Tokyo Olympics Day 2: ଭାରତୀୟ ଭାରୋତ୍ତୋଳନକାରୀ ମୀରାବାଇ ଚାନୁ ଜିତିଲେ ରୌପ୍ୟ ପଦକ

New18 Odia Digital

ନୂଆ ଦିଲ୍ଲୀ: ୨୦୨୦ ଅଲମ୍ପିକ୍ସ (Tokyo Olympics)ରେ ଭାରତୀୟ ଭାରୋତ୍ତୋଳନକାରୀ ମୀରାବାଇ ଚାନୁ ଇତିହାସ ରଚିଛନ୍ତି । ଚଳିତ ଟୋକିଓ ଅଲମ୍ପିକ୍ସର ଦ୍ବିତୀୟ ଦିନରେ ପଦକ ଖାତା ଖୋଲିଲା ଭାରତ । ଭାରୋତ୍ତୋଳନ ପ୍ରତିଯୋଗିତାରେ ମୀରାବାଇ ଚାନୁ ରୌପ୍ୟ ପଦକ ଜିତିଛନ୍ତି । ୪୯ କିଲୋଗ୍ରାମ ବର୍ଗରେ ମହିଳା ଭାରୋତ୍ତୋଳନକାରୀ ମୀରାବାଇ ଚାନୁ ଏହି ପଦକ ହାସଲ କରିଛନ୍ତି  ।

ଭାରତୀୟ ଭାରୋତ୍ତୋଳନ ଇତିହାସରେ ଅଲମ୍ପିକ୍ସରେ ଏହା ହେଉଛି ଭାରତର ଦ୍ବିତୀୟ ପଦକ । ଭାରତ ପୂର୍ବରୁ ସିଡ଼ନୀ ଅଲମ୍ପିକ୍ସ (୨୦୦୦)ରେ ଭାରୋତ୍ତୋଳନରେ ପଦକ ଜିତିଥିଲା । ଏହି ପଦକ ହାସିଲ କରିଥିଲେ କର୍ଣ୍ଣମ ମାଲେଶ୍ବରୀ । ଟୋକିଓ ଅଲମ୍ପିକ୍ସରେ ରୌପ୍ୟ ପଦକ ଜିତିଥିବା ମୀରାବାଇ ଚାନୁ ହେଉଛନ୍ତି ପ୍ରଥମ ଭାରତୀୟ ଭାରୋତ୍ତୋଳନକାରୀ ।

ମୀରାବାଇ ୮୭ କିଲୋଗ୍ରାମ ଓ ୧୧୫ କିଲୋଗ୍ରାମ କ୍ଲିନ୍ ଓ ଜର୍କରେ ସଫଳତା ସହ ଉଠାଇ ଦ୍ବିତୀୟ ସ୍ଥାନରେ ରହିଛନ୍ତି । ଏହି ପରି ଭାବରେ, ମୀରାବାଇ ମୋଟ୍ ୨୦୨ କିଲୋଗ୍ରାମ ଓଜନ ଉଠାଇ ରୌପ୍ୟ ପଦକ ଜିତିଛନ୍ତି । ଯାହା ତାଙ୍କ ଶ୍ରେଷ୍ଠ ପ୍ରଦର୍ଶନ ରହିଥିଲା  । ଚୀନର ଭାରତ୍ତୋଳନକାରୀ ହାଉ ଝିହୁ ସମୁଦାୟ ୨୧୦ କିଲୋଗ୍ରାମ ଉଠାଇ ସ୍ବର୍ଣ୍ଣ ପଦକ ହାସିଲ କରିଛନ୍ତି  ।

ପ୍ରତିଯୋଗିତାରେ ଭାଗ ନେବା ପୂର୍ବରୁ ଏକ ସାକ୍ଷାତକାରରେ ମୀରାବାଇ ଚାନୁ କହିଥିଲେ ଯେ ସେ ରିଓ ଅଲମ୍ପିକ୍ସରେ କରିଥିବା ଖରାପ ପ୍ରଦର୍ଶନକୁ ଭୁଲି ଯାଇଛି। ହେଲେ ଏଥର ଟୋକିଓ ଅଲମ୍ପିକରେ ଦେଶକୁ ପଦକ ଦେବାର ପ୍ରତିଜ୍ଞା କରିଥିଲେ ସେ ।