ଦକ୍ଷିଣ ଇରାନରେ ଶକ୍ତିଶାଳୀ ଭୂକମ୍ପ : ବ୍ୟାପକ କ୍ଷତି ସହ ୩ ମୃତ... ଅନେକ ଆହତ

,News 18 Odia Digital

ନୂଆଦିଲ୍ଲୀ : ଆଜି ସକାଳୁ ଭୂକମ୍ପରେ ଥରିଛି ଦକ୍ଷିଣ ଇରାନ୍ । ଭୂକମ୍ପର କେନ୍ଦ୍ରସ୍ଥଳ ୧୦ କିଲୋମିଟର ଗଭୀରରେ ଥିବା ୟୁରୋପୀୟ ମେଡିଟେରିଆନ୍ ସିସମୋଲୋଜିକାଲ ସେଣ୍ଟର କହିଛି । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୦ ଥିବା ଜଣାପଡ଼ିଛି ।

ଭୂକମ୍ପରେ ୩ଜଣ ଇରାନ ନାଗରିକଙ୍କର ମୃତ୍ୟୁ ହୋଇଥିବା ସହ ଅନେକ ଜଣ ଗୁରୁତର ଆହତ ମଧ୍ୟ ହୋଇଛନ୍ତି । ଏଥିସହ ବ୍ୟାପକ ଧନ ଜୀବନ କ୍ଷତି ହୋଇଥିବା ଆଶଙ୍କା କରାଯାଉଛି । ଭୂକମ୍ପରେ ଆହତ ହୋଇଥିବା ବ୍ୟକ୍ତିଙ୍କୁ ଚିକିତ୍ସା ଯୋଗାଇଦିଆଯାଉଛି । ତେବେ ଆଗକୁ ମୃତ୍ୟୁସଂଖ୍ୟା ବଢ଼ିପାରେ ବୋଲି ସୂଚନା ମିଳିଛି ।

ଆଜି ଭୋର ୩ଟା  ୨୫ ସମୟରେ ଦକ୍ଷିଣ ଇରାନରେ ଭୂକମ୍ପ ଅନୁଭୂତ ହୋଇଥିଲା । ଆଖି ପଲକରେ ଅନେକ କ୍ଷୟକ୍ଷତି ହୋଇଥିବାରୁ ସ୍ଥାନୀୟ ବାସିନ୍ଦା ଖୁବ ଭୟବିତ ଥିବା ଜଣାପଡ଼ିଛି । ଶକ୍ତିଶାଳୀ ଭୂକମ୍ପ ପୂର୍ବରୁ ମଧ୍ୟ ଇରାନରେ ଆଉ ଦୁଇଥର ଭୂକମ୍ପ ଅନୁଭୂତ ହୋଇଥିଲା । ରାତି ୨ଟା ୪୩ ଓ ୩ଟା ୧୩ରେ ହୋଇଥିବା ଭୂକମ୍ପର ତୀବ୍ରତା ଯଥାକ୍ରମେ ୪.୬ ଏବଂ ୪.୪ ଥିବା ସୂଚନା ମିଳିଛି ।