୮ ମିନିଟ ଭାଷଣ ଭିତରେ ମନ୍ତ୍ରୀଙ୍କୁ ୪ଥର ଅଟକାଇଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ

ହରିୟାଣା ମନ୍ତ୍ରୀଙ୍କୁ ଭାଷଣ ମଝିରେ ବାରମ୍ବାର ବନ୍ଦ କରିବାକୁ ସଙ୍କେତ ଦେଇଥିଲେ କେନ୍ଦ୍ର ଗୃହମନ୍ତ୍ରୀ। ଶେଷକୁ ମାଇକ ଅନ କରି କହିଲେ ଆପଣଙ୍କ ସମୟ ୫ମିନିଟ ଥିଲା, ଆପଣ ସାଢେ ୮ମିନିଟ ଭାଷଣ ଦେଲେଣି।

ଚିନ୍ତନ ଶିବିର (ପ୍ରତୀକାତ୍ମକ ଛବି)

ଚିନ୍ତନ ଶିବିର (ପ୍ରତୀକାତ୍ମକ ଛବି)

  • News18 Odia
  • Last Updated :
  • Other, India
  • Share this:
News18 Odia Digital

ନୂଆ ଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ହରିୟାଣା ଗୃହମନ୍ତ୍ରୀ ଅନିଲ ଭିଜଙ୍କୁ ନେଇ ଏକ ଖବର ନଜର ଆସିଛି। ମିଳିଥିବା ସୂଚନା ଅନୁଯାୟୀ ଅମିତ ଶାହ ଅନିଲ ଭିଜଙ୍କୁ ନିର୍ଦ୍ଧାରିତ ସମୟଠାରୁ ଅଧିକ ସମୟ ଭାଷଣ ଦେଇଥିବାରୁ ରୋକିଛନ୍ତି। ଏହି ମାମଲା ହରିୟାଣାର ସୁରଜକୁଣ୍ଡରେ ଆୟୋଜିତ ଚିନ୍ତନ ଶିବିରରେ ଘଟିଛି। ଏହି ଶିବିରରେ ଅମିତ ଶାହା ଓ ବିଜେପି ଶାସିତ ରାଜ୍ୟର ଅନେକ ମୁଖ୍ୟମନ୍ତ୍ରୀଙ୍କ ସମେତ ବହୁ ବରିଷ୍ଠ ବିଜେପି ନେତା ମଧ୍ୟ ଅଂଶଗ୍ରହଣ କରିଥିଲେ। ଅନିଲ ଭିଜଙ୍କୁ ତାଙ୍କ ଭାଷଣ ଶେଷ କରିବାକୁ ପାଞ୍ଚ ମିନିଟ୍ ଦିଆଯାଇଥିଲା କିନ୍ତୁ ସେ ପାଞ୍ଚ ମିନିଟ୍ ପରେ ମଧ୍ୟ ଅଟକି ନଥିଲେ।

କାର୍ଯ୍ୟସୂଚୀ ଅନୁଯାୟୀ ପ୍ରଥମେ ଅନିଲ ଭିଜ ସ୍ୱାଗତ ଭାଷଣ ଦେବା ପରେ ରାଜ୍ୟ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଭାଷଣ ଦେଇଥାନ୍ତେ। ଦୁଇ ନେତାଙ୍କ ଭାଷଣ ପରେ ଗୃହମନ୍ତ୍ରୀ ଅମିତ ଶାହ ନିଜ ମତ ରଖିଥାନ୍ତେ।

ଆଶା କରାଯାଉଥିଲା ଯେ ଭିଜ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ଅମିତ ଶାହାଙ୍କୁ କୃତଜ୍ଞତା ଜଣାଇବେ ଓ ତାଙ୍କ ଅଭିଭାଷଣ ଶେଷ କରିବେ। କିନ୍ତୁ ଭାଷଣର ମଧ୍ୟଭାଗରେ ଭିଜ ହରିୟାଣାର ଇତିହାସ, ସବୁଜ ବିପ୍ଳବରେ ଏହାର ଅବଦାନ, ଅଲିମ୍ପିକ୍ସରେ ରାଜ୍ୟର ପ୍ରଦର୍ଶନ ଓ ରାଜ୍ୟ ସରକାରଙ୍କ ଦ୍ୱାରା ସୃଷ୍ଟି ହୋଇଥିବା କ୍ରୀଡ଼ା ଭିତ୍ତିଭୂମି ଭଳି ପ୍ରସଙ୍ଗ ବିଷୟରେ କହିବା ଆରମ୍ଭ କରିଥିଲେ।

ଅମିତ ଶାହ ଅନିଲ ଭିଜଙ୍କଠାରୁ କିଛି ଦୂରରେ ବସିଥିଲେ। ତେଣୁ ପ୍ରଥମେ ସେ ଭାଷଣ ଶେଷ କରିବାକୁ ତାଙ୍କୁ ସଙ୍କେତ ଦେଇଥିଲେ, କିନ୍ତୁ ଯେତେବେଳେ ସେ ଅଟକି ନଥିଲେ, ଶେଷରେ ଶାହ ତାଙ୍କୁ ଏକ ନୋଟ୍ ପଠାଇଲେ। ଯେଉଁଥିରେ ସେ ଅନୁରୋଧ କରିଥିଲେ ଯେ ସେ ଶୀଘ୍ର ତାଙ୍କ ଭାଷଣ ଶେଷ କରନ୍ତୁ। କିନ୍ତୁ ଯେତେବେଳେ ଭିଜ ଏହା ପରେ ମଧ୍ୟ ଅଟକି ନଥିଲେ, ଅମିତ ଶାହ ତାଙ୍କ ମାଇକ ଅନ୍ କରି ତାଙ୍କୁ ଅଟକିବାକୁ କହି ଭାଷଣ ଶେଷ କରିବାକୁ ସଙ୍କେତ ଦେଇଥିଲେ। କିନ୍ତୁ ଏସବୁ ପରେ ମଧ୍ୟ ଭିଜ ଭାଷଣ ଦେଉଥିଲେ।

ଶେଷରେ ଅମିତ ଶାହ କହିଥିଲେ ଯେ ଅନିଲ ଜି, ତୁମକୁ ମାତ୍ର ପାଞ୍ଚ ମିନିଟ୍ ସମୟ ଦିଆଯାଇଛି। କିନ୍ତୁ ଆପଣ ଏପର୍ଯ୍ୟନ୍ତ ସାଢେ ୮ ମିନିଟରୁ ଅଧିକ ସମୟ ଧରି ଭାଷଣ ଦେଇସାରିଲେଣି। ବର୍ତ୍ତମାନ ଆପଣଙ୍କ ବକ୍ତବ୍ୟ ଶୀଘ୍ର ଶେଷ କରନ୍ତୁ। ଏହା ଏପରି ସ୍ଥାନ ନୁହେଁ ଯେଉଁଠାରେ ଆପଣ ଏତେ ଲମ୍ବା ଭାଷଣ ଦେବା ଜରୁରୀ।
Published by:Soumya Das
First published: