Viral Video: ଭାଷଣ ପରେ ପବନରେ ହ୍ୟାଣ୍ଡସେକ୍ କରୁଥିବାର ନଜର ଆସିଲେ ଜୋ ବାଇଡେନ

Viral Video: ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ସେ ପବନରେ ହ୍ୟାଣ୍ଡସେକ୍ କରୁଥିବାର ନଜର ଆସିଛନ୍ତି। ଏହି ଭିଡିଓକୁ ନେଇ ବିରୋଧୀ ବାଇଡେନଙ୍କୁ ଟାର୍ଗେଟ କରୁଥିବାବେଳେ ପ୍ରଶ୍ନ ଉଠିଛି ଯେ ଆମେରିକାର ରାଷ୍ଟ୍ରପତି କୌଣସି ରୋଗରେ ପୀଡିତ ଅଛନ୍ତି କି?

ଭାଷଣ ପରେ ପବନରେ ହ୍ୟାଣ୍ଡସେକ୍ କରୁଥିବାର ନଜର ଆସିଲେ ଜୋ ବାଇଡେନ

ଭାଷଣ ପରେ ପବନରେ ହ୍ୟାଣ୍ଡସେକ୍ କରୁଥିବାର ନଜର ଆସିଲେ ଜୋ ବାଇଡେନ

  • Share this:
News18 Odia Digital

ୱାଶିଂଟନ: ଆମେରିକାର ରାଷ୍ଟ୍ରପତି ଜୋ ବାଇଡେନ ପୁଣି ଥରେ ଆଲୋଚନାରେ ଅଛନ୍ତି। ସୋସିଆଲ ମିଡ଼ିଆରେ ଭାଇରାଲ ହେଉଥିବା ଏକ ଭିଡିଓକୁ ନେଇ ତାଙ୍କ ପରିହାସ କରାଯାଉଛି। ଏଥି ସହିତ, ଏହି ଭିଡିଓ ବାଇଡେନ ବିରୋଧୀଙ୍କୁ ତାଙ୍କୁ ଟାର୍ଗେଟ କରିବାକୁ ଆଉ ଏକ ସୁଯୋଗ ମଧ୍ୟ ଦେଇଛି।

କଥାଟି ହେଲା ଯେ ବାଇଡେନ ଗୁରୁବାର ଉତ୍ତର କାରୋଲିନାରେ ଥିବା ପେନସିଲଭାନିଆ ବିଶ୍ୱବିଦ୍ୟାଳୟରେ ଏକ ଭାଷଣ ଦେଉଥିଲେ ଓ ଭାଷଣ ଶେଷ ହେବା ପରେ ସେ ଏକାକୀ ବାୟୁରେ ହ୍ୟାଣ୍ଡସେକ୍ କରୁଥିବାର ଦେଖାଯାଇଥିଲା। ଏହି ପୂରା ଘଟଣା ଭିଡିଓରେ କଏଦ ହୋଇଛି, ଯାହା ବର୍ତ୍ତମାନ ଭାଇରାଲ ହେବାରେ ଲାଗିଛି।

ଆଉ କେହି ମଞ୍ଚରେ ନଥିଲେ

ତାଙ୍କ ଭାଷଣ ସମାପ୍ତ କରିବା ପରେ ଆମେରିକାର ରାଷ୍ଟ୍ରପତି ଜୋ ବାଇଡେନ ବୁଲିପଡି ଏକୁଟିଆ ହ୍ୟାଣ୍ଡସେକ୍ କରୁଥିବାର ନଜର ଆସିଥିଲେ। ସେଠାରେ କେହି ନଥିଲେ। ବାଇଡେନ ଜାଣି ନଥିଲେ ଯେ ସେ ମଞ୍ଚରେ ଏକୁଟିଆ ଅଛନ୍ତି। ଭିଡିଓରେ ଏହା ଦେଖିବାକୁ ମିଳେ ଯେ ବାଇଡେନ ଡାହାଣ ଆଡକୁ ଯାଇ କାହାକୁ ହାତ ମିଳାଇବା ପାଇଁ ହାତ ବଢ଼ାଇଥଲେ। ଏହି ଭୁଲ ପରେ ବାଇଡେନ ହଠାତ୍ ଅନ୍ୟ ପାର୍ଶ୍ୱକୁ ଚାଲିଯାଇଥିଲେ।



ବାଇଡେନ ଡିମେନ୍ସିଆରେ ପୀଡିତ କି?

ଭିଡିଓ ଭାଇରାଲ ହେବା ପରେ ଆମେରିକାର ରାଷ୍ଟ୍ରପତିଙ୍କୁ ସୋସିଆଲ ମିଡ଼ିଆରେ ପରିହାସ କରାଯାଉଛି। କିଛି ଲୋକ ଏପରିକି କୁହନ୍ତି ଯେ ବାଇଡେନ ଡିମେନ୍ସିଆ ନାମକ ଏକ ରୋଗ ସହ ଲଢୁଛନ୍ତି। ଅନ୍ୟପକ୍ଷରେ ବିରୋଧୀ ମଧ୍ୟ ତାଙ୍କ ବୟସକୁ ଟାର୍ଗେଟ କରୁଛନ୍ତି। ସେମାନେ କହିଛନ୍ତି ଯେ ବାଇଡେନଙ୍କ ବଢୁଥିବା ବୟସ ତାଙ୍କୁ ଏପରି କରାଉଛି, ତେଣୁ ବର୍ତ୍ତମାନ ସେ ରାଜନୀତିରୁ ଅବସର ନେବାକୁ ମଧ୍ୟ ଚିନ୍ତା କରିବା ଉଚିତ୍।

ପୂର୍ବରୁ ବି 'ଭୁଲ୍' କରିସାରିଛନ୍ତି

ନିକଟରେ ଆମେରିକାର ରାଷ୍ଟ୍ରପତି ମଧ୍ୟ ଏଭଳି 'ଭୁଲ' କରିଛନ୍ତି। କିଛି ଦିନ ପୂର୍ବରୁ ତାଙ୍କର ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ସେ ସିଧା ରାସ୍ତା ଛାଡ଼ି ନିଜ ଘରକୁ ପ୍ରବେଶ କରିଥିଲେ। ତା’ପରେ କୁହାଯାଉଥିଲା ବୋଧହୁଏ ବାଇଡେନ ଚାଲିବା ସମୟରେ ହଠାତ୍ ରାସ୍ତା ଭୁଲି ଯାଇଥିଲେ।

ପ୍ରକାଶ ଥାଉକି ଆଜିକାଲି ବାଇଡେନ ବହୁତ ନୀରବ ଦେଖାଯାଉଛନ୍ତି। ଗତ ସପ୍ତାହରେ ଏକ ଇଭେଣ୍ଟରେ ସେ ମଧ୍ୟ ବହୁତ ବିଭ୍ରାନ୍ତ ହୋଇଥିଲେ।
Published by:Lipina Das
First published: