Video: ଆକାଶରୁ ପଡ଼ିଲା ଅଜଗର ସାପ; ରାସ୍ତାରୁ ଦୌଡ଼ି ପଳାଇଲେ ସମସ୍ତେ, ଭାଇରାଲ ହେଉଛି ଭିଡିଓ

ସୋସିଆଲ ମିଡ଼ିଆରେ ଏକ ଭୟାନକ ଭିଡିଓ ବର୍ତ୍ତମାନ ବେଶ୍ ଭାଇରାଲ ହେଉଛି। ଏହି ଭିଡିଓରେ ଏକ ବିଶାଳକାୟ ଅଜଗର ସାପ ରାସ୍ତାରେ ଆକାଶରୁ ଖସି ପଡୁଥିବା ଦେଖିବାକୁ ମିଳିଛି ।

ଆକାଶରୁ ପଡ଼ିଲା ଅଜଗର ସାପ

ଆକାଶରୁ ପଡ଼ିଲା ଅଜଗର ସାପ

  • Share this:
News18 Odia Digital

ପଶୁ ଓ ମଣିଷ ମଧ୍ୟରେ ସମ୍ପର୍କ ବହୁତ ପୁରୁଣା । ଦୀର୍ଘ ସମୟ ଧରି ମଣିଷ ଓ ପଶୁମାନେ ପରସ୍ପର ସହିତ ବାସ କରୁଥିବା ଦେଖିବାକୁ ମିଳି ଆସୁଛି । ତଥାପି, ଏପରି କିଛି ପ୍ରାଣୀ ଅଛନ୍ତି ଯେଉଁ ମାନଙ୍କ ପାଖରୁ ମଣିଷମାନେ ଦୂରରେ ରହିବାକୁ ପସନ୍ଦ କରନ୍ତି । ବଣୁଆ ଜନ୍ତୁ ଓ ବିଷାକ୍ତ ପ୍ରାଣୀ ସବୁଠାରୁ ବିପଜ୍ଜନକ। ବିଶେଷ କରି ଯଦି ଆମେ ସାପ ବିଷୟରେ କଥାବାର୍ତ୍ତା କରିବା, ତେବେ ସେମାନଙ୍କୁ ଦେଖିବା ପରେ ସମସ୍ତେ ଡରି ଯାଆନ୍ତି । ମଣିଷ ସାପଠାରୁ ଦୂରରେ ରହିବାକୁ ଚେଷ୍ଟା କରେ । କିନ୍ତୁ ଯଦି ଆକାଶରୁ ସାପ ବର୍ଷା ଆରମ୍ଭ ହୁଏ ତେବେ କଣ ହେବ? ତାହା ମଧ୍ୟ ଏକ ଜନଗହଳି ପୂର୍ଣ୍ଣ ଅଞ୍ଚଳରେ? ଆଜିକାଲି ସୋସିଆଲ ମିଡ଼ିଆରେ ଏଭଳି ଏକ ଭିଡିଓ ବେଶ୍ ଭାଇରାଲ ହେଉଛି।

ସୋସିଆଲ ମିଡ଼ିଆ ସାଇଟ ଟ୍ୱିଟରରେ ଏକ ଭିଡିଓ ବହୁତ ଶେୟାର କରାଯାଉଛି । ଏଥିରେ ଏକ ସାପ ଏକ ବ୍ୟସ୍ତବହୁଳ ରାସ୍ତାରେ ଯାଉଥିବା ଏକ ତାରରେ ଝୁଲୁଥିବା ଦେଖିବାକୁ ମିଳୁଛି । ସାପ ତାରରେ ଝୁଲି ରହି ଗତି କରୁଥିଲା। ଲୋକେ ମଧ୍ୟ ଏହି ଘଟଣାର ଭିଡିଓ ତିଆରି କରୁଥିବା ଦେଖିବାକୁ ମିଳିଥିଲା । ତାରରେ ଝୁଲୁଥିବା ସାପ ଉପରେ ଲୋକଙ୍କ ଆଖି ପଡ଼ିବା ମାତ୍ରେ ସମସ୍ତେ ଶୀଘ୍ର ରାସ୍ତାରୁ ଦୌଡ଼ି ପଳାଇଥିଲେ। ଏହା ପରେ ସମସ୍ତେ ଦୂରରୁ ସାପକୁ ଦେଖିବା ଆରମ୍ଭ କରିଥିଲେ ।



ସାପ ତାରରେ ଗତି କରୁଥିବା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ । ହଠାତ୍ ଏହି ସାପ ରାସ୍ତାରେ ପଡ଼ିଗଲା। ସାପ ଖସିଯିବା ମାତ୍ରେ ଚିତ୍କାର କରୁଛନ୍ତି ଲୋକେ । ଆକାଶରୁ ଖସିପଡିଥିବା ସାପର କ୍ୟାପସନ୍ ସହିତ ଭିଡିଓ ସେୟାର କରାଯାଇଥିଲା। କିନ୍ତୁ ବାସ୍ତବରେ ଏହି ସାପ ବିଦ୍ୟୁତ୍ ତାରରେ ଝୁଲୁଥିଲା । ସାପକୁ ଦେଖି ଉଦ୍ଧାରକାରୀ ଦଳକୁ ସୂଚନା ଦିଆଯାଇଥିଲା। ଦଳ ଆସି ସାପକୁ ଧରିଥିଲା।

ଏହି ଭିଡିଓ ଇଣ୍ଟରନେଟରେ ଅନେକ ଥର ଶେୟାର କରାଯାଇଛି । ସାପରେ ତାରରେ ଝୁଲୁଥିବା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ଉଦ୍ଧାରକାରୀଙ୍କ ତତ୍ପରତା ହେତୁ ସାପଟି ତାରରୁ ଖସିଯିବା ମାତ୍ରେ ଧରାଯାଇଥିଲା। କୁହାଯାଉଛି ଯେ ଏହା ପରେ ସାପଟି ତୁରନ୍ତ ଜଙ୍ଗଲରେ ଛାଡ଼ି ଦିଆଯାଇଥିଲା।
Published by:Lipina Das
First published: