ପଶ୍ଚିମ ବଙ୍ଗରେ ବିଜେପି MLAଙ୍କ ଝୁଲନ୍ତା ଶବ ଏକ ଦୋକାନ ସାମନାରେ ମିଳିଲା; ହତ୍ୟା ଅଭିଯୋଗ ଆସୁଛି

News18 Odia Digital

କୋଲକାତା: ପଶ୍ଚିମ ବଙ୍ଗର ଭାରତୀୟ ଜନତା ପାର୍ଟି (ବିଜେପି)ର ବିଧାୟକ ଦେବେନ୍ଦ୍ର ନାଥ ରାୟଙ୍କ (Debendra Nath Ray) ଶବ ସୋମବାର ସକାଳେ ଉତ୍ତର ଦିନାଜପୁର ଜିଲ୍ଲାରେ ଏକ ଦୋକାନ ସାମନାରେ ଝୁଲୁଥିବା ଦେଖିବାକୁ ମିଳିଥିଲା । ସ୍ଥାନୀୟ ଲୋକେ ପୋଲିସକୁ ସୂଚନା ଦେବା ପରେ ଘଟଣା ସାମ୍ନାକୁ ଆସିଥିଲା । ଏକ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଇଥିଲେ।

ରାୟଙ୍କ ପରିବାର ସଦସ୍ୟମାନେ ଅଭିଯୋଗ କରିଛନ୍ତି ଯେ ଝୁଲୁଥିବା ଅବସ୍ଥାରେ ତାଙ୍କର ଦୁଇ ହାତ ବନ୍ଧା ହୋଇଥିବାରୁ ଏହା ଆତ୍ମ ହତ୍ୟା ନୁହେଁ । ତାଙ୍କୁ ହତ୍ୟା କରିବା ପରେ ଟାଙ୍ଗିଦିଆଯାଇଥିବା କହିଛନ୍ତି ତାଙ୍କ ପରିବାର । ରବିବାର ରାତିରେ ତାଙ୍କୁ କିଛି ଅଚିହ୍ନା ବ୍ୟକ୍ତି ଡାକିଥିଲେ ଓ ସେ ଘରୁ ଯାଇଥିଲେ । ସେବେ ଠାରୁ ସେ ନିଖୋଜ ହୋଇଯାଇଥିଲେ ବୋଲି ତାଙ୍କ ପରିବାର ଲୋକେ କହିଛନ୍ତି।

ଏହି ଘଟଣାର ଏକ ଉଚ୍ଚସ୍ତରୀୟ ତଦନ୍ତ ଦାବି କରି ରାଜ୍ୟ ବିଜେପି ସଭାପତି ଦିଲୀପ ଘୋଷ ରାୟଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି ବୋଲି କହିଛନ୍ତି । “ଦୁର୍ଭାଗ୍ୟଜନକ କଥା ଯେ ବେଙ୍ଗଲରେ କୌଣସି ଆଇନ କାନୁନ ନାହିଁ। ବେଙ୍ଗଲର ଆଇନ ଶୃଙ୍ଖଳା ପରିସ୍ଥିତି ବଜାୟ ରଖିବାରେ ମୁଖ୍ୟ ମନ୍ତ୍ରୀ ମମତା ବାନାର୍ଜୀ ସମ୍ପୂର୍ଣ୍ଣ ବିଫଳ ହୋଇଛନ୍ତି । ଆମେ ସ୍ଥାନୀୟ ନେତାଙ୍କ ସହ ଯୋଗାଯୋଗରେ ଅଛୁ । ଏହି ମାମଲା ବିଷୟରେ ଅଧିକ ସୂଚନା ପାଇବାକୁ ଚେଷ୍ଟା କରୁଛୁ,’’ ଘୋଷ କହିଛନ୍ତି ।



ସ୍ଥାନୀୟ ବିଜେପି ନେତାମାନେ ଉକ୍ତ ଅଞ୍ଚଳରେ ବିକ୍ଷୋଭ ପ୍ରଦର୍ଶନ କରୁଛନ୍ତି ଓ ପୋଲିସ ଘଟଣାର ତଦନ୍ତ କରୁ ନ ଥିବା  ଅଭିଯୋଗ କରୁଛନ୍ତି ।

ବିଜେପିର ରାଷ୍ଟ୍ରୀୟ ସଭାପତି ଜେ.ପି. ନଡ୍ଡା ଟ୍ୱିଟରରେ କହିଛନ୍ତି, ‘‘ପଶ୍ଚିମ ବଙ୍ଗର ହେମତାବାଦରୁ ବିଜେପି ବିଧାୟକ ଦେବେନ୍ଦ୍ର ନାଥ ରାୟଙ୍କ ସନ୍ଦେହଜନକ ହତ୍ୟାକାଣ୍ଡ ଅତ୍ୟନ୍ତ ଆଶ୍ଚର୍ଯ୍ୟଜନକ ଓ ନିନ୍ଦନୀୟ । ଏହା ମମତା ସରକାରରେ ଗୁଣ୍ଡା ରାଜ ଓ ଆଇନ ଶୃଙ୍ଖଳା ବିଫଳତାର ପରିଚୟ ଦେଉଛି । ଲୋକେ ଏମିତି ସରକାରକୁ ଭବିଷ୍ୟତରେ କ୍ଷମା କରିବେ ନାହିଁ । ଆମେ ଏହାର ଶକ୍ତ ନିନ୍ଦା କରୁଛୁ ।’’

The suspected heinous killing of Debendra Nath Ray, BJP MLA from Hemtabad in West Bengal, is extremely shocking and deplorable. This speaks of the Gunda Raj & failure of law and order in the Mamta govt. People will not forgive such a govt in the future. We strongly condemn this.

— Jagat Prakash Nadda (@JPNadda) July 13, 2020

ଏହି ଅଭିଯୋଗକୁ ଖଣ୍ଡନ କରି ତୃଣମୁଳ କଂଗ୍ରେସର ଉତ୍ତର ଦିନାଜପୁର ଜିଲ୍ଲା ସଭାପତି ଅମଲ ଆଚାର୍ଯ୍ୟ କହିଛନ୍ତି, ‘‘ସେ (ମୃତକ ବିଧାୟକ) ଜଣେ ଭଲ ମଣିଷ ଥିଲେ ଓ ଆମର ରାଜନୈତିକ ମତଭେଦ ସତ୍ତ୍ବେ ମୁଁ ତାଙ୍କୁ ବ୍ୟକ୍ତିଗତ ଭାବେ ଜାଣିଥିଲି । ମୁଁ ଏହି ଖବର ଶୁଣି ଖୁବ୍‌ କଷ୍ଟ ପାଇଛି । ଯଦି ଏହା ଏକ ହତ୍ୟା, ତେବେ ମୁଁ ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ ଚାହୁଁଛି ।’’

Hematabad MLA ‘hanging’-Police stance at top that it is ‘suicide’ is indicative of cover up- smacks with police prejudice, not without obvious intentions.

Autopsy be
VIDEOGRAPHED
BY EXPERT TEAM
AS PER SUPREME COURT DIRECTIVES

Highest TRANSPARENCY be observed @MamataOfficial

— Governor West Bengal Jagdeep Dhankhar (@jdhankhar1) July 13, 2020

ପଶ୍ଚିମ ବଙ୍ଗ ରାଜ୍ୟପାଳ ଜଗଦୀପ ଧନଖରଙ୍କ ଟ୍ୱିଟ୍‌

ଏହା ବି ପଢ଼ନ୍ତୁ: ଜଲଦି ଆସିବ କରୋନା ଭ୍ୟାକ୍ସିନ; ରୁଷିଆରେ ବିଶ୍ୱର ପ୍ରଥମ କରୋନା ଟିକାର କ୍ଲିନିକାଲ୍ ପରୀକ୍ଷା ଶେଷ ହେଲା

ଏହା ବି ପଢ଼ନ୍ତୁ: ହେମା ମାଳିନୀ କରୋନା ପଜିଟିଭ ହୋଇଥିବା ଖବର ଆସିଲା; ଅଭିନେତ୍ରୀ ଭିଡିଓରେ ଏହି ଉତ୍ତର ଦେଲେ

ଦେବେନ୍ଦ୍ର ନାଥ ରାୟ ୨୦୧୬ରେ ପଶ୍ଚିମ ବଙ୍ଗ ବିଧାନ ସଭାକୁ ହେମତାବାଦରୁ କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାର୍କ୍ସବାଦୀ) ବିଧାୟକ ଭାବରେ ନିର୍ବାଚିତ ହୋଇଥିଲେ । ସେ ମେ ୨୦୧୯ରେ ସୁଭ୍ରାଶୁଂ ରାୟ ଓ ତୁଷାର କାନ୍ତି ଭଟ୍ଟାଚାର୍ଯ୍ୟଙ୍କ ସମେତ ୫୦ରୁ ଅଧିକ କାଉନସିଲରଙ୍କ ସହ ବରିଷ୍ଠ ବିଜେପି ନେତା ମୁକୁଲ ରୟ ଏବଂ କୈଳାଶ  ବିଜୟଭର୍ଗିୟଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଥିଲେ ।