୭ହଜାର ଟଙ୍କାରେ କିଣାଯାଇଥିଲା ଏହି ଜିନିଷ: ୪୦ ଲକ୍ଷରୁ ଅଧିକ ମୂଲ୍ୟରେ ହେଲା ବିକ୍ରି !

News 18 Odia Digital

ନୂଆଦିଲ୍ଲୀ: ଜଣେ ବ୍ୟକ୍ତି ପିତାଙ୍କ ମୃତ୍ୟୁ ପରେ ନିଲାମରେ ପିତାଙ୍କ ଘଣ୍ଟା ବିକ୍ରୟ କରିବାକୁ ନିଷ୍ପତ୍ତି ନେଇଥିଲେ। ଉକ୍ତ ବ୍ୟକ୍ତିଙ୍କ ପିତା ଏହି ଘଣ୍ଟାକୁ ୬୦ ବର୍ଷ ପୂର୍ବେ ପ୍ରାୟ ୭୦୦୦ ଟଙ୍କାରେ କିଣିଥିଲେ। କିନ୍ତୁ ବର୍ତ୍ତମାନ ଏହି ଘଣ୍ଟାକୁ ଲକ୍ଷ ଲକ୍ଷ ଟଙ୍କାରେ ବିକ୍ରି କରାଯାଇଛି। ଯାହାର ମୂଲ୍ୟରେ ମର୍ସିଡିଜ୍ ପରି ଏକ ବିଳାସପୂର୍ଣ୍ଣ କାର ମଧ୍ଯ କିଣାଯାଇପାରିବ । ଆସନ୍ତୁ ଜାଣିବା କାହିଁକି ଏହି ଘଣ୍ଟା ଏତେ ମହଙ୍ଗାରେ ବିକ୍ରି ହେଲା ।

ରିପୋର୍ଟ ଅନୁଯାୟୀ, ଏହା ହେଉଛି ଆଣ୍ଟିକ୍ ୱାଚ୍, ଯାହା ସ୍ୱିସ୍ କମ୍ପାନୀ ରୋଲକ୍ସ ଦ୍ୱାରା ପ୍ରସ୍ତୁତ କରାଯାଇଥିଲା। ଦଶନ୍ଧି ପୁରୁଣା ହୋଇଥିଲେ ମଧ୍ୟ ଘଣ୍ଟାଟି କାମ କରୁଛି । ଏହାର ନିଜସ୍ୱ ଇତିହାସ ଅଛି । ଏହି କାରଣରୁ ଏହାକୁ ୪୦ ଲକ୍ଷରୁ ଅଧିକ ମୂଲ୍ୟରେ ବିକ୍ରି କରାଯାଇଥଲା। ଏହା ନିକଟରେ TW ଗେଜ୍ ଦ୍ୱାରା ପରିଚାଳିତ ଏକ ଅନଲାଇନ୍ ନିଲାମରେ ବିକ୍ରି ହୋଇଛି । କିଣିଥିବା ବ୍ୟକ୍ତି ତାଙ୍କର ପରିଚୟ ପ୍ରକାଶ କରି ନାହାଁନ୍ତି।

ବ୍ରିଟେନର ବାସିନ୍ଦା ସାଇମନ୍ ବର୍ନଟ୍ ୧୯୬୩ ରେ ଏହି ଘଣ୍ଟା କିଣିଥିଲେ । ସାଇମନ୍ ରୟାଲ୍ ସେନାର ସର୍ଚ୍ଚ-ଉଦ୍ଧାରକାରୀ ଡାଇଭର ଥିଲେ । ୨୦୧୯ ରେ ତାଙ୍କ ମୃତ୍ୟୁ ପରେ ଏହି ଘଣ୍ଟାର ଉତ୍ତରାଧିକାରୀ ତାଙ୍କ ପୁଅ ପିଟର ବର୍ନଟ୍ ହୋଇଥିଲେ । ପିଟର ପୋଲିସ ସେବାରୁ ଅବସର ନେଇଛନ୍ତି। ଏକ ପୁରାତନ ଘଣ୍ଟା ପିନ୍ଧି ବୁଲିବା ତାଙ୍କୁ ଭଲ ଲାଗିନଥିଲା । ଏଥିସହ ସେ ତା'ର ଯତ୍ନ ନେବାକୁ ମଧ୍ୟ ସକ୍ଷମ ହୋଇନଥିଲେ। ତେଣୁ ସେ ଏହାକୁ ନିଲାମରେ ବିକ୍ରି କରିବାକୁ ସ୍ଥିର କଲେ।

୧୯୬୩ ରୋଲକ୍ସ ସବମେରିନର୍ ୱାଚ୍

ଏହା ପରେ ପିଟରଙ୍କ ପିତା ଏହି ପୁରାତନ ଘଣ୍ଟା (୧୯୬୩ ରୋଲକ୍ସ ସବମେରିନର୍ ୱାଚ୍) କୁ ୭୦ ପାଉଣ୍ଡ (ପ୍ରାୟ ୭୦୦୦ ଟଙ୍କା) ରେ କିଣିଥିଲେ । କିନ୍ତୁ ବର୍ତ୍ତମାନ ଏହା ୪୦,୦୦୦ ପାଉଣ୍ଡ (ପ୍ରାୟ ୪୧ ଲକ୍ଷ ଟଙ୍କା) ରେ ବିକ୍ରି ହୋଇଛି । ତେବେ, ନିଲାମରେ ପିଟରଙ୍କ ପାଇଁ ପିତାଙ୍କ ଜିନିଷ ବିକ୍ରୟ କରିବା ସହଜ ନଥିଲା। ସେ କୁହନ୍ତି- 'ଏଥିରେ ଅନେକ ସ୍ମୃତି ସଂଲଗ୍ନ ହୋଇଥିଲା । ଏହାକୁ ବିକ୍ରୟ କରିବା ମୋ ପାଇଁ ବହୁତ କଷ୍ଟସାଧ୍ୟ ନିଷ୍ପତ୍ତି ଥିଲା । କିନ୍ତୁ ମୁଁ ଏତେ ଦାମୀ ଘଣ୍ଟା ପିନ୍ଧି କୌଣସି ସ୍ଥାନକୁ ଯାଇପାରିଲି ନାହିଁ । ତେବେ ଘଣ୍ଟା ବିକ୍ରୟରୁ ପାଇଥିବା ପରିମାଣରେ ପିଟର ବହୁତ ଖୁସି ଅଛନ୍ତି ।

ଏହା କୁହାଯାଇଛି ଯେ ପିଟରଙ୍କ ପିତା ସମୁଦ୍ରରେ ଉଦ୍ଧାର କାର୍ଯ୍ୟ ପାଇଁ ୧୯୬୩ Rolex Submariner Watch ମଧ୍ୟ ବ୍ୟବହାର କରିଥିଲେ । ଧୀରେ ଧୀରେ, ଏହି ଘଣ୍ଟା ଏକ ଷ୍ଟାଟସର ପ୍ରତୀକ ହେଲା । କେବଳ ଧନୀ ଲୋକମାନେ ରୋଲକ୍ସ ଘଣ୍ଟା ବ୍ୟବହାର କରନ୍ତି ।

ଏହି ଖବର ପଢ଼ନ୍ତୁ-  ଋଣ ପରିଶୋଧ ପାଇଁ ନିଜ ଝିଅକୁ ବନ୍ଧକ ରଖିଲେ ପିତା: ମଦ୍ୟପାନ କରିବାକୁ ନେଇଥିଲେ ଋଣ