ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»UPରେ ମହିଳା ଫେସବୁକରେ CMଙ୍କୁ ‘ପ୍ଲିଜ୍ ହେଲ୍ପ ମି, ସର୍’ ଲେଖିଲେ, ତା’ ପରେ ଆତ୍ମହତ୍ୟା କଲେ

UPରେ ମହିଳା ଫେସବୁକରେ CMଙ୍କୁ ‘ପ୍ଲିଜ୍ ହେଲ୍ପ ମି, ସର୍’ ଲେଖିଲେ, ତା’ ପରେ ଆତ୍ମହତ୍ୟା କଲେ

UP woman commits suicide after writing FB post seeking CM help | ଏହି ୩୪-ବର୍ଷୀୟା ମହିଳାଙ୍କ ଘରକୁ ନିଜ ପିତାମାତାଙ୍କ ସହ ଆସି ଅଭିଯୁକ୍ତ ଯୁବକ ତାଙ୍କ ସହ ବଳାତ୍କାର କରିବା ପରେ ତାଙ୍କୁ ଭୀଷଣ ପିଟିଥିଲା । ସେ ମହିଳାଙ୍କ ନାକକୁ ବି କାମୁଡ଼ି ଦେଇଥିଲା । ତାଙ୍କ ଡ୍ରେସ୍ ଚିରି ଦୁପାଟ୍ଟା ନେଇ ଚାଲିଯାଇଥିଲେ ।

UPରେ ମହିଳା ଫେସବୁକରେ CMଙ୍କୁ ‘ପ୍ଲିଜ୍ ହେଲ୍ପ ମି, ସର୍’ ଲେଖିଲେ, ତା’ ପରେ ଆତ୍ମହତ୍ୟା କଲେ
ରୋଲି ଗୁପ୍ତା
  • News18 Odia
  • Last Updated: September 6, 2021, 8:51 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ହରଦୋଇ: ଉତ୍ତର ପ୍ରଦେଶରେ ଜଣେ ମହିଳା ଫେସବୁକରେ ଏକ ପୋଷ୍ଟ ଲେଖି ତାଙ୍କ ସହ ଘଟିଥିବା ଏକ ମାମଲା ବିଷୟରେ ମୁଖ୍ୟ ମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ସୂଚନା ଦେଇଥିଲେ । ସେ ଏହି ପ୍ରସଙ୍ଗରେ କାର୍ଯ୍ୟାନୁଷ୍ଠାନ ଦାବି କରି ଏକ ସ୍ପର୍ଶକାତର ପୋଷ୍ଟ ଲେଖିଥିଲେ । ଏହି ପୋଷ୍ଟ ସହିତ ସେ ଅନେକ ଫଟୋ ମଧ୍ୟ ରଖିଥିଲେ । ସେହି ଫଟୋଗୁଡ଼ିକ ମଧ୍ୟରେ ଥିଲା ତାଙ୍କୁ ମୁଖ୍ୟ ଅଭିଯୁକ୍ତର ଫଟୋ, ଏପ୍‌.ଆଇ.ଆର୍‌.ର ଫଟୋ ଓ ମୁଖ୍ୟ ଅଭିଯୁକ୍ତ ତାଙ୍କୁ ପିଟିବା ପରେ ରକ୍ତ ଜୁଡୁବୁଡୁ ତାଙ୍କ ଲୁଗାପଟାର ଫଟୋ ଥିଲା । ଆଉ ତା’ ପରେ ବିଳମ୍ବିତ ରାତିରେ ସେହି ମହିଳା ନିଜକୁ ଏକ ରୁମ୍‌ ଭିତରେ ବନ୍ଦ କରି ଆତ୍ମହତ୍ୟା କରିଥିଲେ ।

ସେହି ମହିଳାଙ୍କୁ ରୋଲି ଗୁପ୍ତା ବୋଲି ଚିହ୍ନଟ କରାଯାଇଛି । ନିଜ ଫେସବୁକ୍ ପୋଷ୍ଟରେ ରୋଲି ଲେଖିଥିଲେ, ‘‘ମୁଁ ରୋଲି ଗୁପ୍ତା ଓରଫ ପ୍ରାଚୀ, ମୁଁ ମନୋଜ କୁମାର ଗୁପ୍ତାଙ୍କ ପତ୍ନୀ, ଏହି ବିବୃତ୍ତି ଦେଉଛି । ୟୁପି ସରକାରର ମାନ୍ୟବର ମୁଖ୍ୟ ମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ହାତ ଯୋଡ଼ି ବିନମ୍ର ଅନୁରୋଧ କରୁଛି ଯେ ମୋ’ ସହ ନ୍ୟାୟ କରାଯାଉ । ୪/୯/୨୦୨୧ ଶନିବାର ସନ୍ଧ୍ୟା ୭ଟାରେ ଲଭି ତ୍ରିବେଦୀ ନିଜ ପରିବାର ସହିତ ଆସି ମୋ’ ସହ ଓ ଏକ ନାବାଳିକା ଝିଅ ସହ ବଳାତ୍କାର କରିବାକୁ ଚେଷ୍ଟା କଲା । ମୁଁ ବିରୋଧ କଲାରୁ ସେ ମୋତେ ବେଲ୍ଟରେ ପିଟିଲା ଓ ଗୋଇଠା ମାରିଲା ।’’

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ବର୍ଷା-ଅନୁଭବ ବିବାଦ: ବର୍ଷାଙ୍କୁ ଲାଗିଲା ଝଟକା! ତାଙ୍କ ଆବେଦନ ଖାରଜ କଲେ କଟକ ଫ୍ୟାମିଲି କୋର୍ଟ

‘‘ସେ ନିଜ ଦାନ୍ତରେ ମୋ’ ନାକକୁ ଜୋରରେ କାମୁଡ଼ି ଦେଲା, ଯାହା ଦ୍ୱାରା ମୋ’ର ରକ୍ତସ୍ରାବ ହେଲା । ତା’ ବାପା ପୁତି ତ୍ରିବେଦୀ ମୋତେ ବାଡ଼ିରେ ବହୁତ ପିଟିଲେ ଓ ତା’ ମା’ ମୀରା ଦେବୀ ବି ମୋ’ ବାଳ ଟାଣି ମୋତେ ବହୁତ ପିଟିଲେ । ସେମାନେ ମୋ’ ବେକରେ ଥିବା ଲକେଟ୍, ମୋ’ କାନରେ ଥିବା କାନଫୁଲ, ମୋ’ର ଦୁଇଟି ଆଣ୍ଡ୍ରଏଡ୍ ମୋବାଇଲ୍ ଫୋନ୍‌ ଓ ୯୦ ହଜାର ଟଙ୍କା ନଗଦ ସାଙ୍ଗରେ ନେଇଗଲେ । ସେମାନେ ମୋ’ ଡ୍ରେସ୍‌ ଚିରି ମୋ’ ଦୁପାଟ୍ଟା ନିଜ ସାଙ୍ଗରେ ନେଇଗଲେ । ସେମାନେ କୋଠରୀରେ ପିଲାମାନଙ୍କୁ ତାଲା ପକାଇ ରଖିଥିଲେ ।ମୋତେ ଓ ମୋ’ ସାନ ପୁଅକୁ ବହୁତ ମାଡ଼ ମାରିଥିଲେ ଓ କହିଥିଲେ ଯେ ଯଦି ତାଙ୍କ ବିରୁଦ୍ଧରେ ଆମେ କିଛି କରୁ, ତେବେ ସେମାନେ ମୋ’ ପୂରା ପରିବାରକୁ ଗୁଳି କରି ହତ୍ୟା କରିବେ,’’ ଲେଖିଥିଲେ ରୋଲି ଗୁପ୍ତା ।

ଏହା ବି ପଢ଼ନ୍ତୁ | ଗୁରୁଜୀ ନା ଗୁଣ୍ଡା? ଖୋଲୁଛି ମାନବବାଦ ସଙ୍ଗଠନର ମୁଖା; ବର୍ଷ ଧରି ବାସନ୍ଦ ୬ଟି ପରିବାର ଜଙ୍ଗଲରେ ରହୁଛନ୍ତି

‘‘ମୁଁ ବେହୋଶ ହୋଇଯାଇଥିଲି । ମୋ’ ସ୍ୱାମୀ ବାହାରୁ ଆସି ମୋ’ର ରକ୍ତ ବୋହୁଥିବା ଦେଖି କ’ଣ ହେଲା ବୋଲି ପଚାରିଥିଲେ । ମୁଁ ସବୁ କିଛି କହିଲାରୁ ସେ ମୋତେ ଥାନାକୁ ନେଇଗଲେ । ମାଧବଗଞ୍ଜ ଥାନାରେ ମୋ’ର ପୂର୍ବରୁ ଅନେକ ଏଫ୍.ଆଇ.ଆର୍. ଥିଲା । ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିଲା । ମୁଁ ପୋଲିସକୁ କହୁଥିଲି କିଛି, ହେଲେ ଆଉ କିଛି FIRରେ ଲେଖାଯାଉଥିଲା । ମୁଁ ଅନଲାଇନରେ ବି ଏଫ୍‌.ଆଇ.ଆର୍‌. ଲେଖାଇଛି । ହେଲେ କିଛି ଫଳ ହୋଇନି । ବଳାତ୍କାର ଉଦ୍ୟମ, ହତ୍ୟା ଉଦ୍ୟମ… ଯଦି ମୋ’ ପରିବାର କିମ୍ବା ମୋ’ ସହିତ କିଛି ଘଟେ, ତେବେ ତା’ ପାଇଁ ଦାୟୀ କେବଳ ସରକାର ହେବେ । ଦୟାକରି ମୋତେ ସାହାଯ୍ୟ କରନ୍ତୁ, ସର୍ । ମୋ’ ପ୍ରତି ନ୍ୟାୟ କରାଯାଉ । ମୁଁ ଯାହା ବି କ୍ଷତି ସହିଛି ତା’ ପାଇଁ କ୍ଷତିପୂରଣ ଦିଆଯିବା ଉଚିତ୍ । ମୁଁ ଓ ମୋ’ ପୂରା ପରିବାରକୁ ଏହି ଲୋକଙ୍କଠାରୁ ବିପଦ ଅଛି…’’ ଲେଖିଥିଲେ ରୋଲି ଗୁପ୍ତା ।

ରୋଲି ଗୁପ୍ତାଙ୍କ ଫେସବୁକ୍‌ ପୋଷ୍ଟ୍‌, ଏଫ୍‌.ଆଇ.ଆର୍‌. ଓ ରକ୍ତ ଜୁଡୁବୁଡୁ ଡ୍ରେସ୍‌


ଏହି ମାର୍ମିକ ଫେସବୁକ୍‌ ପୋଷ୍ଟ ଲେଖିବାର କିଛି ଘଣ୍ଟା ପରେ ରବିବାର (ଅଗଷ୍ଟ ୫) ରାତିରେ ୩୪ ବର୍ଷୀୟା ରୋଲି ଗୁପ୍ତା ବେକରେ ଶାଢ଼ୀ ଲଗେଇ ଆତ୍ମହତ୍ୟା କରିଥିଲେ । ଏହି ମାମଲା ଉପରେ ପୋଲିସ ଅଧୀକ୍ଷକ ଅଜୟ କୁମାର କହିଛନ୍ତି ଯେ ପୋଲିସ ବିରୋଧରେ ଆସିଥିବା ଅଭିଯୋଗ ସମ୍ପର୍କରେ ତଦନ୍ତ ଅତିରିକ୍ତ ପୋଲିସ ଅଧୀକ୍ଷକଙ୍କୁ ତଦନ୍ତ କରିବାକୁ କୁହାଯାଇଛି । ଅନୁସନ୍ଧାନ ରିପୋର୍ଟ ଆସିବା ପରେ ଯିଏ ଦୋଷୀ ସାବ୍ୟସ୍ତ ହେବ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି । ପୋଲିସ ଏହା ବି କହିଛି ଯେ ଏହି ମାମଲାର ମୁଖ୍ୟ ଅଭିଯୁକ୍ତ ଲଭି ତ୍ରିବେଦୀକୁ ଗିରଫ କରାଯାଇଛି ।



ରୋଲିଙ୍କ ସ୍ୱାମୀ ମନୋଜ ଗୁପ୍ତା କହିଛନ୍ତି ଯେ ରକ୍ତ ଜୁଡୁବୁଡୁ ରୋଲିଙ୍କୁ ଥାନାକୁ ନେଇ ସେ ଓ ତାଙ୍କ ଢିଅ କାଜଲ ଯାଇଥିଲେ । ‘‘ଥାନାରେ କାଜଲ ଅଭିଯୋଗ ଲେଖିବା ବେଳେ ପୋଲିସ ଅଧିକାରୀମାନେ ତାକୁ ଗାଳିଗୁଲଜ କରିଥିଲେ ଓ ସେମାନେ ଯେମିତି କହୁଛନ୍ତି ସେମିତି ଲେଖିବାକୁ ତାକୁ ବାଧ୍ୟ କରିଥିଲେ,’’ ସେ କହିଛନ୍ତି ।
Published by: Anand S.T. Das
First published: September 6, 2021, 8:51 PM IST