ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ବଡ଼ ଖବର: ଟ୍ରେନ୍‌ରେ AC ଯାତ୍ରା ଶସ୍ତା ହେବାକୁ ଯାଉଛି; ରେଳବାଇ ଏହି ସବୁ ପରିବର୍ତ୍ତନ କରୁଛି

ବଡ଼ ଖବର: ଟ୍ରେନ୍‌ରେ AC ଯାତ୍ରା ଶସ୍ତା ହେବାକୁ ଯାଉଛି; ରେଳବାଇ ଏହି ସବୁ ପରିବର୍ତ୍ତନ କରୁଛି

Travel in AC trains set to be cheaper, know Indian Railways plans | ଏବେ ଲୋକଙ୍କୁ ଶସ୍ତା ଦରରେ ଏସିରେ ଯାତ୍ରା କରିବାର ସୁବିଧା ଦେବା ପାଇଁ ଭାରତୀୟ ରେଳବାଇ ଟ୍ରେନଗୁଡ଼ିକରେ ଇକୋନୋମି ଏସି-୩ ଟାୟାର୍ କୋଚ୍ ଲଗାଉଛି । ଏହି ବର୍ଷ ଏସି-୩ ଇକୋନୋମି କ୍ଲାସର ୮୦୦ଟି କୋଚ୍ ତିଆରି ହେଉଛି ।

ବଡ଼ ଖବର: ଟ୍ରେନ୍‌ରେ AC ଯାତ୍ରା ଶସ୍ତା ହେବାକୁ ଯାଉଛି; ରେଳବାଇ ଏହି ସବୁ ପରିବର୍ତ୍ତନ କରୁଛି
ରେଳବାଇ AC3 ଇକୋନୋମି କ୍ଲାସର ୫୦ଟି କୋଚ୍ ତିଆରି କରିସାରିଛି ।
  • News18 Odia
  • Last Updated: September 23, 2021, 5:25 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଏବେ ଲୋକେ ଶସ୍ତା ଦରରେ ଏସି ଟ୍ରେନରେ (AC Train) ଯାତ୍ରା କରିବାର ସୁବିଧା ପାଇବେ । ସାଧାରଣ AC3 ଟାୟାର୍ କୋଚ୍ ତୁଳନାରେ AC3 ଇକୋନୋମି କ୍ଲାସ୍ (AC3 Economy Class) କୋଚଗୁଡିକରେ ଯାତ୍ରା ଶସ୍ତା ହେବାକୁ ଯାଉଛି । ଭାରତୀୟ ରେଳବାଇ (Indian Railways) ନୂଆ ଏସି-3 ଇକୋନୋମି ଶ୍ରେଣୀ ପାଇଁ ଭଡ଼ା ସ୍ଥିର କରିଛି । ସୂଚନା ଅନୁସାରେ ଏହାର ଭଡା ଏସି-3 ଶ୍ରେଣୀର ଭଡ଼ାଠାରୁ ୮ ପ୍ରତିଶତ କମ୍ ହେବ ।

ଗରିବ ରଥ ଟ୍ରେନଗୁଡ଼ିକରେ ବି ଲାଗିବ ଏସି୩ ଇକୋନୋମି କୋଚ୍‌

AC3 ଇକୋନୋମି ଶ୍ରେଣୀ କୋଚଗୁଡ଼ିକରେ କିଛି ବିଶେଷ ସୁବିଧା ରଖାଯାଇଛି । ରେଳବାଇ ଏଭଳି କୋଚଗୁଡ଼ିକୁ ଟ୍ରେନରେ ଲଗାଇବାକୁ ଯାଉଛି । ଏଥି ପାଇଁ ଟ୍ରେନଗୁଡ଼ିକରେ ସ୍ଲିପର୍‌ ଶ୍ରେଣୀର କୋଚ୍ ସଂଖ୍ୟା କମ୍‌ କରାଯିବ । ଭବିଷ୍ୟତରେ ଗରିବ ରଥ ଟ୍ରେନଗୁଡ଼ିକରେ ବି କେବଳ ଏସି-3 ଇକୋନୋମି କୋଚ୍ ବ୍ୟବହାର କରାଯିବ । ଏହାର ଉଦ୍ଦେଶ୍ୟ ହେଉଛି ସ୍ଲିପର୍‌ କ୍ଲାସ୍‌ ଯାତ୍ରୀମାନଙ୍କୁ କମ୍ ଦରରେ ଏସି କ୍ଲାସରେ ଯାତ୍ରା କରିବାର ସୁଯୋଗ ଦେବା ।

ଏହା ବି ପଢ଼ନ୍ତୁ | ମନ୍ତ୍ରୀ ପ୍ରତାପ ଜେନାଙ୍କ ପାଇଁ ଅଡୁଆ ବଢ଼ିଲା; ମାହାଙ୍ଗା ଡବଲ ମର୍ଡ଼ରର ସାନି ତଦନ୍ତ ଆଦେଶ ଆସିଲା

କପୁରତାଲାରେ ଥିବା ରେଳ କୋଚ୍ କାରଖାନାରେ AC3 ଇକୋନୋମି କ୍ଲାସର ୫୦ଟି କୋଚ୍ ତିଆରି କରାଯାଇଛି । ଏହି କୋଚଗୁଡିକୁ ଦେଶର ବିଭିନ୍ନ ରେଳ ଜୋନକୁ ପଠାଯାଇଛି । ସେଗୁଡ଼ିକୁ ବିଭିନ୍ନ ଟ୍ରେନରେ ଲଗାଇବା ପାଇଁ ବର୍ତ୍ତମାନ ଏକ ଯୋଜନା ପ୍ରସ୍ତୁତ ହେଉଛି । ରେଳବାଇ ଚଳିତ ବର୍ଷ ଏସି-3 ଇକୋନୋମି କ୍ଲାସର ୮୦୦ଟି କୋଚ୍ ତିଆରି କରିବାକୁ ଯାଉଛି । ସେଥି ମଧ୍ୟରୁ ଇଣ୍ଟେଗ୍ରାଲ୍ କୋଚ୍ ଫ୍ୟାକ୍ଟ୍ରି ଚେନ୍ନାଇରେ ୩୦୦ଟି କୋଚ୍, ମଡର୍ଣ୍ଣ କୋଚ୍ ଫ୍ୟାକ୍ଟ୍ରି ରାଏବରେଲିରେ ୨୮୫ଟି କୋଚ୍ ଓ ରେଳ କୋଚ୍ କାରଖାନା କପୁରତାଲାରେ ୧୭୭ଟି କୋଚ୍ ତିଆରି କରାଯିବ ।

ଏହା ବି ପଢ଼ନ୍ତୁ | ବଲାଙ୍ଗୀରରେ ରୋଗୀ ଦେହରେ ଏକ୍ସପାୟାର୍ଡ଼ ଡେଟ୍ ସାଲାଇନ୍ ଚଢ଼ାଇବା ପରେ ଚାଲିଛି ତଦନ୍ତ

ଏସି ୩ ଟାୟାର୍‌ (AC3 Tier) ଇକୋନୋମି କ୍ଲାସରେ ୮୩ଟି ବର୍ଥ ରହିବ । ଏଥି ପାଇଁ ସାଇଡରେ ଦୁଇଟି ଜାଗାରେ ୩ଟି ବର୍ଥ ଲଗାଯାଇଛି, ଯଦିଓ AC3ରେ ୭୨ଟି ବର୍ଥ ରହେ । ଅର୍ଥାତ୍‌ AC3 ତୁଳନାରେ AC-3 ଇକୋନୋମି କ୍ଲାସରେ ପ୍ରାୟ ୧୫ ପ୍ରତିଶତ ଅଧିକ ବର୍ଥ ଅଛି । ଏହାର ଅର୍ଥ ହେଉଛି ଏହା ଯେ ରେଳବାଇ ଏସି-3 ଇକୋନୋମି କ୍ଲାସ୍‌ କୋଚରୁ ଅଧିକ ଲାଭ କରିବାକୁ ଯାଉଛି ।

AC3 ଇକୋନୋମି କ୍ଲାସ୍ କୋଚ୍ ଭିତରର ଏକ ଦୃଶ୍ୟ


ଏହା ବି ପଢ଼ନ୍ତୁ | ସୌମ୍ୟଙ୍କ ମୃତ୍ୟୁ: ‘‘ମନ୍ତ୍ରୀଙ୍କ PS ବଦଦିଳେ, ହେଲେ ଅଭିଯୁକ୍ତ DFOଙ୍କ ବିରୁଦ୍ଧରେ ଆକ୍ସନ୍ ହେଉନି କାହିଁକି?’’

ପୂର୍ବତନ ରେଳ ମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ (Lalu Prasad Yadav) ସମୟରେ ବି ପାର୍ଶ୍ୱରେ ଥିବା ତିନିଟି ବର୍ଥ ସହିତ ଗରିବ ରଥ ଟ୍ରେନ୍ ଆରମ୍ଭ ହୋଇଥିଲା । ତେବେ ଗରିବ ରଥ ଟ୍ରେନର ଭଡ଼ା AC3 ଭଡାଠାରୁ ୧୫ ପ୍ରତିଶତ କମ୍ ରଖାଯାଇଥିଲା । ଦେଶରେ ଏବେ ବି ୨୬ଟି ଗରିବ ରଥ ଟ୍ରେନ୍ ଅପ୍ ଡାଉନ୍ ଚାଲିଛି । ଅର୍ଥାତ୍ ସମୁଦାୟ ୫୨ଟି ଗରିବ ରଥ ଟ୍ରେନ୍ ଏବେ ସେବାରେ ଅଛି । ଏହି ଟ୍ରେନଗୁଡ଼ିକ ପାଇଁ ରେଳବାଇରେ ୨୫ଟି ରେକ୍ ଅଛି । ରେଳବାଇ ଏହି ରେକଗୁଡିକୁ ଗୋଟିଏ ପରେ ଗୋଟିଏ ହଟାଇବାକୁ ଓ ସେମାନଙ୍କ ସ୍ଥାନରେ AC-3 ଇକୋନୋମି କୋଚ୍ ଲଗାଇବାକୁ ଯୋଜନା କରିଛି । ଯଦି ସେହି ଟ୍ରେନଗୁଡିକରେ ବି AC-3 ଇକୋନୋମି କ୍ଲାସ୍‌ ଭଡ଼ା ଲାଗୁ କରାଯାଏ, ତେବେ ଆଗାମୀ ସମୟରେ ଗରିବ ରଥ ଟ୍ରେନର ଭଡ଼ା ପ୍ରାୟ ୧୦ ପ୍ରତିଶତ ବୃଦ୍ଧି ହୋଇପାରେ ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ମର୍ମନ୍ତୁଦ ଦୁର୍ଘଟଣା: ପଶ୍ଚିମ ବଙ୍ଗରୁ ରାଉରକେଲା ଫେରିବା ବେଳେ ସ୍ୱାମୀ-ସ୍ତ୍ରୀଙ୍କ ସହ ଦୁଇ ଶିଶୁ ମୃତ

ଏସି-୩ କ୍ଲାସରେ ହିଁ ରେଳବାଇକୁ ଲାଭ ହୁଏ

ସୂତ୍ରଙ୍କ ଅନୁଯାୟୀ କେବଳ AC କ୍ଲାସରୁ ହିଁ‌ ରେଳବାଇକୁ ଲାଭ ମିଳେ । ସାଧାରଣତଃ ରେଳବାଇ AC3 କ୍ଲାସରୁ ୭ ପ୍ରତିଶତ ଲାଭ ପାଇଥାଏ । ରେଳବାଇ ସବର୍ବାନ ଟ୍ରେନଗୁଡିକରେ ୬୪ ପ୍ରତିଶତ କ୍ଷତି ସହେ । ଅଣ-ସବର୍ବାନ୍‌ ଟ୍ରେନଗୁଡିକର କୋଚ୍ ଉପରେ ୪୦ ପ୍ରତିଶତ କ୍ଷତି ହୋଇଥାଏ ।



ରେଳବାଇକୁ ଏସି-୧ରେ ପ୍ରାୟ ୨୪ ପ୍ରତିଶତ କ୍ଷତି, ଏସି-୨ରେ ପ୍ରାୟ ୨୭ ପ୍ରତିଶତ କ୍ଷତି, ସ୍ଲିପର୍‌ କ୍ଲାସରୁ ପ୍ରାୟ ୩୪ ପ୍ରତିଶତ କ୍ଷତି ଓ ଚେୟାର କାରରୁ ପ୍ରାୟ ୧୬ ପ୍ରତିଶତ କ୍ଷତି ହୋଇଥାଏ । ଏହାର ଅର୍ଥ ହେଉଛି ରେଳବାଇ କେବଳ ଏସି-୩ ଶ୍ରେଣୀର ଯାତ୍ରୀମାନଙ୍କୁ ପରିବହନ କରି ଲାଭବାନ ହୁଏ । ତେଣୁ ଏସି କୋଚ୍ ବୃଦ୍ଧି କଲେ ରେଳବାଇର କ୍ଷତି ହ୍ରାସ ପାଇବ ।
Published by: Anand S.T. Das
First published: August 27, 2021, 6:54 PM IST