ନାବାଳିକା ଭାବୁଥିଲା ଶିକ୍ଷକ ରକ୍ଷା କରିବେ; ହେଲେ ଛାତ୍ରଙ୍କ ସହ ମିଶି ଶିକ୍ଷକ ବି କଲେ ଦୁଷ୍କର୍ମ

ପୀଡିତା ଶୌଚାଳୟ ଯାଇଥିଲେ । ସେହି ସମୟରେ ଗାଁର କିଛି ନାବାଳକଙ୍କ ସହିତ ବିଦ୍ୟାଳୟର ଶିକ୍ଷକ ମଧ୍ୟ ୧୪ବର୍ଷର ଝିଅଟି ସହିତ ଏପରି ଘୃଣ୍ୟ କାର୍ଯ୍ୟ କରିଥିଲେ ।

ନାବାଳିକା ଭାବୁଥିଲା ଶିକ୍ଷକ ରକ୍ଷା କରିବେ; ହେଲେ ଛାତ୍ରଙ୍କ ସହ ମିଶି ଶିକ୍ଷକ ବି କଲେ ଦୁଷ୍କର୍ମ

ନାବାଳିକା ଭାବୁଥିଲା ଶିକ୍ଷକ ରକ୍ଷା କରିବେ; ହେଲେ ଛାତ୍ରଙ୍କ ସହ ମିଶି ଶିକ୍ଷକ ବି କଲେ ଦୁଷ୍କର୍ମ

  • News18 Odia
  • Last Updated :
  • Bihar, India
  • Share this:
News 18 Odia Digital

ନୂଆଦିଲ୍ଲୀ; ବିହାରର କୈମୁର ଜିଲ୍ଲାରେ ଆଦିବାସୀ ସମାଜର ଜଣେ ନାବାଳିକା ଛାତ୍ରଙ୍କ ଦ୍ଵାରା ଗଣଦୁଷ୍କର୍ମର ଶିକାର ହୋଇଥିଲା । କୁହାଯାଉଛି ଯେ ପୀଡିତା ରବିବାର ସକାଳେ ଶୌଚାଳୟ ଯାଇଥିଲେ । ସେହି ସମୟରେ ଗାଁର କିଛି ନାବାଳକଙ୍କ ସହିତ ବିଦ୍ୟାଳୟର ଶିକ୍ଷକ ମଧ୍ୟ ୧୪ବର୍ଷର ଝିଅଟି ସହିତ ଏପରି ଘୃଣ୍ୟ କାର୍ଯ୍ୟ କରିଥିଲେ ।

ପୋଲିସ POCSO ଆକ୍ଟ ଏବଂ ଏସସି, ଏସଟି ଆକ୍ଟ ଅନୁଯାୟୀ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିଛି । ପୀଡିତା ତାଙ୍କ ଅଭିଯୋଗରେ ପୋଲିସକୁ କହିଛନ୍ତି, ସେ ସକାଳେ ଶୌଚାଳୟ ଯାଇଥିଲେ। ପାହାଡ ନିକଟରେ ଥିବା ଦୁଇ ସହପାଠୀଙ୍କ ସମେତ ଚାରିଜଣ ବାଳକ ତାଙ୍କୁ ପାହାଡ ଅଞ୍ଚଳରେ ଏକ ନିର୍ଜନ ସ୍ଥାନକୁ ନେଇଗଲେ । ତାଙ୍କ ସହ ସେଠାରେ ଗଣଦୁଷ୍କର୍ମ କରିଥିଲେ ।

ଛାତ୍ରମାନେ ଶିକ୍ଷକଙ୍କୁ ଦେଖିବା ପରେ ପଳାଇ ଯାଇଥିଲେ, ପୀଡିତା ଭାବିଥିଲେ ଯେ ସେ ଉଦ୍ଧାର ହୋଇଛନ୍ତି । ଏହି ସମୟରେ ବିଦ୍ୟାଳୟର ପ୍ରଧାନ ଶିକ୍ଷକ ତାଙ୍କୁ ଦେଖିଥିଲେ । ସମସ୍ତ ଅଭିଯୁକ୍ତ ଶିକ୍ଷକଙ୍କୁ ଦେଖିବା ପରେ ପଳାଇ ଯାଇଥିଲେ । ପୀଡିତା ଅନୁଭବ କରିଥିଲେ ଯେ ପ୍ରଧାନ ଶିକ୍ଷକ ତାଙ୍କୁ ବଞ୍ଚାଇବେ । କିନ୍ତୁ, ଛାତ୍ରମାନେ ପଳାଇବା ପରେ ଶିକ୍ଷକ ମଧ୍ୟ ନାବାଳିକା ସହ ଦୁଷ୍କର୍ମ କରିଥିଲେ ।

ଘରେ ପହଞ୍ଚିବା ପରେ ପୀଡିତା ଜଣକ ତାଙ୍କ ପିତାମାତାଙ୍କୁ ଏହି କଷ୍ଟ ବିଷୟରେ ବର୍ଣ୍ଣନା କରିଥିଲେ । ସଙ୍ଗେ ସଙ୍ଗେ ପରିବାର ଲୋକେ ପୋଲିସ ଷ୍ଟେସନରେ ଅଭିଯୋଗ କରିଥିଲେ । ପୀଡିତାଙ୍କୁ ଚିକିତ୍ସା ପାଇଁ ସଦର ଡାକ୍ତରଖାନାକୁ ପଠାଯାଇଛି । ତାଙ୍କର ମେଡିକାଲ ଟେଷ୍ଟ ମଧ୍ୟ କରାଯାଇଥିଲା ।

ଏହି ଘଟଣା ପରେ ପୀଡିତା ଭୟଭୀତ ଅଛନ୍ତି ଓ ତାଙ୍କର କାଉନସେଲିଙ୍ଗ ମଧ୍ୟ କରାଯାଉଛି । ଏହି ପ୍ରସଙ୍ଗରେ ଭଭୁଆ କେଏସଡିପିଓ ସୁନୀଲ କୁମାର ସିଂ କହିଛନ୍ତି, ପ୍ରଧାନ ଶିକ୍ଷକଙ୍କ ସମେତ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି ।
Published by:Soubhagya Mishra
First published: