ବାଂଲାଦେଶରେ ଆର୍ଥିକ ସଙ୍କଟ; ଏକା ଥରେ ବଢ଼ିଲା ୫୦% ପେଟ୍ରୋଲ ଦର

News18 Odia Digital

Bangladesh Fuel Prices Hike: ଶ୍ରୀଲଙ୍କା ପରେ ବର୍ତ୍ତମାନ ବାଂଲାଦେଶ ମଧ୍ୟ ଅର୍ଥନୈତିକ ସଙ୍କଟ ଦେଇ ଗତି କରୁଛି। ପେଟ୍ରୋଲ ମୂଲ୍ୟରେ ୫୦ ପ୍ରତିଶତ ବୃଦ୍ଧି ବିରୋଧରେ କ୍ରୋଧିତ ଲୋକ ରାସ୍ତାରେ ବିରୋଧ ପ୍ରଦର୍ଶନ ଆରମ୍ଭ କରିଦେଇଛନ୍ତି।

ମୁଦ୍ରାସ୍ଫୀତି ବୃଦ୍ଧି ବିରୋଧରେ ଦେଶର ଅନେକ ସହରରେ ବିରୋଧ ପ୍ରଦର୍ଶନ ଚାଲିଛି। ସେପଟେ ବାଂଲାଦେଶର ରାଜଧାନୀ ଢାକାରେ ପୋଲିସ ଓ ବିକ୍ଷୋଭକାରୀଙ୍କ ମଧ୍ୟରେ ହିଂସାତ୍ମକ ସଂଘର୍ଷ ଘଟିଛି।

ଯେତେବେଳେ ବାଂଲାଦେଶବାସୀଙ୍କ ମୁଦ୍ରାସ୍ଫୀତି ବିରୁଦ୍ଧରେ ପ୍ରଦର୍ଶନ ଆରମ୍ଭ ହେଲା, ସେଠାରେ ଥିବା ରାସ୍ତାଗୁଡ଼ିକ ନିଆଁ ଜଳାଯାଇଥିଲା। ବିକ୍ଷୋଭକାରୀମାନେ ସେଠାରେ ପୋଲିସର ସମ୍ମୁଖୀନ ହେବା ମାତ୍ରେ ପଥର ଫିଙ୍ଗିବା ଆରମ୍ଭ କରିଥିଲେ। ପୋଲିସ ମଧ୍ୟ ବିକ୍ଷୋଭକାରୀଙ୍କ ବିରୋଧରେ ଏକ ମୋର୍ଚ୍ଚା ଖୋଲି ପଥର ଫିଙ୍ଗାଳିଙ୍କ ଉପରକୁ ଲୁହବୁହା ଗ୍ୟାସ ଚଳାଇବା ଆରମ୍ଭ କରିଥିଲା। ପୋଲିସର ଏହି କାର୍ଯ୍ୟାନୁଷ୍ଠାନ ଯୋଗୁଁ ବିକ୍ଷୋଭକାରୀଙ୍କ କ୍ରୋଧିତ ହୋଇ ଯାହା ହାତରେ ପାଇଲେ ତାହା ପୋଲିସ ଆଡକୁ ଫିଙ୍ଗିବା ଆରମ୍ଭ କରିଥିଲେ।

ପେଟ୍ରୋଲ ଡିଜେଲ ମୂଲ୍ୟରେ ଐତିହାସିକ ବୃଦ୍ଧି

ଉଭୟ ପକ୍ଷ ମଧ୍ୟରେ ହିଂସାତ୍ମକ ସଙ୍ଘର୍ଷ ପରେ ଢାକା ସଂକ୍ଷେପରେ ବିକ୍ଷୋଭକାରୀଙ୍କ ଦ୍ୱାରା ବନ୍ଧକ ରଖାଯାଇଥିଲା। ପେଟ୍ରୋଲ ଓ ଡିଜେଲ ମୂଲ୍ୟରେ ଐତିହାସିକ ବୃଦ୍ଧି ଘଟିଥିବା ବେଳେ ବାଂଲାଦେଶରେ ହିଂସା ଆରମ୍ଭ ହୋଇଛି।

ଏହାର ଗୋଟିଏ ଦିନ ପୂର୍ବରୁ ସେଠାରେ ସରକାର ଏକ ଲିଟର ପେଟ୍ରୋଲର ମୂଲ୍ୟ ୫୧ ପ୍ରତିଶତ ବୃଦ୍ଧି କରି ୧୩୦ ଟାକାରେ ପହଞ୍ଚିଥିଲା ଯାହାକି ଭାରତୀୟ ମୁଦ୍ରାରେ ୧୦୮ ଟଙ୍କା।

ଶନିବାର ପର୍ଯ୍ୟନ୍ତ ବାଂଲାଦେଶରେ ଏକ ଲିଟର ପେଟ୍ରୋଲର ମୂଲ୍ୟ 86 ଟାକା, ଅର୍ଥାତ୍ ଭାରତ ମୁଦ୍ରାରେ ୭୧ ଟଙ୍କା ଥିଲା। କେବଳ ଏତିକି ନୁହେଁ ଡିଜେଲ ଓ କିରୋସିନର ମୂଲ୍ୟ ମଧ୍ୟ ୪୨ ପ୍ରତିଶତ ବୃଦ୍ଧି କରାଯାଇଛି। ବର୍ତ୍ତମାନ ଏକ ଲିଟର ଡିଜେଲ ଓ କିରୋସିନ ୧୧୪ ଟାକାରେ ବାଂଲାଦେଶୀରେ ବିକ୍ରି ହେଉଛି। ଭାରତୀୟ ମୁଦ୍ରାରେ ଏହା ଲିଟର ପିଛା ୯୫ ଟଙ୍କା।

ମହଙ୍ଗାମାଡରୁ ମୁକ୍ତି ପାଇବାକୁ ବାଂଲାଦେଶ ସରକାର ଆଇଏମଏଫ ସମେତ ଅନେକ ଅର୍ନ୍ତରାଷ୍ଟ୍ରୀୟ ସଂସ୍ଥାଙ୍କ ଠାରୁ ଋଣ ନେଇଛି। ସେପଟେ ସାରା ବିଶ୍ୱରେ ଦର ବୃଦ୍ଧି ଫଳରେ ବାଂଲାଦେଶର ଆମଦାନୀ ଦେୟ ମଧ୍ୟ ବଢ଼ିଛି।

ଏହି କାରଣରୁ ଏବେ ଦେଶର ଅର୍ଥବ୍ୟବସ୍ଥା ଚାପରେ ରହିଛି। ଏଭଳି ମୂଲ୍ୟ ବୃଦ୍ଧି ପରେ ବାଂଲାଦେଶରେ ପେଟ୍ରୋଲ ଲିଟର ପିଛା ୧୩୦ ଟାକା (ଭାରତୀୟ ମୁଦ୍ରାରେ ୧୦୮.୪୪) ଓ ଡିଜେଲର ଦାମ ୧୧୪ ଟାକା (ଭାରତୀୟ ମୁଦ୍ରାରେ ୯୫.୧୧) କୁ ବୃଦ୍ଧି ପାଇଛି। ୧୯୭୧ ମସିହାରେ ବାଂଲାଦେଶ ସ୍ୱାଧୀନ ହେବା ପରେ ପ୍ରଥମ ଥର ପାଇଁ ଦେଶରେ ଇନ୍ଧନର ମୂଲ୍ୟ ଏଭଳି ଭାବେ ବୃଦ୍ଧି କରିବାକୁ ସରକାର ବାଧ୍ୟ ହୋଇଛନ୍ତି ।