ପଦଚ୍ୟୁତ ହେଉଥିବା ଆମେରିକାର ପ୍ରଥମ ରାଷ୍ଟ୍ରପତି ହୋଇ ଟ୍ରମ୍ପ ଇତିହାସ ସୃଷ୍ଟି କରି ପାରନ୍ତି

ଡୋନାଲ୍ଡ ଟ୍ରମ୍ପ ଆମେରିକାର ପ୍ରଥମ ରାଷ୍ଟ୍ରପତି ଯାହାଙ୍କ ବିରୋଧରେ ନିଜ କାର୍ଯ୍ୟକାଳରେ ଦୁଇ ଥର ମହାଭିଯୋଗ ପ୍ରସ୍ତାବ ଆସିବାକୁ ଯାଉଛି । ଜୋ ବାଇଡେନ୍‌ଙ୍କ ଶପଥ ଗ୍ରହଣ ପୂର୍ବରୁ ତାଙ୍କୁ ଗାଦିଚ୍ୟୁତ କରିବାକୁ ଡେମୋକ୍ରାଟମାନେ ସ୍ଥିର କରିଛନ୍ତି ।

ପଦଚ୍ୟୁତ ହେଉଥିବା ଆମେରିକାର ପ୍ରଥମ ରାଷ୍ଟ୍ରପତି ହୋଇ ଟ୍ରମ୍ପ ଇତିହାସ ସୃଷ୍ଟି କରି ପାରନ୍ତି
ଡୋନାଲ୍ଡ ଟ୍ରମ୍ପ ଓ (ଡାହାଣ) ନାନ୍ସି ପେଲୋସି (ରୟଟର୍ସ୍‌ ଫଟୋ)
  • News18 Odia
  • Last Updated: January 11, 2021, 11:56 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ୱାଶିଂଟନ୍‌: ନିଜ ପଦ ଓ ସେହି ପଦରୁ ମିଳିଥିବା ପ୍ରାସାଦରୁ ବିଦା ହେଉଁ ହେଉଁ ଆମେରିକାର ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପଙ୍କୁ (Donald Trump) ଏକ ବଡ଼ କାର୍ଯ୍ୟାନୁଷ୍ଠାନର ସାମନା କରିବାକୁ ପଡ଼ିପାରେ । ଆମେରିକା ସଂସଦରେ ହିଂସାକାଣ୍ଡ ପରେ ଟ୍ରମ୍ପଙ୍କ ବିରୋଧରେ ପାଇଁ ଉଠିଛି ସ୍ବର । ହାଉସ୍‌ ଅଫ୍‌ ରିପ୍ରେଜେଣ୍ଟେଟିଭରେ ତାଙ୍କ ବିରଦଦ୍ଧରେ ମହାଭିଯୋଗ ପ୍ରସ୍ତାବ (impeachment) ଆଗତ କରିବାକୁ ସଜବାଜ ହେଉଛି ଡେମୋକ୍ରାଟିକ୍‌ ଦଳ । ଏ ସମ୍ପର୍କରେ ଟ୍ବିଟ୍‌ କରି ସୂଚନା ଦେଇଛନ୍ତି ଡେମୋକ୍ରାଟିକ୍‌ ସାଂସଦ ଟେଡ ଲିଉ ।

ମହାଭିଯୋଗ ଆଗତ କରିବା ପାଇଁ ୧୮୦ ଜଣ ସଦସ୍ୟ ପ୍ରସ୍ତୁତ ଥିବା କହିଛନ୍ତି ଲିଉ । ବାଚସ୍ପତି ନାନ୍‌ସି ପେଲୋସି (Nancy Pelosy) ମଧ୍ୟ ଟ୍ରମ୍ପ୍‌ଙ୍କୁ ତତ୍କାଳ ହଟାଇବା ପାଇଁ ସାମ୍ବିଧାନିକ ପ୍ରକ୍ରିୟା ଆରମ୍ଭ କରାଯିବା ଉପରେ ଗୁରୁତ୍ବାରୋପ କରିଛନ୍ତି ।

ଏହା ବି ପଢ଼ନ୍ତୁ | ଢେଙ୍କାନାଳରେ ଦୁଇ ଝିଅଙ୍କ ବଚସା ବେଳେ ଗାଲ କାମୁଡ଼ା ତା ପରେ ପିତାଙ୍କୁ ହାଣି ହତ୍ୟା କଲେ

‘‘ଆଗାମୀ ୨୦ ତାରିଖରେ ନବ-ନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍‌ଙ୍କ (Jo Biden) ଶପଥ ଗ୍ରହଣ ଉତ୍ସବ ହେବାକୁ ଯାଉଛି । ତା’ ପୂର୍ବରୁ ଟ୍ରମ୍ପ୍‌ଙ୍କୁ କ୍ଷମତାରୁ ହଟାଇବା ପାଇଁ ଚାହୁଛନ୍ତି ସଂଖ୍ୟାଧିକ ଆମେରିକୀୟ । ଆମେ ସେମାନଙ୍କୁ ସମ୍ମାନ ଦେଇ ପଦକ୍ଷେପ ଗ୍ରହଣ କରିବୁ,’’ କହିଛନ୍ତି ପେଲୋସି ।

ଆଗାମୀ ୨୦ ତାରିଖରେ ଜୋ ବାଇଡେନ୍‌ ଆମେରିକାର ନୂତନ ରାଷ୍ଟ୍ରପତି ହେବେ । (ଏ.ପି. ଫଟୋ)


ନାନ୍ସି ପେଲୋସି ସତର୍କ କରାଇଛନ୍ତି ଯେ ଯଦି ଟ୍ରମ୍ପ ଇସ୍ତଫା ନ ଦିଅନ୍ତି କିମ୍ବା ଉପରାଷ୍ଟ୍ରପତି ମାଇକ ପେନ୍ସ ଆମେରିକା ସମ୍ବିଧାନର ୨୫ତମ ସଂଶୋଧନ କ୍ଷମତାକୁ ଉପଯୋଗ କରି କ୍ୟାବିନେଟ କିମ୍ବା କଂଗ୍ରେସ କମିଟି ଦ୍ବାରା ତାଙ୍କୁ ରାଷ୍ଟ୍ରପତି ପଦରୁ ନ ହଟାନ୍ତି, ତା'ହେଲେ ଟ୍ରମ୍ପଙ୍କ ବିରୋଧରେ ଆସିବ ମହାଭିଯୋଗ ପ୍ରସ୍ତାବ ।

ଏହା ବି ପଢ଼ନ୍ତୁସୁରେଶ ମହାପାତ୍ର ହେଲେ ଓଡ଼ିଶାର ନୂଆ ମୁଖ୍ୟ ଶାସନ ସଚିବ; ୨୫ ବର୍ଷ ବୟସରେ IAS ପାଇଥିଲେ

ଜାନୁଆରୀ ୬ରେ ଆମେରିକାର ସଂସଦ ଭବନରେ ଯାହା ଘଟିଲା ତାହା ପୂର୍ବରୁ କେବେ ଘଟି ନ ଥିଲା। କ୍ୟାପଟଲ୍‌ ହିଲ୍‌ ହିଂସା ପାଇଁ ସାରା ବିଶ୍ବରେ ନିନ୍ଦିତ ହୋଇଛି ବିଶ୍ୱର ସର୍ବ ପୂରାତନ ଗଣତନ୍ତ୍ର । କ୍ଷୂର୍ଣ୍ଣ ହୋଇଛି ସର୍ବଶକ୍ତିମାନ ରାଷ୍ଟ୍ରର ମର୍ଯ୍ୟାଦା । ହିଂସାକୁ ଉସୁକାଇବା ଭଳି ସାଙ୍ଘାତିକ ଅଭିଯୋଗ ଆସିଛି ଟ୍ରମ୍ପଙ୍କ ବିରୋଧରେ । ନିର୍ବାଚନରେ ପରାଜୟ ସତ୍ତ୍ବେ କ୍ଷମତାକୁ ଅକ୍ତିଆରରରେ ରଖିବା ପାଇଁ ସବୁ କଳ-ବଳ-କୌଶଳ ଲଗାଇ ଦେଇଥିଲେ ଡୋନାଲ ଟ୍ରମ୍ପ। ନିଜ ମସର୍ଥକଙ୍କୁ କ୍ୟାପିଟଲ ହିଲ ହିଂସା ପାଇଁ ସେ ପ୍ରେରିତ କରିଥିବା ଅଭିଯୋଗ ହୋଇଛି ତାଙ୍କ ବିରୋଧରେ ।

କ୍ୟାପିଟଲ୍‌ ହିଲ୍‌ ଆକ୍ରମଣ ବେଳେ ପ୍ରାଣ ହରେଇଥିବା ପାଞ୍ଚ ଜଣଙ୍କ ମଧ୍ୟରେ ଥିବା ଆଶଲି ବ୍ୟାବିଟ୍‌ (ରୟଟର୍ସ୍‌ ଫଟୋ)


ତେବେ ଟ୍ରମ୍ପଙ୍କ ବିରୋଧରେ ମହଭିଯୋଗ ଆସିବା ଏହା ପ୍ରଥମ ଘଟଣା ନୁହେଁ । ଏହା ପୂର୍ବରୁ ଡିସେମ୍ବର ୨୦୧୯ରେ ମଧ୍ୟ ତାଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆସିଥିଲା । କ୍ଷମତାର ଦୂରୁପଯୋଗ ଓ ଆମେରିକାନ କଂଗ୍ରେସକୁ ବିଭ୍ରାନ୍ତ କରିବା ଭଳି ଅଭିଯୋଗ ହୋଇଥିଲା । ୪୩୫ ସଦସ୍ୟ ବିଶିଷ୍ଟ ୟୁ.ଏସ୍. ହାଉସ୍‌ ଅଫ୍ ରିପ୍ରେଜେଣ୍ଟେଟିଭରେ ସଂଖ୍ୟାଧିକ ସଦସ୍ୟ ଏହାକୁ ସମର୍ଥନ କରିଥିଲେ । ମାତ୍ର ସିନେଟରେ ଏହା କାଟ୍‌ ଖାଇଯାଇଥିଲା ।

ଏହା ବି ପଢ଼ନ୍ତୁ | ପରୀକୁ ଗଳା ଚିପି ହତ୍ୟା କରିବା ପରେ ତା ସହ ଦୁଷ୍କର୍ମ ଉଦ୍ୟମ କରିଥିଲା ସରୋଜ: ଅରୁଣ ବୋଥ୍ରା

ଜାନୁଆରୀ ୨୦ରେ ନୂଆ ରାଷ୍ଟ୍ରପତି ରୂପେ ବାଇଡେନ୍‌ ଦାୟିତ୍ବ ନେବା ପୂର୍ବରୁ ଏତେ କମ ସମୟ ମଧ୍ୟରେ ଟ୍ରମ୍ପଙ୍କ ମହାଭିଯୋଗ ପ୍ରସ୍ତାବକୁ କାର୍ଯ୍ୟକାରୀ କରିବା କଷ୍ଟସାଧ୍ୟ ବ୍ୟାପାର ହୋଇପାରେ । ମହାଭିଯୋଗ ପାଇଁ ପ୍ରଥମେ ହାଉସ୍‌ ଅଫ ରିପ୍ରେଜେଣ୍ଟେଟିଭରେ ଭୋଟିଂ ଆବଶ୍ୟକ । ତଳ ସଦନରେ ଗୃହୀତ ହେବା ପରେ ଯାଇ ସିନେଟରେ ଏହାର ଟ୍ରାଏଲ ହେବ ।  ମହାଭିଯୋଗ ସମ୍ପର୍କରେ ବିଚାର କରିବା ଲାଗି କିଛି ବିଶେଷଜ୍ଞଙ୍କୁ ନେଇ ଏକ କମିଟି ନିଯୁକ୍ତି କରିବା ନେଇ ସମ୍ବିଧାନରେ ବ୍ୟବସ୍ଥା ରହିଛି । କମିଟିର ସଦସ୍ୟ ବା ମ୍ୟାନେଜରମାନେ ଅଭିଯୋଗକୁ ନେଇ ଯୁକ୍ତି ରଖିବା ପରେ ନିଷ୍ପତ୍ତି ନିଆଯିବ । ବିଶେଷଜ୍ଞଙ୍କ କହିବା କଥା ଯେ ଏଥିପାଇଁ ଅତି କମରେ ନଅ ଦିନ ସମୟ  ଲାଗିବ ।

ଡୋନାଲ୍ଡ ଟ୍ରମ୍ପ (ରୟଟର୍ସ୍‌ ଫଟୋ)


ଟ୍ରମ୍ପଙ୍କୁ ହଟାଇବା ପାଇଁ ଆଉ ଏକ ବିକଳ୍ପ ମଧ୍ୟ ରହିଛି । ଆମେରିକା ସମ୍ବିଧାନର ୨୫ତମ ସଂଶୋଧନ ଅନୁଯାୟୀ ଉପରାଷ୍ଟ୍ରପତି ନିଜର କ୍ଷମତା ପ୍ରୟୋଗ କରି ରାଷ୍ଟ୍ରପତିଙ୍କୁ ପଦଚ୍ୟୁତ କରାଇ ପାରିବେ । ୨୫ତମ ସମ୍ବିଧାନ ସଂଶୋଧନରେ ଥିବା ବ୍ୟବସ୍ଥା ଅନୁସାରେ:

୧- ରାଷ୍ଟ୍ରପତିଙ୍କ ମୃତ୍ୟୁ ହେଲେ କିମ୍ବା ଶାସନ କରିବାକୁ ଅକ୍ଷମ ହେଲେ ତାଙ୍କ ସ୍ଥାନରେ ଅନ୍ୟ ଜଣଙ୍କୁ ଦେଶର ଶାସନ ଭାର ହସ୍ତାନ୍ତର କରାଯାଇପାରିବ;

୨- ରାଷ୍ଟ୍ରପତି ଇସ୍ତଫା ଦେଲେ କିମ୍ବା ତାଙ୍କର ମୃତ୍ୟୁ ହେଲେ ଉପରାଷ୍ଟ୍ରପତିଙ୍କୁ ଅସ୍ଥାୟୀ ଭାବେ ଦିଆଯିବ ଦାୟିତ୍ୱ ମିଳିପାରିବ;

୩ - ଧାରା ୪ ଅନୁଯାୟୀ ରାଷ୍ଟ୍ରପତି କ୍ଷମତା ହସ୍ତାନ୍ତର ନ କଲେ କିମ୍ବା ଦାୟିତ୍ୱ ନିର୍ବାହ କରିବାକୁ ବିଫଳ ହେଲେ ତାଙ୍କୁ ପଦରୁ ହଟା ଯାଇପାରିବ ।

୧୯୬୩ରେ ତତ୍କାଳୀନ ରାଷ୍ଟ୍ରପତି ଜନ୍ ଏଫ୍. କେନେଡିଙ୍କ ହତ୍ୟା ପରେ ୧୯୬୭ ମସିହାରେ ସମ୍ବିଧାନରେ ଏହି ୨୫ତମ ସଂଶୋଧନ କରାଯାଇଥିଲା । ଏହି ସଂଶୋଧନ ହିଁ ପରବର୍ତ୍ତୀ ରାଷ୍ଟ୍ରପତିମାନଙ୍କ ଲାଗି ମହାଭିଯୋଗର ବାଟ ଫିଟାଇଛି ।

ଏହା ବି ପଢ଼ନ୍ତୁ | ନବରଙ୍ଗପୁର: ବିବାହର ଦିନ ପରେ ନବ ଦମ୍ପତି ଆତ୍ମହତ୍ୟା କଲେ; ଝୁଲନ୍ତା ମୃତ ଦେହ ଉଦ୍ଧାର

ଆମେରିକାର ଇତିହାସରେ ଏହା ପୂର୍ବରୁ ପାଞ୍ଚ ଜଣ ରାଷ୍ଟ୍ରପତିଙ୍କ ବିରୋଧରେ ଆସିଛି ମହାଭିଯୋଗ । ୧୮୬୦ରେ  ଜେମସ୍‌ ବୁକାନାନଙ୍କ ବିରୋଧରେ ଆସିଥିଲା ପ୍ରଥମ ମହାଭିଯୋଗ । ମାତ୍ର ତଦନ୍ତ କମିଟି ନିକଟରେ ତାହା ପ୍ରମାଣିତ ହୋଇପାରି ନ ଥିଲା । ୧୮୬୮ରେ  ଆଣ୍ଡ୍ର୍ୟୁ ଜନସନ୍‌ଙ୍କ ବିରୋଧରେ ଆସିଥିବା ମହାଭିଯୋଗ ପ୍ରସ୍ତାବ ଆବଶ୍ୟକ ଭୋଟ୍‌ ନ ମିଳିବାରୁ କାଟ୍ ଖାଇଥିଲା । ୧୯୭୩ରେ ରିଚାର୍ଡ଼ ନିକ୍ସନ ମହାଭିଯୋଗର ସାମନା କରିବା ପୂର୍ବରୁ ପଦ ଛାଡ଼ି ଦେଇଥିଲେ । ୧୯୯୮ ତତ୍କାଳୀନ ରାଷ୍ଟ୍ରପତି ବିଲ୍‌ କ୍ଲିଣ୍ଟନଙ୍କ ବିରୋଧରେ ମଧ୍ୟ ମହାଭିଯୋଗ ଆସିଥିଲା । ହେଲେ ଆବଶ୍ୟକ ଭୋଟ୍‌ ନ ମିଳିବାରୁ ଏହା କାଟ ଖାଇଥିଲା । ଶେଷଥର ଡିସେମ୍ବର ୨୦୧୯ରେ ବର୍ତ୍ତମାନର ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆସିଥିଲା, ଯାହା ସିନେଟରେ କାଟ ଖାଇଥିଲା ।



ଟ୍ରମ୍ପ ହେଉଛନ୍ତି ପ୍ରଥମ ରାଷ୍ଟ୍ରପତି ଯାହାଙ୍କ ବିରୋଧରେ ନିଜ କାର୍ଯ୍ୟକାଳରେ ଦୁଇ ଦୁଇ ଥର ମହାଭିଯୋଗ ପ୍ରସ୍ତାବ ଆସିବାକୁ ଯାଉଛି । ଯଦି ଏହା ଗୃହୀତ ହୁଏ କିମ୍ବା ୨୫ତମ ସମ୍ବିଧାନ ସଂଶୋଧନ ବଳରେ ତାଙ୍କୁ ପଦଚ୍ୟୁତ କରାଯାଏ ତେବେ ଏହା ହେବ ଆମେରିକା ଇତିହାସର ପ୍ରଥମ ଘଟଣା । ଆଜି ପର୍ଯ୍ୟନ୍ତ ଆମେରିକାର କୌଣସି ରାଷ୍ଟ୍ରପତି ପଦଚ୍ୟୁତ ହୋଇ ନାହାନ୍ତି ।
Published by: Anand Shankar Thankur Das
First published: January 11, 2021, 11:56 PM IST