Oh No....ବର ହେବା ପୂର୍ବରୁ ବରୁଣ ଧାୱନଙ୍କ ଗାଡ଼ିର ଆକ୍ସିଡେଣ୍ଟ ହେଲା; ଅଳ୍ପକେ ବଞ୍ଚିଲେ

News18 Odia Digital
ମୁମ୍ବାଇ: ବରୁଣ ଧାୱନ (Varun Dhawan) ଆଜି ବରବେଶ ହୋଇ ନିଜ ଗର୍ଲଫ୍ରେଣ୍ଡ ନତାଶା ଦଲାଲଙ୍କ (Natasha Dalal) ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । କିନ୍ତୁ ବିବାହର ଠିକ୍ ପୂର୍ବରୁ ଏଭଳି ଏକ ଖବର ଆସିଛି । ଯାହାଶୁଣି ସମସ୍ତଙ୍କ ଲୋମ ଟାଙ୍କୁରୀ ଉଠିବ । ବରୁଣ ଓ ନତାଶାଙ୍କ ବିବାହ ପାଇଁ ଉଭୟ ପରିବାର ସଦସ୍ୟ ଓ କିଛି ବନ୍ଧୁବାନ୍ଧବ ଶୁକ୍ରବାର ଦିନ ଆଲିବାଗରେ ପହଞ୍ଚିଥିଲେ । ଏହା ପରେ ବରୁଣ ଧାୱନ ଶନିବାର ଅପରାହ୍ନରେ ଆଲିବାଗରେ ପହଞ୍ଚିଥିଲେ । ଖବର ମୁତାବକ ତାଙ୍କ କାର ଶନିବାର ଦିନ ଜୁହୁରୁ ଆଲିବାଗ ଯାଉଥିବାବେଳେ ଆକ୍ସିଡେଣ୍ଟ ହୋଇଥିଲା । ଭଲ କଥା ଏହା କି ବିବାହ ପୂର୍ବରୁ ଏହି ଦୁର୍ଘଟଣାରେ ବରୁଣ ଧାୱନ ଅଳ୍ପକେ ବଞ୍ଚି ଯାଇଥିଲେ ।

ଶୁକ୍ରବାର ଦିନ ବରୁଣ ଧାୱନ ଟିକେ ବ୍ୟସ୍ତ ଥିଲେ ତେଣୁ ସେ ୨୩ ଜାନୁଆରୀରେ ନିଜ ଘରୁ ଆଲିବାଗକୁ ଚାଲିଗଲେ । କାରରେ ଆଲିବାଗରେ ପହଞ୍ଚିବାକୁ ପ୍ରାୟ ୪ ଘଣ୍ଟା ଲାଗେ । ଖବର ଅନୁଯାୟୀ ଆଲିବାଗ ରାସ୍ତାରେ ବହୁତ ଟ୍ରାଫିକ୍ ଥିଲା ଓ ସେହି ରାସ୍ତା ମଧ୍ୟ ଅନେକ ସ୍ଥାନରେ ସଂକୀର୍ଣ୍ଣ । ବିବାହ ରୀତିନୀତି ଆରମ୍ଭ ହୋଇ ଯାଇଥିଲା ଯେଉଁଥିପାଇଁ ବରକୁ ଶୀଘ୍ର ଆଲିବାଗକୁ ଆଣିବାକୁ ପଡିଥିଲା । ଠିକ୍ ସେତିକିବେଳେ ତାଙ୍କ କାରର ସାମାନ୍ୟ ଦୁର୍ଘଟଣା ହୋଇଥିଲା । ଏହି ଦୁର୍ଘଟଣାରେ ବରୁଣ ଧାୱନ ଅଳ୍ପକେ ବଞ୍ଚି ଯାଇଥିଲେ ।

ଭଲ କଥା ଏହା ଯେ ଦୁର୍ଘଟଣାରେ କେହି ଆହତ ହୋଇନାହାଁନ୍ତି । ବରୁଣଙ୍କ ପିତା ତଥା ଫିଲ୍ମ ନିର୍ମାତା ଡେଭିଡ ଧାୱନ, ମାତା ଲାଲୀ, ଭାଇ ରୋହିତ ଓ ତାଙ୍କ ପରିବାର, ମାମୁଁ ତଥା ପୂର୍ବତନ ଅଭିନେତା ଅନିଲ ଧାୱନ ଓ ତାଙ୍କ ପରିବାର ତଥା ଦଲାଲଙ୍କ ପରିବାର ଶୁକ୍ରବାର ଦିନ ବିବାହ ସ୍ଥଳରେ ପହଞ୍ଚିଥିଲେ ।

ଆଜି ହେଉଛି ବରୁଣ-ନତାଶାଙ୍କ ବିବାହ । ଏହି ବିବାହରେ ପ୍ରାୟ ୫୦ ଜଣ ଲୋକ ଯୋଗଦେବାକୁ ଯାଉଛନ୍ତି । ବରୁଣ-ନତାଶାଙ୍କ ବିବାହ ପାଇଁ ଡେଭିଡ ଧାୱନ ବିଶେଷ ବ୍ୟବସ୍ଥା କରିଛନ୍ତି । ସୁରକ୍ଷା ବ୍ୟବସ୍ଥା ବ୍ୟତୀତ ଅତିଥିମାନଙ୍କ ଗୋପନୀୟତା ମଧ୍ୟ ଯତ୍ନ ନିଆଯାଉଛି ।

ଏହି ବିବାହ ସମାରୋହରେ କେବଳ ଅଳ୍ପ କିଛି ବିଶେଷ ଲୋକଙ୍କୁ ନିମନ୍ତ୍ରଣ କରାଯାଇଛି । ଏଥିରେ ସଲମାନ ଖାନ, ଶାହରୁଖ ଖାନ ଓ ଅର୍ଜୁନ କପୁରଙ୍କ ଭଳି ଅଭିନେତାଙ୍କ ନାମ ସାମିଲ ରହିଛନ୍ତି । ବିବାହ ଉତ୍ସବରେ ଯୋଗ ଦେଇଥିବା ଅତିଥିମାନଙ୍କ ପାଇଁ କରୋନା ଭାଇରସ୍ ଟେଷ୍ଟ ମଧ୍ୟ କରାଯିବ । ବିବାହ ପରେ ୨୬ ଜାନୁଆରୀରେ ଏକ ରିସେପ୍ସନ୍ ଆୟୋଜନ ରହିଛି । ଯେଉଁଥିରେ ବଡ ବଡ଼ ବଲିଉଡ ସୁପରଷ୍ଟାରମାନେ ଯୋଗଦେବେ ବୋଲି ଆଶା କରାଯାଉଛି ।