ଶହେ ବର୍ଷ ହେଲା ଗାଁରେ ନାହାଁନ୍ତି ମୁସଲିମ ପରିବାର; ହିନ୍ଦୁ ପାଳନ କରନ୍ତି ମହରମ

କର୍ଣ୍ଣାଟକର ଏମିତି ଏକ ଗାଁ ଯେଉଁଠି ମୁସଲିମ ନୁହେଁ ହିନ୍ଦୁ ପାଳନ କରନ୍ତି ମହରମ ପର୍ବ । ମସ୍‌ଜିଦ୍‌ରେ ପୂଜା କରନ୍ତି ହିନ୍ଦୁ ପୂଜାରୀ ।

ମୁସଲିମ ନୁହେଁ ହିନ୍ଦୁ ପାଳନ କରନ୍ତି ମହରମ ପର୍ବ

ମୁସଲିମ ନୁହେଁ ହିନ୍ଦୁ ପାଳନ କରନ୍ତି ମହରମ ପର୍ବ

  • News18 Odia
  • Last Updated :
  • Karnataka
  • Share this:
News 18 Odia Digital

Muharram 2022 : ଭାରତ କେତେ ମହାନ ଏଠି ଅନେକ ଭାଷା ଅନେକେ ଭୂଷା କିନ୍ତୁ ତାହାରି ଭିତରେ ପୁଣି ସମସ୍ତେ ଏକ । କର୍ଣ୍ଣାଟକର ବେଲାଗାଭି ଜିଲ୍ଲାର ହିରେବିଦାନୁର ଗାଁରେ ୧୦୦ ବର୍ଷ ଧରି ଗୋଟିଏ ବି ମୁସଲମାନ ପରିବାର ନାହାଁନ୍ତି, କିନ୍ତୁ ପ୍ରତିବର୍ଷ ଏଠାରେ ପାଞ୍ଚ ଦିନ ଧରି ମହରମ ପର୍ବ ପାଳନ କରାଯାଏ । ଏପରି ଘଟଣା କେବଳ ଭାରତରେ ଦେଖିବା ସମ୍ଭବ । ଗାଁର ପାଖାପାଖି ତିନି ହଜାର ଲୋକ ବସବାସ କରନ୍ତି । ଅଧିକାଂଶ ପରିବାର କୁରୁବା ଓ ବାଲମିକି ସମ୍ପ୍ରଦାୟର ଅଟନ୍ତି ଏହି ଅବସରରେ କିନ୍ତୁ ଗାଁ ରଙ୍ଗୀନ ଆଲୋକ ମୟ ହେଇ ସୃଷ୍ଟି ହୁଏ । ଗ୍ରାମବାସୀ ମାନେ ମହରମ ପାଲିବକୁ ଏକ ମସଜିଦ ଅଛି । ସ୍ଥାନୀୟ ଲୋକମାନେ ଏହାକୁ ଫାକିରେଶ୍ୱର ସ୍ୱାମୀଙ୍କ ମସଜିଦ ବୋଲି କହନ୍ତି । ଏଠାରେ ଗ୍ରାମବାସୀମାନେ ସେମାନଙ୍କର ଇଚ୍ଛା ପୂରଣ ପାଇଁ ପ୍ରାର୍ଥନା କରନ୍ତି । ହିନ୍ଦୁ ରୀତିନୀତି ଅନୁଯାୟୀ ଜଣେ ହିନ୍ଦୁ ପୁରୋହିତ ଏଠାରେ ପୂଜା କରନ୍ତି ।

ମସଜିଦର ପୁରୋହିତ କହନ୍ତି ଯେ ଆମେ ପ୍ରତିବର୍ଷ ମହରମରେ ନିକଟସ୍ଥ ବେଭିଙ୍କଟ୍ଟି ଗ୍ରାମରୁ ଧର୍ମଗୁରୁମାନଙ୍କୁ ନିମନ୍ତ୍ରଣ କରୁ। ସେ ଏକ ସପ୍ତାହ ମସଜିଦରେ ରହି ପାରମ୍ପାରିକ ଇସଲାମ ଢଙ୍ଗରେ ପ୍ରାର୍ଥନା ସହ ପୂଜା କରନ୍ତି । ବାକି ଦିନରେ ମୁଁ ମସଜିଦ ପାଇଁ ଦାୟିତ୍ଵ ଗ୍ରହଣ କରେ । ଦୁଇ ମୁସଲମାନ ଭାଇ ବହୁ ପୂର୍ବରୁ ଦୁଇଟି ମସଜିଦ ନିର୍ମାଣ କରିଥିଲେ, ଗୋଟିଏ ଗୁଟାନାଟୀରେ ଓ ଅନ୍ୟଟି ହିରେବିଦାନୁର, ସେମାନଙ୍କ ମୃତ୍ୟୁ ପରେ ସ୍ଥାନୀୟ ଲୋକମାନେ ମସଜିଦରେ ପୂଜାପାଠ କରିବା ସହ ପ୍ରତିବର୍ଷ ମହରମ ପାଳନ କରନ୍ତି ।

ଗାଁରେ ହେଉଥିବା କର୍ଯ୍ୟକର୍ମ
ଏହି ପାଞ୍ଚ ଦିନ ମଧ୍ୟରେ ଅନେକ ପରମ୍ପରାର ଦେଖିବାକୁ ମିଳୁଥିବାରୁ ହିରବିଦାନୁର ପାଇଁ ମହରମ ସ୍ୱତନ୍ତ୍ର । କଳାକାରମାନେ ସେମାନଙ୍କର କଳା ପ୍ରଦର୍ଶନ କରିବାର ସୁଯୋଗ ପାଆନ୍ତି । କଳାକାରମାନେ ଶୋଭାଯାତ୍ରାରେ କରବାଲ ନୃତ୍ୟ ପରିବେଷଣ କରନ୍ତି, ହିରେବିଦାନୁରରେ ଦଉଡି କଳା ଅନନ୍ୟ ଓ ନିଆଁରେ ଦୌଡିବା ଭଳି କାର୍ଯ୍ୟକ୍ରମ ଅନୁଷ୍ଠିତ ହୁଏ ।
Published by:Sujit Swain
First published: