ଗୋଲାପକୁ ଆଘାତ କରି ଜେଲ ଗଲେ ଯୁବକ; ବିଜେପି ନେତା କରିଥିଲେ ଅଭିଯୋଗ

News18 Odia Digital

ଲକ୍ଷ୍ମୀପୁର: ଉତ୍ତରପ୍ରଦେଶ(Uttarpradesh)ର ଲକ୍ଷ୍ମୀପୁରରେ ଏକ ଅଜବ ଘଟଣା ସାମ୍ନାକୁ ଆସିଛି। ସମସ୍ତଙ୍କ ସାମ୍ନାରେ ଗୋଲାପ ଫୁଲ ଛିଡ଼ାଇଥିବାରୁ ପୋଲିସ ଦୁଇ ଜଣଙ୍କୁ ଗିରଫ କରିଛି । ଭାରତୀୟ ଜନତା ପାର୍ଟି (ବିଜେପି) ର ନେତାମାନେ ଏନେଇ ପୋଲିସ ବିରୋଧରେ ଅଭିଯୋଗ କରିଥିଲେ। ପୋଲିସ ମଧ୍ୟ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଉଭୟଙ୍କୁ ଗିରଫ କରିଥିଲା। କିନ୍ତୁ ଉଭୟଙ୍କୁ ରିମାଣ୍ଡରେ ନେବାକୁ ମନା କରିଦେଇଛନ୍ତି କୋର୍ଟ।



ନିର୍ବାଚନ ସମୟରେ ସ୍ୱାଧୀନ ପ୍ରାର୍ଥୀଙ୍କ ସମର୍ଥକମାନେ ବାଣ ଫୁଟାଉ ଥିଲେ ଓ ଗୋଡରେ ଗୋଲାପ ଫୁଲ ଦଳୁଥିଲେ। ଏହାର ଭିଡିଓ ଭାଇରାଲ ହେବା ପରେ ବିଜେପି ନେତାମା ପୋଲିସ ନିକଟରେ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ ଦୁଇ ଅଭିଯୁକ୍ତଙ୍କୁ ମଧ୍ୟ ଗିରଫ କରିଥିଲା। ଯେତେବେଳେ କୋର୍ଟରେ ଉପସ୍ଥାପିତ ହେଲା, କୋର୍ଟ ପୋଲିସକୁ ତାଗିଦ କରି ରିମାଣ୍ଡରେ ନେବାକୁ ମନା କରିଦେଇଥିଲେ।

ସୂଚନାଯୋଗ୍ୟ,, ସ୍ୱାଧୀନ ପ୍ରାର୍ଥୀ ଚାରୁ ଶୁକ୍ଲାଙ୍କ ବିଜୟ ପରେ ତାଙ୍କ ସମର୍ଥକମାନେ ଉତ୍ସବ ପାଳନ କରୁଥିଲେ।  ଉତ୍ସବ ସମୟରେ ବଜାରରେ ଆତସବାଜି କରାଯାଇଥିଲା।  କିଛି ଲୋକ ଗୋଡରେ ଗୋଲାପ ଫୁଲକୁ ଭାଙ୍ଗି ଦେଇଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା।  ଏହା ଉପରେ ଅଭିଯୋଗ କରିବା ପରେ ପୋଲିସ ଅଙ୍କୁର ଶୁକ୍ଲା ଏବଂ ଆମନଙ୍କୁ ଗିରଫ କରିଥିଲା।

ଓଡ଼ିଶାର ଏହି ସହରକୁ ଆସୁଛି ତିନି ରାଜ୍ୟର ଆମ୍ୱ; ବୋହି ନେଉଛନ୍ତି ଲୋକ

CrPC ର ଧାରା ୪୧ କୁ ଅନୁସାରେ କୋର୍ଟ କହିଛନ୍ତି ଯେ 7 ବର୍ଷରୁ କମ୍ ଦଣ୍ଡିତ ବ୍ୟକ୍ତିଙ୍କୁ ଜେଲ ପଠାଯାଇପାରିବ ନାହିଁ।  କୋର୍ଟ କହିଛନ୍ତି ଯେ ଯଦି ପୋଲିସ ପ୍ରମାଣ କରିପାରିବ ଯେ ଜେଲ ବାହାରେ ରହିବା ସମାଜ ପାଇଁ ବିପଦ, ତେବେ ରିମାଣ୍ଡରେ ନିଆଯାଇପାରିବ। ତେବେ ଏହି ମାମଲାରେ ଉଭୟଙ୍କ ଦ୍ୱାରା କେଉଁ ଆଇନର ଉଲ୍ଲଂଘନ ହୋଇଛି ବୋଲି କୋର୍ଟ ପୋଲିସକୁ ମଧ୍ୟ ପଚାରିଥିଲେ।