UAE ରୁ ହଠାତ୍ ଭାରତକୁ ଫେରି ଆସିଛନ୍ତି CSK ବ୍ୟାଟ୍ସମ୍ୟାନ୍ ସୁରେଶ ରାଇନା; IPL ର ପୂରା ସିଜିନ୍ରୁ ବାହାରି ଗଲେ

News18 Odia Digital
ନୂଆ ଦିଲ୍ଲୀ: IPL ଖେଳିବା ପାଇଁ ୟୁଏଇ ପହଞ୍ଚିବା ଚେନ୍ନାଇ ସୁପର କିଙ୍ଗ୍ସ ବ୍ୟାଟ୍ସମ୍ୟାନ୍ ସୁରେଶ ରାଇନା (Suresh Raina) ପାରିବାରିକ କାରଣରୁ ଦେଶକୁ ଫେରିଛନ୍ତି । ସେ ପୂରା ସିଜିନ ପାଇଁ ଦଳରୁ ବାହାରି ଯାଇଛନ୍ତି । CSK ସିଇଓ କେ ବିଶ୍ୱନାଥନ ସୋସିଆଲ ମିଡ଼ିଆରେ ଏହାର ସୂଚନା ଦେଇ କହିଛନ୍ତି ଯେ ଦଳ ଏହି ସମୟରେ ତାଙ୍କ ପରିବାରକୁ ସମ୍ପୂର୍ଣ୍ଣ ସମର୍ଥନ କରୁଛି ।

CSK ର ସିଇଓ ଟ୍ୱିଟରରେ ଲେଖିଛନ୍ତି, 'ସୁରେଶ ରାଇନା ବ୍ୟକ୍ତିଗତ କାରଣରୁ ଭାରତ ଫେରିଛନ୍ତି । ସେ ପୂରା ସିଜିନ ପାଇଁ ଦଳରୁ ବାହାରି ଯାଇଛନ୍ତି । ଚେନ୍ନାଇ ସୁପର କିଙ୍ଗ୍ସ ଏହି ସମୟରେ ସୁରେଶ ଓ ତାଙ୍କ ପରିବାରକୁ ପୂର୍ଣ୍ଣ ସମର୍ଥନ ଦେଉଛି । ଚଳିତ ବର୍ଷ ମାର୍ଚ୍ଚରେ ରାଇନା ପୁନର୍ବାର ପିତା ହୋଇଥିଲେ । ତାଙ୍କ ପତ୍ନୀ ପ୍ରିୟଙ୍କା ଚୌଧୁରୀ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ । ଉଭୟ ପୁଅର ନାମ ରିଓ ରଖିଥିଲେ ।

Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.

KS Viswanathan
CEO

— Chennai Super Kings (@ChennaiIPL) August 29, 2020

କ୍ୱାରାଣ୍ଟିନରେ ଥିଲା ଚେନ୍ନାଇ ସୁପର କିଙ୍ଗ୍ସ

CSK ସଦସ୍ୟ କେବଳ ଦୁବାଇରେ ପହଞ୍ଚିବା ପରେ କରୋନାରେ ଶିକାର ହୋଇଥିଲା । ଯାହା ଫଳରେ ଶୁକ୍ରବାର ଦିନ ସମଗ୍ର ଦଳକୁ ସଙ୍ଗରୋଧ କରାଯାଇଥିଲା । ଖବର ଅନୁସାରେ ଚେନ୍ନାଇ ସୁପର କିଙ୍ଗ୍ସର ମୋଟ ୧୧ ଜଣ ସଦସ୍ୟ କରୋନା ସଂକ୍ରମଣରେ ଶିକାର ହୋଇଛନ୍ତି । ସେଥିମଧ୍ୟରୁ ଜଣେ ଭାରତୀୟ ଖେଳାଳି ଅଛନ୍ତି। ଚେନ୍ନାଇ ଦଳ ଅଗଷ୍ଟ ୨୧ ରେ ଚେପୁକ ଠାରେ ପାଞ୍ଚ ଦିନିଆ ଶିବିର କରିଥିଲେ ଓ ପରେ ଦୁବାଇରେ ପହଞ୍ଚି ଥିଲେ । ସେମାନେ ଦୁବାଇରେ 6 ଦିନିଆ ସଙ୍ଗରୋଧ ଅବଧିରେ ଥିଲେ ଓ ସୁରେଶ ରାଇନା ମଧ୍ୟ ଏହି ଦଳ ସହିତ ୟୁଏଇରେ ପହଞ୍ଚିଥିଲେ । ସେ ଚେନ୍ନାଇରେ ଥିବା ଶିବିରର ଏକ ଅଂଶ ମଧ୍ୟ ଥିଲେ । ବାକି ଟିମ୍ ହୋଟେଲରେ ସଙ୍ଗରୋଧରେ ଥିବା ବେଳେ ରାଇନା ଦେଶକୁ ଫେରି ଆସିଛନ୍ତି ।

ଅବସର ଘୋଷଣା କରି ସାରିଛନ୍ତି

ସୁରେଶ ରାଇନା ଇନଷ୍ଟାଗ୍ରାମରେ ଅଗଷ୍ଟ ୧୫ ରେ ପୋଷ୍ଟ କରିଥିଲେ ଯେ ସେ ଜାତୀୟ କ୍ରିକେଟରୁ ଅବସର ନେଉଛନ୍ତି। ସୁରେଶ ରାଇନା ୧୮ ଟି ଟେଷ୍ଟ ମ୍ୟାଚ ଓ ୨୨୬ ଟି ODI ବ୍ୟତୀତ ଭାରତ ପାଇଁ ମୋଟ ୭୮ ଟି -୨୦ ମ୍ୟାଚ ଖେଳିଥିଲେ । ୨୨୬ ଟି ODI ରେ, ରାଇନା ପାଞ୍ଚଟି ଶତକ ସହ ୫୬୧୫ ରନ୍ ସଂଗ୍ରହ କରିଥିଲେ । ଟି -୨୦ କ୍ରିକେଟ୍ ରେ ସେ ଗୋଟିଏ ଶତକ ସହ ୧୬୦୫ ରନ୍ ସ୍କୋର କରିଥିଲେ । ସେ ଟେଷ୍ଟ ମ୍ୟାଚ୍ରେ ଭଲ ପ୍ରଦର୍ଶନ କରିନଥିଲେ । ସେ ୧୮ ଟି ଟେଷ୍ଟ ମ୍ୟାଚ୍ ଖେଳି କେବଳ ୭୬୮ ରନ୍ ସ୍କୋର କରିଥିଲେ।