ଆମେରିକା ରାଷ୍ଟ୍ରପତି ଆଫଗାନିସ୍ତାନରେ ଚାଲିଥିବା ଦୀର୍ଘତମ ଯୁଦ୍ଧକୁ ଶେଷ କରିବାକୁ ଘୋଷଣା କଲେ

News18 Odia Digital
ୱାଶିଂଟନ୍: ଆମେରିକା (America) ଆଫଗାନିସ୍ତାନରେ (Afganistan) ଚାଲିଥିବା ଦୀର୍ଘତମ ଯୁଦ୍ଧର ସମାପ୍ତ କରିବାକୁ ଘୋଷଣା କରିଛି । ଆମେରିକାର ରାଷ୍ଟ୍ରପତି ଜୋ ବାଇଡେନ୍ (US President Joe Biden) କହିଛନ୍ତି ଯେ ଯେହେତୁ ଆମେ ଆମେରିକାର ଦୀର୍ଘତମ ଯୁଦ୍ଧକୁ ସମାପ୍ତ କରିବାକୁ ଯାଉଛୁ ସେଥିପାଇଁ ଆଫଗାନିସ୍ତାନରୁ ଆମର ସୈନ୍ୟବାହିନୀର ଶେଷ ବ୍ୟାଚ ପ୍ରତ୍ୟାହାର କରୁଛୁ ।

ରାଷ୍ଟ୍ରପତି ବାଇଡେନ୍ କହିଛନ୍ତି ଯେ ବର୍ତ୍ତମାନ ଅଲ-କାଏଦା ସମାପ୍ତ ହୋଇସାରିଥିବାରୁ ଆତଙ୍କବାଦୀ ଗୋଷ୍ଠୀର ବିପଦକୁ ନେଇ ଆମେରିକା ସଜାଗ ରହିବ । ଯାହା ବିଶ୍ୱ ପାଇଁ କର୍କଟ ଭଳି ଥିଲା । ଓସାମା ବିନ୍ ଲାଡେନ ମୃତ୍ୟୁର ଦଶମ ବାର୍ଷିକୀ ଅବସରରେ ଆମେରିକାର ରାଷ୍ଟ୍ରପତି ଜୋ ବିଡେନ ଏହା କହିଛନ୍ତି ।

ରାଷ୍ଟ୍ରପତି ବାଇଡେନ୍ କହିଛନ୍ତି ଯେ 'ଆଫଗାନିସ୍ତାନରେ ଯେକୌଣସି ବିପଦ ଓ ଧମକ ଉପରେ ଆମେ ନଜର ରଖିବୁ ଓ ଏହାକୁ ରୋକିବା ପାଇଁ ପଦକ୍ଷେପ ଗ୍ରହଣ କରିବୁ । ଆମ ଦେଶ ତଥା ମାତୃଭୂମି ତଥା ବିଶ୍ୱର ସହଯୋଗୀମାନଙ୍କ ସହ ଆତଙ୍କବାଦୀ ବିପଦ ସହ ଲଢ଼ିବା ଜାରି ରଖିବୁ ଓ ଆମର ସ୍ୱାର୍ଥର ସୁରକ୍ଷା ପାଇଁ ଏହା ଜାରି ରହିବ ।

As we bring to an end America’s longest war, draw down last of our troops from Afghan, al Qaeda is greatly degraded there. But US will remain vigilant about the threat from terrorist groups that have metastasized around world: US Prez on 10th anniversary of Osama bin Laden raid pic.twitter.com/5BCSgK1kpY

— ANI (@ANI) May 2, 2021

ଦୁଇ ଦିନ ପୂର୍ବେ ରାଷ୍ଟ୍ରପତି ବାଇଡେନ୍ କହିଥିଲେ - ଭାରତ-ପ୍ରଶାନ୍ତ ମହାସାଗରରେ ଆମେରିକା ଏକ ଶକ୍ତିଶାଳୀ ସାମରିକ ଉପସ୍ଥିତି ବଜାୟ ରଖିବ ।

ଆମେରିକା ସଂସଦର ମିଳିତ ଅଧିବେଶନକୁ ସମ୍ବୋଧିତ କରି ରାଷ୍ଟ୍ରପତି ଜୋ ବାଇଡେନ୍ କହିଛନ୍ତି ଯେ ସେ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ କହିଛନ୍ତି ଯେ ଆମେରିକା ଭାରତ-ପ୍ରଶାନ୍ତ ମହାସାଗରରେ ଏକ ଶକ୍ତିଶାଳୀ ସାମରିକ ଉପସ୍ଥିତି ବଜାୟ ରଖିବ । ତେବେ ଏହା ସ୍ପଷ୍ଟ ହୋଇଛି ଯେ ଏହା ବିବାଦ ପାଇଁ ନୁହେଁ ବରଂ ଅନ୍ୟ ଦେଶମାନଙ୍କୁ ଏହା ରୋକିବା ପାଇଁ । ଶପଥ ଗ୍ରହଣ କରିବାର ୧୦୦ ଦିନ ପରେ ବିଡେନ କହିଛନ୍ତି, ଆମେରିକା ବର୍ତ୍ତମାନ ଆଗକୁ ବଢୁଛି ।

ଜୋ ବିଡେନ କହିଛନ୍ତି ଯେ ଗତ ଶତାବ୍ଦୀରେ କରୋନା ମହାମାରୀ ଯୋଗୁଁ ସେ ସବୁଠାରୁ ଖରାପ ଅର୍ଥନୈତିକ ସଙ୍କଟ ଦେଇ ଗତିକରିଛି । କିନ୍ତୁ ଆମେରିକା ବର୍ତ୍ତମାନ ଆଗକୁବଢୁଛି । ନିଜ ସମ୍ବୋଧନରେ ସେ ଭାରତ-ପ୍ରଶାନ୍ତ ମହାସାଗରରେ ତାଙ୍କ ଉପସ୍ଥିତି ବିଷୟରେ କହିଛନ୍ତି ମୁଁ ରାଷ୍ଟ୍ରପତି ଜିନପିଙ୍ଗଙ୍କୁ କହିଛି ଯେ ଆମେ ପ୍ରତିଯୋଗିତାକୁ ସ୍ୱାଗତ କରୁଛୁ । କିନ୍ତୁ ମୁହାଁମୁହିଁ ହେବାକୁ ଚାହୁଁନାହୁଁ ।