ଅର୍ପିତା ମୁୃଖାର୍ଜୀଙ୍କ ଘରେ ଟଙ୍କା ପାହାଡ଼: ଘର ଶୌଚାଳୟରୁ ୨୯ କୋଟି ନଗଦ ଟଙ୍କା ଓ ୫କିଲୋ ସୁନା ଜବତ

ମନ୍ତ୍ରୀ ପାର୍ଥ ଚାଟାର୍ଜୀଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କ ଫ୍ଲାଟ ଉପରେ ଚଢ଼ାଉ କରିଥିଲା ଇଡ଼ି । ତାଙ୍କ ଘର ଶୌଚାଳୟରୁ ୨୯ କୋଟି ନଗଦ ଟଙ୍କା ଓ ୫କିଲୋ ସୁନା ଜବତ ହୋଇଛି ।

ଅର୍ପିତା ମୁଖାର୍ଜୀ (ପ୍ରତୀକାତ୍ମକ ଛବି)

ଅର୍ପିତା ମୁଖାର୍ଜୀ (ପ୍ରତୀକାତ୍ମକ ଛବି)

  • Share this:
News18 Odia Digital

ପଶ୍ଚିମବଙ୍ଗରେ ସ୍କୁଲ ନିଯୁକ୍ତି ସ୍କାମ ମାମଲାରେ କେନ୍ଦ୍ରୀୟ ଏଜେନ୍ସି ଇଡି କୋଲକାତାର ବେଲଗେରିଆରେ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କ ଫ୍ଲାଟ ଉପରେ ଚଢ଼ାଉ କରିଥିଲେ। ଏହି ସମୟରେ, ଅର୍ପିତା ମୁଖାର୍ଜୀଙ୍କ ଅନ୍ୟ ଏକ ଫ୍ଲାଟରୁ ଇଡି ପ୍ରାୟ ୨୯ କୋଟି ନଗଦ (୨୮.୯୦ କୋଟି ଟଙ୍କା) ଓ ୫ କିଲୋଗ୍ରାମ ସୁନା ପାଇଥିଲା। ଏହି ଟଙ୍କା ଗଣିବାକୁ ଇଡି ଦଳକୁ ପ୍ରାୟ ୧୦ ଘଣ୍ଟା ସମୟ ଲାଗିଲା। ଆଶ୍ଚର୍ଯ୍ୟଜନକ କଥା ହେଉଛି ଅର୍ପିତା ଏହି ଟଙ୍କାକୁ ଫ୍ଲାଟର ଶୌଚାଳୟରେ ଲୁଚାଇ ରଖିଥିଲେ।

ଏହାର ଠିକ୍ ୫ ଦିନ ପୂର୍ବରୁ, ଅର୍ପିତାଙ୍କ ଫ୍ଲାଟରୁ ଇଡି ୨୧ କୋଟି ନଗଦ ଓ ସମସ୍ତ ମୂଲ୍ୟବାନ ସାମଗ୍ରୀ ଜବତ କରିଥିଲା । ନୋଟ୍ ଗଣିବାକୁ ପାଞ୍ଚ ଜଣ ବ୍ୟାଙ୍କ ଅଧିକାରୀଙ୍କୁ ଡକାଯାଇଥିଲା। ଏହା ସହିତ ଟଙ୍କା ଗଣନା ମେସିନ୍ ମଧ୍ୟ ବ୍ୟବହାର କରାଯାଇଥିଲା।  ୨୩ ଜୁଲାଇରେ ଅର୍ପିତାଙ୍କୁ ଇଡି ଗିରଫ କରିଥିଲା।

ଏହି ଚଢ଼ାଉରେ ତିନି କିଲୋଗ୍ରାମ ସୁନା, ରୂପା ମୁଦ୍ରା ଓ ସମ୍ପତ୍ତି ଦଲିଲ ମଧ୍ୟ ଜବତ କରାଯାଇଛି ବୋଲି ପ୍ରକାଶ।  ଅର୍ପିତା ମୁଖାର୍ଜୀ ବର୍ତ୍ତମାନ ଇଡି ହେପାଜତରେ ଅଛନ୍ତି। ଦୀର୍ଘ ଦିନ ଧରି ପଚରାଉଚରା ପରେ ତାଙ୍କୁ ଗିରଫ କରାଯାଇଥିଲା।  ପରେ ଦୀର୍ଘ ସମୟ ଧରି ପଚରାଉଚରା ପରେ ପାର୍ଥ ଚାଟାର୍ଜୀଙ୍କୁ ମଧ୍ୟ ଗିରଫ କରାଯାଇଥିଲା।

ଏହାପୂର୍ବରୁ ଅର୍ପିତା ମୁଖାର୍ଜୀଙ୍କଠାରୁ ଦୁଇଟି ଡାଏରୀ ଜବତ କରାଯାଇଥିଲା।  ସୂଚନାନୁସାରେ, ଏହି ଡାଏରୀଗୁଡ଼ିକ ମଧ୍ୟରୁ ଗୋଟିଏରେ ତାଙ୍କ ବ୍ୟାଙ୍କ ଆକାଉଣ୍ଟରେ ଜମା କରିବା ପାଇଁ ବ୍ୟବହୃତ ନଗଦ ଟଙ୍କା ବିଷୟରେ ସୂଚନା ରହିଛି। ଇଡି ଜାଣିବାକୁ ଚାହୁଁଛି ଯେ ଏହି ଟଙ୍କା ଅର୍ପିତା ମୁଖାର୍ଜୀଙ୍କ ପାଖକୁ କେଉଁଠୁ ଆସିଲା?  ଏହି ଡାଏରୀରେ ବିଭିନ୍ନ ବ୍ୟାଙ୍କରେ ନଗଦ ଟଙ୍କା ଜମା କରିବାର ବିବରଣୀ ରହିଛି।
Published by:Soumya Das
First published: