ଟ୍ୱିଟର୍‌କୁ ସରକାର ‘ଶେଷ ଚେତାବନୀ’ ଦେଲେ; ବଡ଼ ନେତାଙ୍କ ବ୍ଲୁ ଟିକ୍ ହଟାଇବା ପରେ ପୁଣି ଫେରାଇଲା

RSS ମୁଖ୍ୟ ମୋହନ ଭାଗବତଙ୍କୁ ଟ୍ୱିଟରରେ ୨.୧୪ ଲକ୍ଷରୁ ଅଧିକ ଲୋକ ଫଲୋ କରୁଥିବା ବେଳେ ଭାଗବତ କେବଳ RSSର ଟ୍ୱିଟର୍ ହ୍ୟାଣ୍ଡେଲକୁ ଫଲୋ କରନ୍ତି । ସେ ନିଜ ଆକାଉଣ୍ଟରୁ ଆଜି ପର୍ଯ୍ୟନ୍ତ ଗୋଟିଏ ବି ଟ୍ୱିଟ୍ କରିନାହାଁନ୍ତି ।

ଟ୍ୱିଟର୍‌କୁ ସରକାର ‘ଶେଷ ଚେତାବନୀ’ ଦେଲେ; ବଡ଼ ନେତାଙ୍କ ବ୍ଲୁ ଟିକ୍ ହଟାଇବା ପରେ ପୁଣି ଫେରାଇଲା
RSS ମୁଖ୍ୟ ମୋହନ ଭାଗବତଙ୍କୁ ଟ୍ୱିଟରରେ ୨.୧୪ ଲକ୍ଷରୁ ଅଧିକ ଲୋକ ଫଲୋ କରନ୍ତି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଦେଶର ନୂଆ ପ୍ରଯୁକ୍ତି ବିଦ୍ୟା (ଆଇ.ଟି.) ଆଇନ୍‌ ମାନିବା ପାଇଁ କେନ୍ଦ୍ର ସରକାର ମାଇକ୍ରୋବ୍ଲଗିଂ ପ୍ଲାଟଫର୍ମ ଟ୍ୱିଟରକୁ (Twitter) ‘ଅନ୍ତିମ ଚେତାବନୀ’ ଦେଇଛନ୍ତି । ଟ୍ୱିଟରକୁ ଭାରତ ପାଇଁ ଜଣେ ଅଧିକାରୀ ନିଯୁକ୍ତ କରିବାର ଶେଷ ସୁଯୋଗ ଦେଇ ସରକାର ସ୍ପଷ୍ଟ କହିଛନ୍ତି ଯେ ଯଦି ଟ୍ୱିଟର୍‌ ଏହା ନ କରେ ତେବେ ଏହାର ପରିଣାମ ପାଇଁ କମ୍ପାନୀ ପ୍ରସ୍ତୁତ ରହିବା ଉଚିତ ।

କେନ୍ଦ୍ର ସରକାର ଓ ଟ୍ୱିଟର୍‌ ମଧ୍ୟରେ ଦୀର୍ଘ ଦିନ ଧରି ଚାଲିଆସୁଥିବା ବିବାଦ ଶନିବାର ଦିନ ଆହୁରି ବଢ଼ିଯାଇଥିଲା । ଟ୍ୱିଟର୍‌ ଭାରତର ଉପରାଷ୍ଟ୍ରପତି ଏମ୍‌. ଭେଙ୍କୟା ନାଇଡୁଙ୍କ (Vice-President M Venkaiah Naidu) ବ୍ୟକ୍ତିଗତ ଆକାଉଣ୍ଟରୁ ବ୍ଲୁ ଟିକ୍ ବ୍ୟାଜ୍ (Twitter blue tick badge) ହଟାଇ ଦେଇଥିଲା । ଅବଶ୍ୟ କିଛି ଘଣ୍ଟା ପରେ ଏହାକୁ ପୁନରୁଦ୍ଧାର କରିଥିଲା କମ୍ପାନୀ । କୁହାଯାଉଥିଲା ଯେ ଏହି ଏକାଉଣ୍ଟ୍‌ ମାସ ମାସ ଧରି ନିଷ୍କ୍ରିୟ ଥିବାରୁ କମ୍ପାନୀ ଏହି ପଦକ୍ଷେପ ନେଇଛି । ଏହା ପରେ ଦେଶ ସାରା ବିଭିନ୍ନ ନେତା ଏହାକୁ ବିରୋଧ କରିଥିଲେ । କିଛି ଦିନ ପୂର୍ବରୁ ଟ୍ୱିଟରରେ କିଛି ବିଜେପି ନେତାଙ୍କ ଦ୍ୱାରା କରାଯାଇଥିବା ଟ୍ୱିଟକୁ ‘ମାନିପ୍ୟୁଲେଟେଡ୍‌’ ବୋଲି ବର୍ଣ୍ଣନା କରି ସେଥିରେ ଏକ ବ୍ୟାଜ୍‌ ଲଗାଇଥିଲା ଟ୍ୱିଟର୍‌ ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ବାରିପଦା COVID ହସ୍ପିଟାଲରେ ଉଲଗ୍ନ ହୋଇ ପଡ଼ିଛନ୍ତି ରୋଗୀ; କେହି ଶୌଚାଳୟରେ କେହି କରିଡରରେ ପଡ଼ିଛି

ଉପରାଷ୍ଟ୍ରପତିଙ୍କ ବ୍ୟତୀତ ଟ୍ୱିଟର୍‌ ରାଷ୍ଟ୍ରୀୟ ସ୍ୱୟଂସେବକ ସଙ୍ଘ (ଆର୍‌.ଏସ୍‌.ଏସ୍‌.) ମୁଖ୍ୟ ମୋହନ ଭାଗବତଙ୍କ (RSS Chief Mohan Bhagwat) ଆକାଉଣ୍ଟରୁ ବି ବ୍ଲୁ ଟିକ୍ ହଟାଇ ଦେଇଥିଲା । ଏହି ପ୍ରସଙ୍ଗରେ ସଙ୍ଘ (RSS) ପକ୍ଷରୁ ତୀବ୍ର ଆପତ୍ତି କରାଯାଇଥିଲା । ସଙ୍ଗଠନର ଜଣେ ମୁଖପାତ୍ର ଟ୍ୱିଟର ପକ୍ଷରୁ ଏହା ଏକ ଭଲ ପଦକ୍ଷେପ ନୁହେଁ ବୋଲି କହିଥିଲେ । କୁହାଯାଇଥିଲା ଯେ ଭାଗବତଙ୍କର ଟ୍ୱିଟରରେ ଦୁଇ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି, ମାତ୍ର ଏହି ପ୍ଲାଟଫର୍ମରେ ଯୋଗଦେବା ପରଠାରୁ ସେ କୌଣସି ଟ୍ୱିଟ୍‌ କରିନାହାଁନ୍ତି ।

ଉପରାଷ୍ଟ୍ରପତି ଏମ୍. ଭେଙ୍କୟା ନାଇଡୁ


ହେଲେ କେନ୍ଦ୍ର ସରକାରଙ୍କ ଚେତାବନୀ ପରେ ଟ୍ୱିଟର୍‌ ଶନିବାର ମୋହନ ଭଗବତଙ୍କ ସମେତ ଅନ୍ୟ ଅନେକ ଆର୍‌.ଏସ୍‌.ଏସ୍‌. ନେତାଙ୍କ ବ୍ୟକ୍ତିଗତ ଟ୍ୱିଟର୍‌ ଆକାଉଣ୍ଟରୁ ହଟାଯାଇଥିବା ନୀଳ ଟିକ୍‌ ପୁଣି ଥରେ ଲଗାଇଦେଇଛି । RSS ମୁଖ୍ୟଙ୍କ ବ୍ୟତୀତ ଅନ୍ୟ RSS ନେତା ଅରୁଣ କୁମାର, ସୁରେଶ ଯୋଶୀ ଓ କୃଷ୍ଣଗୋପାଲଙ୍କ ଟ୍ୱିଟର ଆକାଉଣ୍ଟରୁ ହଟାଯାଇଥିବା ବ୍ଲୁ ଟିକ୍ ପୁଣି ଥରେ ଫେରିଆସିଥିଲା ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ସୁବର୍ଣ୍ଣପୁର: ୧୦ ମାସର ପୁଅ ମରିଯିବାର ଦିନ ପରେ ବି ଗୁଣିଆ କଥାରେ ପଡ଼ି ଘରେ ରଖିଥିଲେ ବାପା-ମା

ଉପରାଷ୍ଟ୍ରପତି ଏମ୍‌. ଭେଙ୍କେୟାନାଇଡୁଙ୍କ ସଚିବାଳୟର ଅଧିକାରୀମାନେ କହିଛନ୍ତି ଯେ ଟ୍ୱିଟରରେ ନାଇଡୁଙ୍କ ବ୍ୟକ୍ତିଗତ ଆକାଉଣ୍ଟ ଦୀର୍ଘ ଦିନ ଧରି ନିଷ୍କ୍ରିୟ ରହିଥିବାରୁ ଟ୍ୱିଟରର ଆଲଗୋରିଦମ (Twitter algorithm) ବ୍ଲୁ ଟିକ୍ ହଟାଇ ଦେଇଥିଲା । ଏହା ପୂର୍ବରୁ ଅଧିକାରୀମାନେ କହିଥିଲେ ଯେ ଟ୍ୱିଟର୍‌ ପରିଚୟ ଯାଞ୍ଚ ପ୍ରକ୍ରିୟା ଚାଲୁ ରଖିଛି । ଉପରାଷ୍ଟ୍ରପତିଙ୍କ ଏହି ବ୍ୟକ୍ତିଗତ ଆକାଉଣ୍ଟରୁ ଗତ ବର୍ଷ ୨୩ ଜୁଲାଇରେ ଶେଷ ପୋଷ୍ଟ କରାଯାଇଥିଲା ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ସୁବର୍ଣ୍ଣପୁର: ୧୦ ମାସର ପୁଅ ମରିଯିବାର ଦିନ ପରେ ବି ଗୁଣିଆ କଥାରେ ପଡ଼ି ଘରେ ରଖିଥିଲେ ବାପା-ମା

ଅଧିକାରୀମାନେ କହିଛନ୍ତି ଯେ ଶନିବାର ସକାଳେ ନାଇଡୁଙ୍କ ଟ୍ୱିଟର୍‌ ଆକାଉଣ୍ଟରୁ ବ୍ଲୁ ଟିକ୍ ହଟିବା ବିଷୟରେ ଟ୍ୱିଟର୍‌ ସହ ଯୋଗାଯୋଗ କରାଯାଇଥିଲା ଏବଂ ତା’ ପରେ ବ୍ଲୁ ଟିକ୍ ପୁନଃସ୍ଥାପିତ ହୋଇଥିଲା । ଟ୍ୱିଟର କହିଛି ଯେ ଏହି ଆକାଉଣ୍ଟ ଜୁଲାଇ ୨୦୨୦ଠାରୁ ନିଷ୍କ୍ରିୟ ଥିଲା । ଏବେ ଏହାକୁ ଯାଞ୍ଚ କରି ନୀଳ ଟିକକୁ ପୁନଃସ୍ଥାପିତ କରାଯାଇଛି ବୋଲି କହିଛି କମ୍ପାନୀ । ଉପରାଷ୍ଟ୍ରପତି ସାଧାରଣତଃ ଟ୍ୱିଟ୍ କରିବାକୁ ନିଜ ଅଫିସିଆଲ୍ ଆକାଉଣ୍ଟ୍ ବ୍ୟବହାର କରନ୍ତି ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ୯୧ ବର୍ଷୀୟା ବୃଦ୍ଧା, ହୃଦୟ ରୋଗୀ… ‘ୟାସ୍‌’ ବାତ୍ୟା ପୂର୍ବରୁ ଓଡ଼ିଶାରେ ଲକ୍ଷରୁ ଅଧିକ ଲୋକଙ୍କୁ କେମିିତି ସ୍ଥାନାନ୍ତର କରାଗଲା

ମେ ୨୦୧୯ରୁ ଟ୍ୱିଟରରେ ଥିବା ଆର୍‌.ଏସ୍‌.ଏସ୍‌. ମୁଖ୍ୟ ମୋହନ ଭାଗବତଙ୍କୁ ଟ୍ୱିଟରରେ ୨.୧୪ ଲକ୍ଷରୁ ଅଧିକ ଲୋକ ଅନୁସରଣ କରୁଥିବା ବେଳେ ଭାଗବତ କେବଳ RSSର ଟ୍ୱିଟର୍‌ ହ୍ୟାଣ୍ଡେଲକୁ ଅନୁସରଣ କରନ୍ତି । ଭାଗବତ ତାଙ୍କର ଏହି ଆକାଉଣ୍ଟରୁ ଆଜି ପର୍ଯ୍ୟନ୍ତ ଗୋଟିଏ ବି ଟ୍ୱିଟ୍ କରିନାହାଁନ୍ତି ।

ଏହା ବି ପଢ଼ନ୍ତୁ | କୋଭିଡ୍ କଟକଣାକୁ ଫୁ କରି ସୁକିନ୍ଦା ତଦସିଲଦାର୍ନାଚିଲେ ନାଗୁଣୀ ନାଚ; ପୋଲିସ୍ମାମଲା ରୁଜୁ କଲା

ଟ୍ୱିଟରର ନିୟମ ଅନୁଯାୟୀ ଆକାଉଣ୍ଟର ଉପଯୋଗକର୍ତ୍ତା ନିଜ ନାମ ବଦଳାଇଲେ, ଆକାଉଣ୍ଟ୍‌ ଦୀର୍ଘ ସମୟ ପର୍ଯ୍ୟନ୍ତ ବ୍ୟବହୃତ ନ ହେଲେ, ବ୍ଲୁ ଟିକ୍ ପାଇଥିବା ବ୍ୟକ୍ତି ସେହି ପଦରେ ନ ରହିଲେ କିମ୍ବା ବ୍ଲୁ ଟିକ୍‌ ପାଇବାକୁ ଅନୁପଯୋଗୀ ହେଲେ ସେହି ଟିକ୍ ଯେକୌଣସି ଆକାଉଣ୍ଟରୁ ହଟାଯାଇପାରିବ ।



‘‘ଆଇୟଟି. ନିୟମକୁ ତୁରନ୍ତ ପାଳନ କରିବା ପାଇଁ ଟ୍ୱିଟରକୁ ଅନ୍ତିମ ନୋଟିସ ଦିଆଯାଉଛି ।ଏହା ନ କଲେ IT ଆକ୍ଟ ୨୦୦୦ର ଧାରା 7୯ ଅନୁଯାୟୀ ଏହି କମ୍ପାନୀ ପାଉଥିବା ଛାଡଟକୁ ବାତିଲ୍‌ କରାଯିବ ଓ ଆଇ.ଟି. ଆକ୍ଟ ଏବଂ ଅନ୍ୟ ନିୟମ ଅନୁଯାୟୀ ଟ୍ୱିଟର୍‌ ବିରୁଦ୍ଧରେ ଦଣ୍ଡବିଧାନ କରାଯିବ,’’ ସରକାରଙ୍କ ତରଫରୁ କୁହାଯାଇଥିଲା । ଏହା ପୂର୍ବରୁ ମଧ୍ୟ ସରକାର ଟ୍ୱିଟରକୁ ଜଣେ ଭାରତୀୟ ଅଧିକାରୀଙ୍କୁ ନିଯୁକ୍ତ କରି ସେହି ସୂଚନା ସରକାରଙ୍କୁ ଦେବାକୁ କହିଛନ୍ତି । ଇତି ମଧ୍ୟରେ ଗୁଗୁଲ ଓଫେସବୁକ୍‌ ଭଳି ଅନ୍ୟ କମ୍ପାନୀମାନେ ସରକାରଙ୍କୁ ଏହି ସୂଚନା ଦେଇଥିବା ଖବର ଆସିଛି ।
Published by: Anand ST Das
First published: June 5, 2021, 6:47 PM IST