ଶିବସେନା କାହାର? ଅଗଷ୍ଟ ୮ ସୁଦ୍ଧା ସଂଖ୍ୟାଗରିଷ୍ଠତା ପ୍ରମାଣ ଦେବାକୁ ଉଭୟ ପକ୍ଷଙ୍କୁ ନିର୍ଦ୍ଦେଶ ଦେଲେ EC

News 18 Odia Digital

ନୂଆ ଦିଲ୍ଲୀ :  ଶିବସେନାକୁ ନେଇ ଚାଲିଥିବା ବିବାଦ ମଧ୍ୟରେ  ନିର୍ବାଚନ ଆୟୋଗ ଉଭୟ ଉଦ୍ଧବ ଠାକରେ ଓ ଏକନାଥ ସିନ୍ଦେଙ୍କୁ ଶିବସେନାରେ ସଂଖ୍ୟାଗରିଷ୍ଠତା ପ୍ରମାଣ କରିବାକୁ ଡକ୍ୟୁମେଣ୍ଟାରୀ ପ୍ରମାଣ ଦାଖଲ କରିବାକୁ କହିଛନ୍ତି।

ଅଗଷ୍ଟ ୮ରେ ଅପରାହ୍ନ ୧ଟା ସୁଦ୍ଧା ଉଭୟ ଗୋଷ୍ଠୀକୁ ଉତ୍ତର ଦାଖଲ କରିବାକୁ କୁହାଯାଇଛି। ଯାହା ପରେ ଶିବସେନାର ଉଭୟ ଦଳ ମଧ୍ୟରେ ହୋଇଥିବା ଦାବି ଓ ବିବାଦ ସମ୍ପର୍କରେ ନିର୍ବାଚନ ଆୟୋଗ ଶୁଣାଣି କରିବେ।

ଗତ ମାସରେ ସିନ୍ଦେ ଓ ପ୍ରାୟ ୪୦ ଜଣ ବିଧାୟକ ବିଦ୍ରୋହ କରି ବିଜେପିର ସମର୍ଥନରେ ଏକ ନୂଆ ସରକାର ଗଠନ କରିଥିଲେ । ପରେ "ପ୍ରକୃତ ଶିବସେନା" ଦଳ କାହାର ନେଇ ହୋଇଥିବା ବିବାଦକୁ ଉଭୟ ପକ୍ଷରୁ ଲିଖିତ ବିବୃତ୍ତି ନିର୍ବାଚନ କମିଶନଙ୍କ ପାଖରେ ଦାଖଲ କରିଥିଲେ । ନୂଆ ସରକାରରେ ସିନ୍ଦେ ମୁଖ୍ୟମନ୍ତ୍ରୀ ଓ ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ଦେବେନ୍ଦ୍ର ଫଡନାଭିସ୍ ଉପ ମୁଖ୍ୟମନ୍ତ୍ରୀ ହୋଇଥିଲେ।