୌଣସି ସନ୍ଦେହ ନାହିଁ । ଏହା ସର୍ବଦା ରୋହିତଙ୍କ ପାଇଁ ଥିଲା ଯେତେବେଳେ ପର୍ଯ୍ୟନ୍ତ ରୋହିତ ଦଳ ସହ ଜଡିତ ନ ଥିଲେ ସେ ପର୍ଯ୍ୟନ୍ତ ଏହି ଦାୟିତ୍ୱ ପୂଜାରାଙ୍କୁ ଦିଆଯାଇଥିଲା । ଅଧିକାରୀ କହିଛନ୍ତି ରୋହିତ ଦୀର୍ଘ ସମୟ ଧରି ସୀମିତ ଓଭର ଫର୍ମାଟରେ ଭାରତୀୟ ଦଳର ଉପ-ଅଧିନାୟକ ରହିଆସିଛନ୍ତି । ଏଭଳି ପରିସ୍ଥିତିରେ ବିରାଟଙ୍କ ଅନୁପସ୍ଥିତିରେ ସେ ଦଳର ନେତୃତ୍ୱ ଗୋଷ୍ଠୀର ଅଂଶ ହେବେ ବୋଲି ସ୍ପଷ୍ଟ ହୋଇଛି ।

ରୋହିତ ଶର୍ମା ପ୍ରାକ୍ଟିସ ଆରମ୍ଭ କରିଛନ୍ତି
ରୋହିତ ଶର୍ମା ମେଲବୋର୍ଣ୍ଣରେ ଅଭ୍ୟାସ ଆରମ୍ଭ କରିଛନ୍ତି । ତେବେ ରୋହିତ ଶୁଭମାନ ଗିଲଙ୍କ ସହ ଇନିଂସ ଆରମ୍ଭ କରିବେ କିମ୍ବା ମଧ୍ୟମ କ୍ରମରେ ଖେଳିବେ ତାହା ଜଣା ପଡିନାହିଁ । ଯଦି ସେ ଓପନର୍ ଭାବରେ ଖେଳନ୍ତି ତା’ହେଲେ ଏକ ଖରାପ ଫର୍ମରେ ଚାଲୁଥିବା ମୟଙ୍କ ଅଗ୍ରୱାଲ ଦଳରୁ ବାଦ ପଡିପାରନ୍ତି ଓ ଯଦି ସେ ମଧ୍ୟମ କ୍ରମରେ ଖେଳନ୍ତି ତେବେ ହନୁମା ବିହାରୀଙ୍କୁ ଫାଇନାଲ ୧୧ ରୁ ହଟାଇବାକୁ ପଡିପାରେ । ରୋହିତ ୪୬ ରନ ରେଟ ହାରରେ ଟେଷ୍ଟରେ ମୋଟ ୨୧୪୧ ରନ୍ ସଂଗ୍ରହ କରିଛନ୍ତି । ଭାରତୀୟ ଦଳ ୨ ଜାନୁଆରୀରେ ସିଡନୀ ଅଭିମୁଖେ ଯାତ୍ରା କରିବ ।
Published by: Jagdish Barik
First published: January 2, 2021, 11:14 AM IST
corona virus btn
corona virus btn
Loading