ଚପଲ ଚୋରି କଲା ସାପ! ଜୋତା ଫେରାଇବାକୁ ଅନୁରୋଧ କଲେ ମହିଳା

News18 Odia Digital

Viral: ସାପ ଏପରି ଏକ ବିଷାକ୍ତ ଓ ଭୟାନକ ପ୍ରାଣୀ, ଯାହାକୁ ଦେଖି ସମସ୍ତେ ଖସିଯିବାକୁ ଚେଷ୍ଟା କରନ୍ତି। ଲୋକମାନେ ଏହି ଜୀବଠାରୁ ଦୂରରେ ରହିବାକୁ ଚାହାଁନ୍ତି। କିନ୍ତୁ ନିକଟରେ ଗୋଟିଏ ସାପ ଏପରି କିଛି କରିଛି ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି।

ଆଇଏଫଏସ ପରବିନ କାସୱାନ ଟ୍ୱିଟରରେ ଏକ ଚପଲ ଚୋର ସାପର ଏକ ଭିଡିଓ ସେୟାର କରିଛନ୍ତି। ରାସ୍ତାରେ ସାପ ବୁଲୁଥିବା ଦେଖି କିଛି ମହିଳା ତା ଉପରେ ଚପଲ ଫିଙ୍ଗିଥିଲେ ଯେପରି ସାପ ସେମାନଙ୍କ ଘରେ ପ୍ରବେଶ ନକରେ।  କିନ୍ତୁ ପରବର୍ତ୍ତୀ ମୁହୂର୍ତ୍ତରେ ସାପ ସେହି ଚପଲକୁ ଦାନ୍ତରେ କାମୁଡ଼ି ସେଠାରୁ ପଳାଇଲା।  ଏହି ଅତି ମଜାଦାର ଭିଡିଓ ବର୍ତ୍ତମାନ ପର୍ଯ୍ୟନ୍ତ ୧.୩୬ ଲକ୍ଷ ଭ୍ୟୁ ପାଇଛି।

ଚପଲ ଚୋର ସାପର ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି। ସାପ ଏକ ଭୟାନକ ପ୍ରାଣୀ, ତଥାପି ଏହି ଭାଇରାଲ୍ ଭିଡିଓ ଦେଖି ଆପଣ ହସିବାକୁ ବାଧ୍ୟ ହେବ। ରାସ୍ତାରେ ଯାଉଥିବା ସାପକୁ ଘର ଭିତରକୁ ନ ଯିବା ପାଇଁ ଜଣେ ମହିଳା ସାପ ଉପରେ ଚପଲ ଫିଙ୍ଗିଦେଲେ, ଯାହା ଫଳରେ ସେ ଭୟଭୀତ ହୋଇ ପଳାଇ ଯାଇଥିଲେ। କିନ୍ତୁ ସାପ ସେହି ସ୍ଲିପରକୁ ଦାନ୍ତରେ ଫାଶ କରି ଜଙ୍ଗଲ ଭିତରକୁ ପଳାଇଥିଲା।

I wonder what this snake will do with that chappal. He got no legs. Unknown location. pic.twitter.com/9oMzgzvUZd

— Parveen Kaswan, IFS (@ParveenKaswan) November 24, 2022

ସାପଟି ମହିଳାଙ୍କ ଚପଲକୁ ତା ପାଟିରେ ଦବାଇ ଏପଟ ସେପଟ ହେବାରୁ ମହିଳା ମାନେ ଚିତ୍କାର କରି ସାପକୁ ଚପଲ ଫେରାଇବାକୁ ଅନୁରୋଧ କଲେ। କିନ୍ତୁ ସାପଟି ଚପଲ ଫେରାଇ ନଥିଲା।