୧୬ ବର୍ଷୀୟା ଟିକ୍ ଟକ୍ ଷ୍ଟାର୍ ସିୟା କକ୍କଡ଼ ନିଜ ଘରେ ଆତ୍ମହତ୍ୟା କରି ଜୀବନ ଲୀଳା ଶେଷ କଲେ

News18 Odia Digital

ନୂଆ ଦିଲ୍ଲୀ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ (Sushant Singh Rajput suicide) ଓ କ୍ରାଇମ ପାଟ୍ରୋଲ ଅଭିନେତ୍ରୀ ପ୍ରେମ ମେହେଟାଙ୍କ ମୃତ୍ୟୁ ପରେ ମନୋରଞ୍ଜନ ଜଗତର ଆଉ ଜଣେ ପ୍ରତିଭା ଆଜି ଆତ୍ମହତ୍ୟା କରି ମୃତ୍ୟୁ ବରଣ କରିଛନ୍ତି । ୧୬ ବର୍ଷ ବୟସ୍କା ଟିକ୍‌ ଟକ୍‌ (Tik Tok) କଳାକାର ତଥା ନୃତ୍ୟ ଶିଳ୍ପୀ ସିୟା କକ୍କଡ଼ (Tik Tok star Siya Kakkar) ନୂଆ ଦିଲ୍ଲୀରେ ଆତ୍ମହତ୍ୟା କରି ନିଜ ଜୀବନ ଲୀଳା ଶେଷ କରିଛନ୍ତି ।

ସିୟାଙ୍କ ମୃତ୍ୟୁ ଖବର (Siya Kakkar suicide) ତାଙ୍କ ମ୍ୟାନେଜର୍‌ ଅର୍ଜୁନ ସରିନଙ୍କ ପକ୍ଷରୁ ନିଶ୍ଚିତ କରାଯାଇଛି । ‘‘ଏହା ନିଶ୍ଚିତ ଭାବରେ କିଛି ବ୍ୟକ୍ତିଗତ କାରଣରୁ ହୋଇଥାଇପାରେ । ସିୟା ଭଲ କାମ କରୁଥିଲେ । ମୋ’ର ଏକ ନୂଆ ପ୍ରୋଜେକ୍ଟ ବିଷୟରେ ଗତ କାରି ରାତିରେ ତାଙ୍କ ସହିତ କଥାବାର୍ତ୍ତା ହୋଇଥିଲା, ଆଉ ସେ ସ୍ୱାଭାବିକ ଲାଗୁଥିଲେ। ମୁଁ ଓ ମୋ’ କମ୍ପାନୀ ଫେମ୍ ଏକ୍ସପର୍ଟସ୍‌ ଅନେକ କଳାକାରଙ୍କ ସହ କାମ କରୁ । ସିୟା ଜଣେ ଉଜ୍ଜ୍ୱଳ ପ୍ରତିଭା ଥିଲେ,’’ ପ୍ରୀତ ବିହାରରେ ଥିବା ସିୟାଙ୍କ ଘରକୁ ଯାଉଥିବା ବେଳେ ସରିନ୍‌ ‘ଇଣ୍ଡିଆ ଟୁଡେ’କୁ କହିଛନ୍ତି ।

ଫଟୋଗ୍ରାଫର ଭାଇରାଲ ଭାୟାନି ଏକ ଇନଷ୍ଟାଗ୍ରାମ ନିଜ ପୋଷ୍ଟରେ ଲେଖିଛନ୍ତି, ‘‘ଏକ ଦୁଃଖଦ ଖବର । ୧୬ ବର୍ଷିୟା ମିଠା ଟିକ୍-ଟକର୍ ସିୟା କକ୍କଡ଼ ଆତ୍ମହତ୍ୟା କରି ମୃତ୍ୟୁ ବରଣ କରିଛନ୍ତି । ଏହି ତଥ୍ୟ ପ୍ରକାଶ କରିବା ପୂର୍ବରୁ ମୁଁ ତାଙ୍କ ପ୍ରତିଭା ପରିଚାଳନା ଏଜେନ୍ସିର ମୁଖ୍ୟ ଅର୍ଜୁନ ସରିନଙ୍କ ସହ କଥା ହୋଇଥିଲି । ସେ ଗତ କାଲି ରାତିରେ ଏକ ଗୀତ ପାଇଁ ସିୟାଙ୍କ ସହ କଥା ହୋଇଥିଲେ । ସେ କୁହିଛନ୍ତି ଯେ ସିୟା ଭଲ ମୁଡ଼ରେ ଥିଲେ ଓ ସମ୍ପୂର୍ଣ୍ଣ ଠିକ ଥିଲେ । ତାଙ୍କ ପାଖରେ କୌଣସି ଆଇଡିଆ ନାହିଁ କାହିଁକି ସିୟାଙ୍କୁ ଏମିତି ଚାଲିଯିବାକୁ ପଡ଼ିଲା । ଆପଣ ତାଙ୍କ ଭିଡିଓଗୁଡିକୁ ଦେଖନ୍ତୁ, ଆଉ ଆଉ ଆପଣ ଦେଖିବେ ଯେ ତାଙ୍କ କଣ୍ଟେଣ୍ଟ୍‌ ଖୁବ୍‌ ଭଲ ଥିଲା । ଏହା ପ୍ରକୃତରେ ଦୁଃଖଦାୟକ ଯେ ସେ ଏହି ପଥ ବାଛିଲେ । ଯଦି ଆପଣ ଅବସାଦଗ୍ରସ୍ତ ଅନୁଭବ କରୁଛନ୍ତି, ଦୟାକରି ଏମିତି କରନ୍ତୁ ନାହିଁ ।’’



ସିୟା କକ୍କଡ଼ଙ୍କ ଘର ନୂଆ ଦିଲ୍ଲୀର ପ୍ରୀତ ବିହାରରେ ଅଛି । ସେ ଟିକ ଟକ, ଇନଷ୍ଟାଗ୍ରାମ, ସ୍ନାପଚାଟ ଓ ୟୁଟ୍ୟୁବ ପରି ସମସ୍ତ ଅନଲାଇନ୍ ପ୍ଲାଟଫର୍ମରେ ସକ୍ରିୟ ଥିଲେ । ସେ ନିଜ ଡ୍ୟାନ୍ସ ଭିଡିଓ ପାଇଁ ଜଣାଶୁଣା ଥିଲେ । ଏହି ସମସ୍ତ ପ୍ଲାଟଫର୍ମରେ ସିୟାଙ୍କର ଏକ ବହୁ ସଂଖ୍ୟାର ଫଲୋଅର୍ସ୍‌ ଥିଲେ । ଇନଷ୍ଟାଗ୍ରାମରେ ତାଙ୍କର ଏକ ଲକ୍ଷରୁ ଅଧିକ ଫଲୋଅର୍ସ୍‌ ଥିଲେ ଓ ଟିକ ଟକରେ ୧୧ ଲକ୍ଷରୁ ଅଧିକ ଫଲୋଅର୍ସ୍‌ ଥିଲେ ।

View this post on Instagram

Sad news 16 year old sweet tik-toker @siya_kakkar died by suicide . Before publishing this I spoke to her Talent management agency head Arjun Sarin who just spoke to her last night for a song collaboration and he says she was in a good mood and perfectly alright. Even he has no clue what went wrong that she had to go this way. You go through her videos and you can she was so good in her content, it's really sad that she chose this path. If you are feeling depressed please dont do this 🙏

A post shared by Viral Bhayani (@viralbhayani) on Jun 25, 2020 at 1:05am PDT

ଜୁନ୍ ୧୪ ତାରିଖ ଦିନ ସୁଶାନ୍ତ ସିଂ ରାଜପୁତ ନିଜ ମୁମ୍ବାଇସ୍ଥିତ ଘରେ ଆତ୍ମହତ୍ୟା କରି ଦୁନିଆରୁ ଚାଲିଯାଇଥିଲେ । ଏହି ଅଭିନେତାଙ୍କ ମୃତ୍ୟୁ ଖବର ସାରା ଦେଶକୁ ଗଭୀର ଦୁଃଖ ଦେଇଥିଲା । ରାଜପୁତଙ୍କୁ ମାତ୍ର ୩୪ ବର୍ଷ ହୋଇଥିଲା । ସେ ଗତ କିଛି ମାସ ଧରି ସେ ଡିପ୍ରେସନରେ ପୀଡ଼ିତ ଥିଲେ ।

ଏହା ବି ପଢ଼ନ୍ତୁ: 

ବିବାହିତ ଦମ୍ପତି ପିଲା ଚାହୁଁଥିଲେ, ହେଲେ ସେଥି ପାଇଁ ସେକ୍ସ କରିବାକୁ ହୁଏ ବୋଲି ଜାଣି ନ ଥିଲେ!

ଲଦ୍ଦାଖ ସହିଦମାନଙ୍କ ଦେହରେ ଥିଲା ଧାରୁଆ ଅସ୍ତ୍ରର କ୍ଷତ; ଅନେକ ଅଙ୍ଗ ଭାଙ୍ଗି ଦିଆଯାଇଥିଲା

ଟିକ୍ ଟକ୍‌ରେ ଧୁମ୍ ମଚାଉଥିଲା; ତା’ ବିବାହ ପ୍ରସ୍ତାବ ନ ମାନିବାରୁ ଯୁବତୀକୁ ଚାକୁ ମାରି ହତ୍ୟା କଲା

ମହିଳା ରସି ଲଗାଇ ଆତ୍ମହତ୍ୟା କରୁଥିଲେ; ୩ ବର୍ଷର ଝିଅ କାନ୍ଦିବାରୁ ତାଙ୍କ ଜୀବନ ରକ୍ଷା ହେଲା

ଆମର ୨୦ ଜଣ ସୈନ୍ୟଙ୍କ ହତ୍ୟା ହେବା ପରେ ଭାରତବାସୀ ଚୀନ୍‌ ବିଷୟରେ କଣ୍‌ ଭାବୁଛନ୍ତି? ଏହି ସର୍ଭେରୁ ଜଣା ପଡ଼ିଲା

ଯୋଗ ଦିବସ: ଏହି ପ୍ରସିଦ୍ଧ ‘ନଗ୍ନ ଯୋଗ ନାରୀ’ ଏମିତି ଯୋଗ କରନ୍ତି; ଫଟୋ ଭାଇରାଲ୍ ହେଉଛି

ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଖବର ଟିଭିରେ ବାରମ୍ବାର ଦେଖି ୧୭ ବର୍ଷୀୟା ଛାତ୍ରୀ ଆତ୍ମହତ୍ୟା କଲା

ଆତ୍ମହତ୍ୟା କରୁଥିବା ଲୋକେ ମରିବାକୁ ଚାହୁଁଛନ୍ତି ବୋଲି ବି ନିଶ୍ଚିତ ନ ଥାନ୍ତି; ମିଡ଼ିଆର ଭୂମିକା ମହତ୍ୱପୂର୍ଣ୍ଣ

ଫ୍ୟାକ୍ଟ ଚେକ୍: ଏହି ତି୩ଟି ମୃତ୍ୟୁକୁ ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ସହ ଯୋଡ଼ାଯାଉଛି କାହିକି?