ରେଳଯାତ୍ରୀଙ୍କ ଯାତ୍ରା ହେବ ଆହୁରୀ ସହଜ: ଗଡ଼ିବ ବନ୍ଦେ ଭାରତ ଏକ୍ସପ୍ରେସ !

News 18 Odia Digital

ନୂଆଦିଲ୍ଲୀ: ଖୁବଶୀଘ୍ର ରାଜସ୍ଥାନ (rajasthan)ରେ ଚାଲିବ ବନ୍ଦେ ଭାରତ ଟ୍ରେନ । ଅଜମେର-ଦିଲ୍ଲୀ କ୍ୟାଣ୍ଟ ବନ୍ଦେ ଭାରତ ଏକ୍ସପ୍ରେସ (vande bharat express) ହାଇ ରାଇଜ ଓଭରହେଡ ଇଲେକ୍ଟ୍ରିକ (OHE) ସେକ୍ଟରରେ ଚାଲୁଥିବା ବିଶ୍ୱର ପ୍ରଥମ ସେମି ହାଇ ସ୍ପିଡ ଯାତ୍ରୀବାହୀ ଟ୍ରେନ୍ ହେବ । ଏହି ଟ୍ରେନ୍ ଦର୍ଗା ସହିତ ରାଜସ୍ଥାନର ପ୍ରମୁଖ ପର୍ଯ୍ୟଟନ ସ୍ଥାନ ପୁଷ୍କର, ଅଜମେର ସରିଫର ସଂଯୋଗକୁ ସୁଦୃଢ଼ କରିବ ।

ଭାରତୀୟ ରେଳ (indian railway) କ୍ରମାଗତ ଭାବରେ ସାରା ଦେଶରେ ବନ୍ଦେ ଭାରତ ଟ୍ରେନ୍ ସଂଖ୍ୟା ବୃଦ୍ଧି କରୁଛି। ଏହି ପର୍ଯ୍ୟାୟରେ, ବର୍ତ୍ତମାନ ରାଜସ୍ଥାନର ସଂଖ୍ୟା ଆସିଛି । ଆସନ୍ତାକାଲି ଅର୍ଥାତ୍ ଏପ୍ରିଲ୍ ୧୨ରେ ରାଜସ୍ଥାନ ପ୍ରଥମ ବନ୍ଦେ ଭାରତ ଟ୍ରେନ୍ ପାଇବାକୁ ଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (pm modiji) ୧୨ ଏପ୍ରିଲ ୨୦୨୩ ଦିନ ୧୧ ଟା ସମୟରେ ଭିଡିଓ କନଫରେନ୍ସିଂ (video conferencing) ମାଧ୍ୟମରେ ରାଜସ୍ଥାନର ପ୍ରଥମ ବନ୍ଦେ ଭାରତ ଏକ୍ସପ୍ରେସ ଟ୍ରେନକୁ ପତାକା ଦେଖାଇବେ। ଏହି ଟ୍ରେନ୍ ଜୟପୁର ଦେଇ ଦିଲ୍ଲୀ କ୍ୟାଣ୍ଟ ପର୍ଯ୍ୟନ୍ତ ଯିବ ।

ଏହାର ନିୟମିତ ସେବା ଏପ୍ରିଲ ୧୩, ୨୦୨୩ରୁ ଆରମ୍ଭ ହେବ ଓ ଜୟପୁର, ଅଲୱାର ଏବଂ ଗୁରଗାଓଁରେ ଷ୍ଟପ ସହିତ ଅଜମେର ଏବଂ ଦିଲ୍ଲୀ କ୍ୟାଣ୍ଟ ମଧ୍ୟରେ ଚାଲିବ । ଏହି ଟ୍ରେନ୍ ୫ ଘଣ୍ଟା ୧୫ ମିନିଟରେ ଦିଲ୍ଲୀ କ୍ୟାଣ୍ଟ ଠାରୁ ଅଜମେର ମଧ୍ୟରେ ଦୂରତା ଅତିକ୍ରମ କରିବ । ସମାନ ମାର୍ଗରେ ଚାଲୁଥିବା ଶତାବ୍ଦୀ ଏକ୍ସପ୍ରେସ ଠାରୁ ଏହି ଟ୍ରେନ୍ ୬୦ ମିନିଟ୍ ଦ୍ରୁତ ଗତି ହେବ । ଶତାବ୍ଦୀ ଏକ୍ସପ୍ରେସ ଦିଲ୍ଲୀ କ୍ୟାଣ୍ଟରୁ ଅଜମେରକୁ ୬ ଘଣ୍ଟା ୧୫ ମିନିଟ୍ ନେଇଥାଏ। ସେ ଲହିପରି, ନୂତନ ବନ୍ଦେ ଭାରତ ଏକ୍ସପ୍ରେସ ସମାନ ମାର୍ଗରେ ଚାଲୁଥିବା ଦ୍ରୁତତମ ଟ୍ରେନ୍ ଠାରୁ ୬୦ ମିନିଟ୍ ଅଧିକ ସ୍ପିଡ୍ ହେବ ।

ବିଶ୍ୱର ପ୍ରଥମ ସେମି ହାଇ ସ୍ପିଡ୍ ଯାତ୍ରୀବାହୀ ଟ୍ରେନ୍

ଅଜମେର-ଦିଲ୍ଲୀ କ୍ୟାଣ୍ଟ ବନ୍ଦେ ଭାରତ ଏକ୍ସପ୍ରେସ ହାଇ ରାଇଜ ଓଭରହେଡ ଇଲେକ୍ଟ୍ରିକ (OHE) ସେକ୍ଟରରେ ଚାଲୁଥିବା ବିଶ୍ୱର ପ୍ରଥମ ସେମି ହାଇ ସ୍ପିଡ ଯାତ୍ରୀବାହୀ ଟ୍ରେନ ହେବ । ଏହି ଟ୍ରେନ୍ ରାଜସ୍ଥାନର ପ୍ରମୁଖ ପର୍ଯ୍ୟଟନ ସ୍ଥାନ ପୁଷ୍କର, ଅଜମେର ସରିଫ ଦର୍ଗା ସହିତ ସଂଯୋଗକୁ ସୁଦୃଢ଼ କରିବ । ସଂଯୋଗୀକରଣ ବୃଦ୍ଧି ଏହି ଅଞ୍ଚଳର ସାମାଜିକ-ଅର୍ଥନୈତିକ ବିକାଶକୁ ମଧ୍ୟ ବୃଦ୍ଧି କରିବ ।

ବର୍ତ୍ତମାନ ପର୍ଯ୍ୟନ୍ତ ୧୧ ବନ୍ଦେ ଭାରତ ଟ୍ରେନ୍ ଚାଲିଛି

ବର୍ତ୍ତମାନ ପର୍ଯ୍ୟନ୍ତ ଦେଶରେ ବିଭିନ୍ନ ଆନ୍ତଃ ରାଜ୍ୟ ମାର୍ଗରେ ୧୧ ବନ୍ଦେ ଭାରତ ଏକ୍ସପ୍ରେସ ଟ୍ରେନ୍ ଆରମ୍ଭ ହୋଇଛି। ଦେଶର ପ୍ରଥମ ବନ୍ଦେ ଭାରତ ଟ୍ରେନ୍ ନୂଆଦିଲ୍ଲୀରୁ ବାରାଣାସୀ ଅଭିମୁଖେ ଯାତ୍ରା କରିଥିଲା। ଏହା ପରେ ରେଳବାଇ ନୂଆଦିଲ୍ଲୀ-ଶ୍ରୀ ମାତା ବୈଷ୍ଣୋ ଦେବୀ କାଟ୍ରା, ଗାନ୍ଧିନଗର-ମୁମ୍ବାଇ, ନୂଆଦିଲ୍ଲୀ-ମ୍ବ ଅନ୍ଧୁରା, ଚେନ୍ନାଇ-ମାହେସୋର, ନାଗପୁର-ବିଳାସପୁର, ହାୱଡ଼ା-ନୂଆ ଜାଲପାଇଗୁରି, ସିକନ୍ଦରାବାଦରୁ ବିଶାଖାପାଟନମ୍, ମୁମ୍ବାଇ-ସୋଲାପୁର, ମୁମ୍ବାଇ-ସାଇନାଗର ଶିରଡି ଯାଏଁ ଆରମ୍ଭ ହୋଇଥିଲା । ଦିଲ୍ଲୀ-ଭୋପାଳ ମାର୍ଗରେ ବନ୍ଦେ ଭାରତ ଏକ୍ସପ୍ରେସ ଚଳାଚଳ କରିଥିଲା ​​। ବର୍ତ୍ତମାନ ଏହି ରାଜ୍ୟ ବନ୍ଦେ ଭାରତ ଏକ୍ସପ୍ରେସ ପାଇବ, ପ୍ରଧାନମନ୍ତ୍ରୀ ମୋଦି ଆସନ୍ତାକାଲି ଏହାକୁ ପତାକା ଦେଖାଇ ଉଦଘାଟନ କରିବେ ।

ଏହି ଖବର ପଢ଼ନ୍ତୁ -  Rajasthan politics: ତେଜିଲା ଗେହଲଟ୍- ପାଇଲଟ୍ କଳି