ଖଟା ଫଳ ଖାଇବା ଓ ଚାଲିବା ଦ୍ୱାରା କମ ହୋଇଥାଏ ଉଚ୍ଚ କୋଲେଷ୍ଟ୍ରୋଲ ସମସ୍ୟା

ଶରୀରରେ କୋଲେଷ୍ଟ୍ରଲ ମାତ୍ରା ବୃଦ୍ଧି ହେତୁ ହୃଦଘାତ,ଏବଂ ଷ୍ଟ୍ରୋକ୍ ଭଳି ରୋଗ ହେବାର ଆଶଙ୍କା ବଢ଼ିଯାଏ। କେତେକ ଖଟା ଜାତୀୟ ଫଳ ଓ ଚାଲିବା କୋଲେଷ୍ଟ୍ରୋଲ୍ ନିୟନ୍ତ୍ରଣ କରିବାରେ ଅତ୍ୟନ୍ତ ପ୍ରଭାବଶାଳୀ ବୋଲି ପ୍ରମାଣିତ ହୋଇଛି।

କିପରି କରିବେ କୋଲେଷ୍ଟ୍ରୋଲ ନିୟନ୍ତ୍ରଣ ଜାଣନ୍ତୁ (ପ୍ରତୀକାତ୍ମକ ଛବି)

କିପରି କରିବେ କୋଲେଷ୍ଟ୍ରୋଲ ନିୟନ୍ତ୍ରଣ ଜାଣନ୍ତୁ (ପ୍ରତୀକାତ୍ମକ ଛବି)

  • News18 Odia
  • Last Updated :
  • Share this:
News18 Odia Digital

ଉଚ୍ଚ କୋଲେଷ୍ଟ୍ରଲ ଏକ ସମସ୍ୟା, ଯାହାଦ୍ୱାରା ଶରୀରର ଅଙ୍ଗଗୁଡ଼ିକରେ ରକ୍ତ ପ୍ରବାହ କମିଯାଏ। ଯେତେବେଳେ କୋଲେଷ୍ଟ୍ରଲ ବଢ଼େ, ଏହାର ଲକ୍ଷଣ ଶରୀରରେ ଦେଖାଯିବା ଆରମ୍ଭ କରେ।  ଛାତି ଯନ୍ତ୍ରଣା, ମୋଟାପଣ, ଗୋଡରେ ଯନ୍ତ୍ରଣା, ଝାଳ ବୋହିବା ଉଚ୍ଚ କୋଲେଷ୍ଟ୍ରୋଲର ଲକ୍ଷଣ। ଯେଉଁମାନଙ୍କର ଉଚ୍ଚ କୋଲେଷ୍ଟ୍ରଲ ଥାଏ, ସେମାନଙ୍କର ଲକ୍ଷଣ ମଧ୍ୟ ସେମାନଙ୍କ ପାଦରେ ଦେଖାଯିବା ଆରମ୍ଭ କରେ। କୋଲେଷ୍ଟ୍ରଲ ବୃଦ୍ଧି ହେଲେ ପାଦର ହଳଦିଆ ପ୍ୟାଚ ଦେଖାଯାଏ। ଶରୀରରେ ପୋଷକ ତତ୍ତ୍ୱର ଅଭାବ ଓ ଅମ୍ଳଜାନ ବହନ କରୁଥିବା ରକ୍ତ ପ୍ରବାହର ଅଭାବ ହେତୁ କୋଷଗୁଡ଼ିକ ପର୍ଯ୍ୟାପ୍ତ ପୁଷ୍ଟିକର ଖାଦ୍ୟ ପାଇପାରନ୍ତି ନାହିଁ, ଯେଉଁ କାରଣରୁ କୋଲେଷ୍ଟ୍ରଲ ବୃଦ୍ଧି ହୋଇଥାଏ।

ଖରାପ ଖାଦ୍ୟ ଓ ଅସ୍ୱାସ୍ଥ୍ୟକର ଜୀବନଶୈଳୀର ଉଚ୍ଚ କୋଲେଷ୍ଟ୍ରଲ ହେଉଛି ଫଳାଫଳ। କୋଲେଷ୍ଟ୍ରଲ ହେଉଛି ରକ୍ତ ଭିତରେ ମିଳୁଥିବା ଏକ ମହମ ପରି ପଦାର୍ଥ। ଶରୀରରେ ଥିବା କୋଲେଷ୍ଟ୍ରଲ କୋଷଗୁଡ଼ିକୁ ସୁସ୍ଥ ରଖିବା ସହିତ ନୂତନ କୋଷ ତିଆରି କରିବାରେ ସାହାଯ୍ୟ କରିଥାଏ।

ଶରୀରରେ କୋଲେଷ୍ଟ୍ରଲ ମାତ୍ରା ବୃଦ୍ଧି ହେତୁ ହୃଦଘାତ,ଏବଂ ଷ୍ଟ୍ରୋକ୍ ଭଳି ରୋଗ ହେବାର ଆଶଙ୍କା ବଢ଼ିଯାଏ। ଏହି ବିପଜ୍ଜନକ ରୋଗର ଆଶଙ୍କା ହ୍ରାସ କରିବାକୁ, ଠିକ୍ ସମୟରେ କୋଲେଷ୍ଟ୍ରଲର ଚିକିତ୍ସା କରିବା ଜରୁରୀ ଅଟେ। କେତେକ ଖଟା ଜାତୀୟ ଫଳ ଓ ଚାଲିବା କୋଲେଷ୍ଟ୍ରୋଲ୍ ନିୟନ୍ତ୍ରଣ କରିବାରେ ଅତ୍ୟନ୍ତ ପ୍ରଭାବଶାଳୀ ବୋଲି ପ୍ରମାଣିତ ହୋଇଛି। କୋଲେଷ୍ଟ୍ରଲ ହ୍ରାସ କରିବା ପାଇଁ କେଉଁ ପଦକ୍ଷେପ ଗ୍ରହଣ କରିବାକୁ ଆସନ୍ତୁ ଜାଣିବା।

ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଯେଉଁମାନଙ୍କର କୋଲେଷ୍ଟ୍ରଲ ସମସ୍ୟା ଅଧିକ ଥାଏ ସେମାନେ ଅଧିକ କମଳା ଓ ଅଙ୍ଗୁର ଖାଇବା ଉଚିତ୍। ଅଙ୍ଗୁର ଓ କମଳା ଖାଇବା ଦ୍ୱାରା କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରେ।

ଏହା ବ୍ୟତୀତ, ଯେଉଁମାନଙ୍କର ଉଚ୍ଚ କୋଲେଷ୍ଟ୍ରଲ ସମସ୍ୟା ଥାଏ, ସେମାନେ ପ୍ରତିଦିନ ସକାଳେ ଓ ସନ୍ଧ୍ୟାରେ କିଛି ସମୟ ଚାଲିବା ଆବଶ୍ୟକ। ଚାଲିବା ଶରୀରକୁ ସୁସ୍ଥ ରଖେ ଓ କୋଲେଷ୍ଟ୍ରଲ ବୃଦ୍ଧି ହେବାର ଆଶଙ୍କା ମଧ୍ୟ କମିଯାଏ। ଉଚ୍ଚ କୋଲେଷ୍ଟ୍ରଲ ହ୍ରାସ କରିବା ପାଇଁ ଏହା ସବୁଠାରୁ ରାମବାଣ ବୋଲି ବିବେଚନା କରାଯାଏ।

(Disclaimer: ଏଠାରେ ଦିଆଯାଇଥିବା ସୂଚନା ସାଧାରଣ ସୂଚନା ଉପରେ ଆଧାରିତ। ନ୍ୟୁଜ୧୮ ଓଡ଼ିଆ ଏହା ନିଶ୍ଚିତ କରେ ନାହିଁ।)
Published by:Soumya Das
First published: