ମଦ ଦୋକାନରେ ପହଞ୍ଚିଥିବା ଥିବା ମହିଳା ଲୋକଙ୍କୁ ପରାମର୍ଶ ଦେଲେ; ଦୁଇ ପେଗ୍ ମାରଲେ କରୋନା ହେବ ନାହିଁ

News18 Odia Digital
ନୂଆ ଦିଲ୍ଲୀ: କରୋନା ସଂକ୍ରମଣର ବୃଦ୍ଧି ପାଉଥିବା ଗତିକୁ ରୋକିବା ପାଇଁ ମୁଖ୍ୟ ମନ୍ତ୍ରୀ ଅରବିନ୍ଦ କେଜ୍ରିୱାଲ ଦିଲ୍ଲୀରେ ଏକ ସପ୍ତାହ ପାଇଁ ଲକଡାଉନ ଘୋଷଣା କରିଛନ୍ତି । ଆଜି ରାତି ୧୦ ଟାରୁ ସୋମବାର ସକାଳ ୫ ଟା ପର୍ଯ୍ୟନ୍ତ କରୋନା କର୍ଫ୍ୟୁ ଅନୁଷ୍ଠିତ ହେବ । ଦିଲ୍ଲୀ ସରକାରଙ୍କ ନିର୍ଦ୍ଦେଶ ଜାରି ହେବା ମାତ୍ରେ ରାଜଧାନୀର ବିଭିନ୍ନ ଅଞ୍ଚଳର ବଜାରରେ ଜନସମାଗମ ହୋଇଥିଲା । ବିଶେଷକରି ମଦ ଦୋକାନଗୁଡିକରେ ଅନେକ ଜନସମାଗମ ହୋଇଥିବା ଦେଖିବାକୁ ମିଳିଥିଲା । ଏହି କ୍ରମରେ ମଦ କିଣିବାକୁ ଆସିଥିବା ଏହି ମହିଳାଙ୍କ ଭିଡିଓ ଭାଇରାଲ ହେଉଛି । ଯେଉଁଥିରେ ସେ ଅଜବ ପରାମର୍ଶ ଦେଉଥିବାର ନଜର ଆସିଛନ୍ତି ।

ନ୍ୟୁଜ୍ ଏଜେନ୍ସି ANI ର ଏହି ଭିଡିଓରେ ଆପଣ ଦେଖିପାରିବେ ଯେ ଏହି ମହିଳା ଜଣକ ମଦକୁ କରୋନାର ଔଷଧ କହିଥିବା ଦେଖାଯାଉଛନ୍ତି । ମହିଳା ଜଣକ ଉଚ୍ଚ ସ୍ୱରରେ କହୁଛନ୍ତି ଯେ ଦିଲ୍ଲୀରେ କରୋନା ରୋକିବା ପାଇଁ ଇଞ୍ଜେକ୍ସନ ଦେଲେ ଅଧିକ ଲାଭ ହେବ ନାହିଁ, ବରଂ ମଦ୍ୟପାନ କଲେ ଏହି ରୋଗ ଭଲ ହୋଇପାରିବ । ମଦ କିଣିବାକୁ ଦୋକାନକୁ ଆସିଥିବା ମହିଳା କହୁଛନ୍ତି "ଦିଲ୍ଲୀରେ ଇଞ୍ଜେକ୍ସନ କୌଣସି ଲାଭ ଦେବ ନାହିଁ, ଏହା ମଦ ଲାଭ ଦେବ ।"

#WATCH Delhi: A woman, who has come to purchase liquor, at a shop in Shivpuri Geeta Colony, says, "...Injection fayda nahi karega, ye alcohol fayda karegi...Mujhe dawaion se asar nahi hoga, peg se asar hoga..." pic.twitter.com/iat5N9vdFZ

— ANI (@ANI) April 19, 2021

ଦିଲ୍ଲୀରେ ଏକ ସପ୍ତାହ ବ୍ୟାପୀ ଲକଡାଉନ ଘୋଷଣା ହେବା ମାତ୍ରେ ପ୍ରବାସୀ ଶ୍ରମିକମାନେ ଘରକୁ ଫେରିବା ଆରମ୍ଭ କରିଥିବାବେଳେ ରାଜଧାନୀରେ ରହୁଥିବା ଲୋକମାନେ ଗୋଟିଏ ସପ୍ତାହର ରାସନ ଓ ଅନ୍ୟାନ୍ୟ ସାମଗ୍ରୀ ସଂଗ୍ରହ କରିବା ଆରମ୍ଭ କରିଛନ୍ତି । ଲକଡାଉନ ସମୟରେ ଲିକୋର ଦୋକାନ ମଧ୍ୟ ବନ୍ଦ ରହିବ । ଯେଉଁ କାରଣରୁ ମଦ ଦୋକାନରେ ମଦ୍ୟପାନ କରିବାକୁ ଭଲପାଉଥିବା ଲୋକଙ୍କ ଭିଡ ଦେଖିବାକୁ ମିଳୁଛି । ଲୋକମାନେ ଏକ ସପ୍ତାହ ପାଇଁ ମଦ କିଣୁଛନ୍ତି । ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓରେ ମହିଳା ମଦ୍ୟପାନକୁ ଯେପରି ପ୍ରଶଂସା କରୁଛନ୍ତି, ଏହା ଦେଖି ଉପଭୋକ୍ତାମାନେ ସୋସିଆଲ ମିଡିଆରେ ଅନେକ ମନ୍ତବ୍ୟ ଦେଉଛନ୍ତି ।