୨ ଫୁଟର ପୁଅକୁ ପ୍ରେମ ବିବାହ କଲେ ୫.୪ ଫୁଟର ଝିଅ, ପଢନ୍ତୁ ଏହି କ୍ୟୁଟ ଦମ୍ପତ୍ତିଙ୍କ କାହାଣୀ

ଓଡ଼ିଆରେ ଗୋଟେ ଲୋକ କଥା ଅଛି ଯିଏ ଯାହାକୁ ରସିଲା, ସେ ତାକୁ ମଲ୍ଲୀ ଫୁଲ ପରି ବାସିଲା । ଆଉ ଏହି ଦମ୍ପତିଙ୍କ ସହ ମଧ୍ୟ ସମାନ ଘଟଣା ଘଟିଥିଲା ​​।

୨ ଫୁଟର ପୁଅକୁ ପ୍ରେମ ବିବାହ କଲେ ୫.୪ ଫୁଟର ଝିଅ, ପଢନ୍ତୁ ଏହି କ୍ୟୁଟ ଦମ୍ପତ୍ତିଙ୍କ କାହାଣୀ

୨ ଫୁଟର ପୁଅକୁ ପ୍ରେମ ବିବାହ କଲେ ୫.୪ ଫୁଟର ଝିଅ, ପଢନ୍ତୁ ଏହି କ୍ୟୁଟ ଦମ୍ପତ୍ତିଙ୍କ କାହାଣୀ

  • News18 Odia
  • Last Updated :
  • Other, India
  • Share this:
News 18 Odia Digital

ନୂଆଦିଲ୍ଲୀ; କୁହାଯାଏ ପ୍ରେମ କିଛି ବି କରାଇପାରେ । ଯଦି କାହା ପାଇଁ ହୃଦୟରେ ପ୍ରେମ ଭାବନା ଆସିଯାଏ ତ, ସେ ଯେମିତି ବି ହୋଇଥାନ୍ତୁ, ହୃଦୟ ତାଙ୍କୁ ଗ୍ରହଣ କରିନିଏ । ଓଡ଼ିଆରେ ଗୋଟେ ଲୋକ କଥା ଅଛି ଯିଏ ଯାହାକୁ ରସିଲା, ସେ ତାକୁ ମଲି ଫୁଲ ପରି ବାସିଲା । ଆଉ ଏହି ଦମ୍ପତିଙ୍କ ସହ ମଧ୍ୟ ସମାନ ଘଟଣା ଘଟିଥିଲା ​​। ଯିଏ ସେମାନଙ୍କୁ ପ୍ରଥମ ଥର ଦେଖେ ସେ ବିଶ୍ୱାସ କରେ ନାହିଁ ଯେ ଏହି ଦୁଇଜଣ ସ୍ୱାମୀ ସ୍ତ୍ରୀ, କାରଣ ସ୍ୱାମୀର ଉଚ୍ଚତା ବହୁତ କମ୍ ଓ ସ୍ତ୍ରୀର ଉଚ୍ଚତା ବହୁତ ଉଚ୍ଚ ଅଟେ । ଏହି ଦମ୍ପତିଙ୍କର ପ୍ରେମ ବିବାହ ହୋଇଥିଲା । ବିବାହ ପରେ ଏହି ଦମ୍ପତି ସର୍ବାଧିକ ଉଚ୍ଚତା ପାର୍ଥକ୍ୟ ପାଇଁ ବିଶ୍ୱ ରେକର୍ଡ ସୃଷ୍ଟି କରିଥିଲେ । ଏହି ଦମ୍ପତି କିଏ ଏବଂ ସେମାନଙ୍କର ପ୍ରେମ କାହାଣୀ କିପରି ଥିଲା? ଆସନ୍ତୁ ଜାଣିବା ।

ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡ ଅନୁଯାୟୀ, ଏହି ଦମ୍ପତିଙ୍କ ନାମ ଜେମ୍ସ ଲଷ୍ଟେଡ୍ ଓ ଛ୍ଲୋଏ ସାମନ୍ତ ଲଷ୍ଟେଡ୍, ଯେଉଁମାନେ ୨୦୧୬ ରେ ବିବାହ କରିଥିଲେ । ଦୁହେଁ ଉତ୍ତର ୱେଲ୍ସ (ୟୁକେ) ରେ ରୁହନ୍ତି ଏବଂ ଉଭୟଙ୍କର ହୋମ ଟାଉନ୍ ମଧ୍ୟ ଗୋଟିଏ । ଜେମ୍ସଙ୍କୁ ୩୩ ବର୍ଷ ବୟସ ଯିଏ ଜଣେ ଅଭିନେତା ଏବଂ ଉପସ୍ଥାପକ । ଏବଂ ତାଙ୍କ ପତ୍ନୀ ଛ୍ଲୋଏ ଜଣେ ଶିକ୍ଷକ ଏବଂ ତାଙ୍କୁ ୨୯ ବର୍ଷ ବୟସ ।

ଜୁନ୍ ୨, ୨୦୨୧ରେ ଦୁହେଁ ବିବାହିତ ଦମ୍ପତିଙ୍କ ପାଇଁ ଥିବା ସବୁଠାରୁ ଅଧିକ ଉଚ୍ଚତା ପାର୍ଥକ୍ୟରେ ରେକର୍ଡ ସ୍ଥାପନ କରିଥିଲେ । ଜେମ୍ସଙ୍କର ଉଚ୍ଚତା ୧୦୯.୩ ସେମି (୩ଫୁଟ ୭ ଇଞ୍ଚ ) ଏବଂ ତାଙ୍କ ପତ୍ନୀ ଛ୍ଲୋଏ ୧୬୬.୧ ସେମି (୫ ଫୁଟ ୫ ଇଞ୍ଚ) । ଉଭୟଙ୍କ ମଧ୍ୟରେ ୫୬.୮ ସେମି ଅର୍ଥାତ୍ ପ୍ରାୟ ୨ ଫୁଟ ଉଚ୍ଚତାର ପାର୍ଥକ୍ୟ ଅଛି ।

ଏହିପରି ଥିଲା ପ୍ରେମ କାହାଣୀ

ସୂଚନାନୁସାରେ, ଜେମ୍ସ ଏକ ବିରଳ ରୋଗ ଡାଇଷ୍ଟ୍ରୋଫିକ୍ ଡିସପ୍ଲାସିଆରେ ପୀଡିତ, ଯାହା ଏକ ଜେନେଟିକ୍ ବ୍ୟାଧି ଅଟେ । ଏହା ହାଡ ଏବଂ ସ୍ନାୟୁ ପ୍ରଣାଳୀର ବୃଦ୍ଧିକୁ ବନ୍ଦ କରିଥାଏ । ତାଙ୍କର ଏହି ରୋଗ କାରଣରୁ, ଜେମ୍ସ ଭାବି ଥିଲେ ଯେ ସେ କେବେବି ବିବାହ କରି ପାରିବେ ନାହିଁ, କିନ୍ତୁ ୨୦୧୨ ରେ, ଯାଦବ ଛ୍ଲୋଏଙ୍କୁ ଭେଟିଥିଲେ ଏବଂ ତାଙ୍କର ନିଷ୍ପତ୍ତି ବଦଳିଗଲା ।

ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡକୁ ପ୍ରତିକ୍ରିୟା ଦେଇ ଛ୍ଲୋଏ କହିଥିଲେ, "ମୋର ପସନ୍ଦ ଆରମ୍ଭରୁ ଲମ୍ବା ଲୋକ ଥିଲେ । କିନ୍ତୁ ଯେତେବେଳେ ମୁଁ ଜେମ୍ସଙ୍କୁ ଭେଟିଲି, ସେତେବେଳେ ତାଙ୍କ ସହ ପ୍ରେମ ହୋଇଗଲା । ମୁଁ ଜାଣିଥିଲି ଯେ ଲୋକମାନେ ଭିନ୍ନ କଥା କହିବେ । କିନ୍ତୁ ମୋ ଏହାର ଉପରେ କୌଣସି ପ୍ରଭାବ ପଡ଼ିନଥିଲା ।
Published by:Soubhagya Mishra
First published: