T20 World Cup: ଧର୍ମଶାଳାରେ ହୋଇପାରେ ଟି -୨୦ କ୍ରିକେଟ୍ ବିଶ୍ୱକପର ପ୍ରଥମ ମ୍ୟାଚ୍; BCCI ଦେଲା ସଙ୍କେତ

News18 Odia Digital
ଧର୍ମଶାଳା: ଭାରତରେ ଚଳିତ ବର୍ଷ ଅକ୍ଟୋବର-ନଭେମ୍ବରରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ୱକପର (T-20 World Cup-2021) ଆରମ୍ଭ ଧର୍ମଶାଳା କ୍ରିକେଟ୍ ଷ୍ଟାଡିୟମରୁ ହୋଇପାରେ । ଏଥିପାଇଁ ପ୍ରୟାସ ଚାଲିଛି । ବିସିସିଆଇର କୋଷାଧ୍ୟକ୍ଷ ଅରୁଣ ଧୁମଲ (Arun Dhumal) ଏହା କହିଛନ୍ତି । ଅକ୍ଟୋବର-ନଭେମ୍ବରରେ ଟି -୨୦ କ୍ରିକେଟ୍ ବିଶ୍ୱକପ୍ ପ୍ରତିଯୋଗିତା ହେବ ବୋଲି ଅରୁଣ ଧୁମାଲ କହିଛନ୍ତି । ସମସ୍ତ ମ୍ୟାଚ୍ କେବଳ ଭାରତରେ ଅନୁଷ୍ଠିତ ହେବ । ଏଭଳି ପରିସ୍ଥିତିରେ ଆମେ ହିମାଚଳ ପ୍ରଦେଶ କ୍ରିକେଟ୍ ଆସୋସିଏସନ୍ (ଏଚପିସିଏ) ଧର୍ମଶାଳା ଷ୍ଟାଡିୟମରେ (Dharamshala Cricket Stadium) ବିଶ୍ୱକପ୍‌ର ଉଦଘାଟନୀ ମ୍ୟାଚ୍ କରିବାକୁ ଚେଷ୍ଟା କରୁଛୁ । ଏହି ମ୍ୟାଚ ଗୁଡିକ ୮ ଟି ସ୍ଥାନରେ କରାଯିବ ଓ ଧର୍ମଶାଳାକୁ ମଧ୍ୟ ସାମିଲ କରାଯାଇଛି । ତେବେ ଏହି ମ୍ୟାଚଗୁଡିକର କାର୍ଯ୍ୟସୂଚୀ ଏପର୍ଯ୍ୟନ୍ତ ଆସି ନାହିଁ ।

ଅରୁଣ ଧୁମଲ କହିଛନ୍ତି, "ଧର୍ମଶାଳା ଷ୍ଟାଡିୟମରେ ଆୟୋଜିତ ଅନ୍ତର୍ଜାତୀୟ କ୍ରିକେଟ୍ ମ୍ୟାଚ୍ ଯୋଗୁଁ ପର୍ଯ୍ୟଟନ ସହର ଧର୍ମଶାଳା ପୁଣି ଥରେ ବିଶ୍ୱବ୍ୟାପୀ ମାନ୍ୟତା ପାଇବ । ସ୍ଥାନୀୟ ବ୍ୟବସାୟୀମାନେ ମଧ୍ୟ ଏଥିରୁ ଏକ ବଡ଼ ଲାଭ କରିବେ ବୋଲି ଆଶା କରାଯାଉଛି । ଦୀର୍ଘ ଦିନ ଧରି ଧର୍ମଶାଳା କ୍ରିକେଟ୍ ଷ୍ଟାଡିୟମରେ ଅନ୍ତର୍ଜାତୀୟ ମ୍ୟାଚ୍ ମରୁଡ଼ି ପରିସ୍ଥିତି ଦେଖାଦେଇଛି । ଯଦିଓ ବହୁ ସଂଖ୍ୟାରେ ପର୍ଯ୍ୟଟକ ଧର୍ମଶାଳାକୁ ଆସନ୍ତି । ମ୍ୟାଚ୍ ଆୟୋଜନ କଲେ ପର୍ଯ୍ୟଟନ ଆହୁରି ବୃଦ୍ଧି ପାଇବ ।"



୨୦୧୬ ରୁ ୨୦୨୦ ପର୍ଯ୍ୟନ୍ତ ଦୁଇଟି ଅନ୍ତର୍ଜାତୀୟ ମ୍ୟାଚ୍ ବାତିଲ ହୋଇଛି
ରାଜନୈତିକ କାରଣରୁ ୨୦୧୬ ରେ ଧର୍ମଶାଳାରେ ଭାରତ-ପାକିସ୍ତାନ ଟି-୨୦ ବିଶ୍ୱକପ ବାତିଲ କରାଯାଇଥିଲା । ଏହା ପରେ ଧର୍ମଶାଳା ଷ୍ଟାଡିୟମକୁ ଆୟୋଜନ କରିବାର ସୁଯୋଗ ମିଳିଥିଲା । ୨୦୧୯ ଓ ୨୦୨୦ ରେ ବର୍ଷା ଯୋଗୁଁ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦୁଇଟି ମ୍ୟାଚ୍ ବାତିଲ କରାଯାଇଥିଲା ।

୨୦୧୩ ରେ ପ୍ରଥମ ଅନ୍ତର୍ଜାତୀୟ ମ୍ୟାଚ୍ ଅନୁଷ୍ଠିତ ହୋଇଥିଲା
ପ୍ରଥମ ଅନ୍ତର୍ଜାତୀୟ ODI ମ୍ୟାଚ୍ ୨୭ ଜାନୁୟାରୀ ୨୦୧୩ ରେ ଧର୍ମଶାଳା ଷ୍ଟାଡିୟମରେ ଖେଳାଯାଇଥିଲା । ଏହା ପରେ ୨୦ ଅକ୍ଟୋବର ୨୦୧୫ ରେ ଭାରତ-ଦକ୍ଷିଣ ଆଫ୍ରିକା ଓ ୧୮ ମାର୍ଚ୍ଚ ୨୦୧୬ ରେ ନ୍ୟୁଜିଲ୍ୟାଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଟି -୨୦ ବିଶ୍ୱକପ ମ୍ୟାଚ୍ ଖେଳାଯାଇଥିଲା । ଧର୍ମଶାଳା କ୍ରିକେଟ୍ ଷ୍ଟାଡିୟମ୍ ହେଉଛି ଦୁନିଆର ସବୁଠାରୁ ସୁନ୍ଦର ଷ୍ଟାଡିୟମ୍ ।