ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»୧୭ ବର୍ଷୀୟ ଯୁବକର ପାଟି ଭିତରେ ୮୨ଟି ଅଧିକ ଦାନ୍ତ! ଅପରେସନ୍ କରି ବାହାର କଲେ ଡାକ୍ତରମାନେ

୧୭ ବର୍ଷୀୟ ଯୁବକର ପାଟି ଭିତରେ ୮୨ଟି ଅଧିକ ଦାନ୍ତ! ଅପରେସନ୍ କରି ବାହାର କଲେ ଡାକ୍ତରମାନେ

82 extra teeth removed from youth’s mouth by surgery | ଚିକିତ୍ସା ଅଭାବରୁ ଗତ କିଛି ବର୍ଷ ମଧ୍ୟରେ ଏହି ଯୁବକଙ୍କ ଅବସ୍ଥା ବିଗିଡି଼ ଯାଇଥିଲା । ତାଙ୍କ ମାଢ଼ିରେ ଫୁଲା ରହୁଥିଲା ଓ ଯନ୍ତ୍ରଣା ହେଉଥିଲା । ସେ ଡାକ୍ତରମାନଙ୍କ ସହ ପରାମର୍ଶ କରିଥିଲେ ଓ ଅପରେସନ୍ ପାଇଁ ତାରିଖ ପାଇଥିଲେ ।

୧୭ ବର୍ଷୀୟ ଯୁବକର ପାଟି ଭିତରେ ୮୨ଟି ଅଧିକ ଦାନ୍ତ! ଅପରେସନ୍ କରି ବାହାର କଲେ ଡାକ୍ତରମାନେ
ପ୍ରତୀକାତ୍ମକ ଛବି (ଗେଟି)
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ପଟନା: ଜଣେ ଲୋକର ପାଟି ଭିତରେ ଆବଶ୍ୟକତାଠାରୁ ୮୨ଟି ଅଧିକ ଦାନ୍ତ? ଶୁଣି ଆଶ୍ଚର୍ଯ୍ୟ ଲାଗୁଥିଲେ ବି ଏମିତି ଘଟଣା ଘଟିଛି । ବିହାରରେ ଏକ ବିରଳ ଟ୍ୟୁମରରେ ପୀଡି଼ତ ଜଣେ ଯୁବକଙ୍କ ପାଟିରୁ ତିନି-ଘଣ୍ଟିଆ ଅପରେସନ୍‌ ପରେ ୮୨ଟି ଦାନ୍ତ ବାହାର କରାଯାଇଛି ।

୧୭ ବର୍ଷୀୟ ନୀତୀଶ କୁମାର ଗତ ପାଞ୍ଚ ବର୍ଷ ଧରି ମାଢ଼ିର ଏକ ବିରଳ ଟ୍ୟୁମରରେ ପୀଡ଼ିତ ଥିଲେ । ଏହି ରୋଗକୁ କମ୍ପ୍ଲେକ୍ସ ଓଡୋଣ୍ଟୋମା (Complex Odontoma) କୁହାଯାଏ । ତାଙ୍କ ସ୍ଥିତି ଗଗୁରୁତର ହୋଇପଡ଼ିଥିଲା । ତାଙ୍କ ମାଢ଼ିକୁ ଠିକ୍ କରିବା ପାଇଁ ଏକ ଅପରେସନ୍ କରିବାକୁ ପଡି଼ଥିଲା । ତାଙ୍କ ମାଢ଼ିରେ ଦୁଇଟି ସ୍ଥାନରେ ଜମାଟ ବାନ୍ଧି ମୋ’ଟ ୮୨ଟି ଦାନ୍ତ ରହିଥିଲା ​ । ସାଧାରଣତଃ ମଣିଷର ପାଟିରେ ୩୨ଟି ଦାନ୍ତ ଥାଏ । ହେଲେ ଏହି ଟ୍ୟୁମର୍ ଯୋଗୁଁ ନିୀତୀଶ କୁମାରଙ୍କ ଅଧିକ ସଂଖ୍ୟାର ଓ ଅବାଞ୍ଛିତ ଦାନ୍ତ ଉଠିଥିଲା ।

ଏହା ବି ପଢ଼ନ୍ତୁ | ଶ୍ରୀଜଗନ୍ନାଥ ଶ୍ରୀମନ୍ଦିରକୁ ଫେରିଆସିବା ପରେ ନବୀନ ନିଜ ମନ୍ତ୍ରୀମଣ୍ଡଳ ବିସ୍ତାର କରିବେ

ଚିକିତ୍ସା ଅଭାବରୁ ଗତ କିଛି ବର୍ଷ ମଧ୍ୟରେ ତାଙ୍କ ଅବସ୍ଥା ବିଗିଡି ଯାଇଥିଲା । ସୌଭାଗ୍ୟବଶତଃ ସେ ବିହାରର ଇନ୍ଦିରା ଗାନ୍ଧୀ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସେଜର ଡାକ୍ତରମାନଙ୍କ ସହ ପରାମର୍ଶ କରିଥିଲେ ଓ ଅପରେସନ୍ ପାଇଁ ତାରିଖ ପାଇବାରେ ସଫଳ ହୋଇଥିଲେ ।

ଏହା ବି ପଢ଼ନ୍ତୁ | ‘‘DFO ମୋ’ ସ୍ତ୍ରୀ ସହ ଅନୈତିକ ସମ୍ପର୍କ ରଖୁଛନ୍ତି; ମୋତେ ଏଠୁ ଟ୍ରାନ୍ସଫର୍ କରେଇ ନିଅ, ବାପା,’’ କହିଥିଲେ ସୌମ୍ୟ

‘‘ସେ ମାଢ଼ିରେ ଫୁଲା ଓ ଯନ୍ତ୍ରଣା ହେଉଛି ବୋଲି ଅଭିଯୋଗ ନେଇ ଆସିଥିଲେ । ତାଙ୍କ ପରୀକ୍ଷା ପରେ ଆମେ ଜାଣିଲୁ ଯେ ସେ ବିରଳ ମାଢ଼ି ଟ୍ୟୁମର୍ କମ୍ପ୍ଲେକ୍ସ ଓଡୋଣ୍ଟୋମାରେ ପୀଡ଼ିତ । ତାଙ୍କ ଉପରେ ସଫଳତାର ସହ ଅପରେସନ୍‌ କରାଯାଇଛି,’’ କହିଛନ୍ତି ଆଇ.ଜି.ଆଇ.ଏମ୍.ଏସ୍‌. (ପଟନା)ର ଡକ୍ଟର ପ୍ରିୟଙ୍କା ସିଂ ।

ଏହା ବି ପଢ଼ନ୍ତୁ | ରଥ ଯାତ୍ରା ଥର ବି ଇତିହାସ ଗଢ଼ିଲା; ବିନା ଭକ୍ତରେ ରଥ ଗଡ଼ିଲେ; ପରମ୍ପରା ଅତୁଟ ରହିଲା

ଦାନ୍ତର ବିକାଶରେ ତ୍ରୁଟି ଯୋଗୁଁ ଏହି ଟ୍ୟୁମର ବିକଶିତ ହୋଇଥିଲା ବୋଲି କହିଛନ୍ତି ଡଃ ସିଂ । ‘‘ଅପରେସନ୍ ସମୟରେ ଆମେ ଜାଣିବାକୁ ପାଇଲୁ ଯେ ମାଢ଼ିର ପଛ ଭାଗରେ ଦାନ୍ତର କିଛି ଅଂଶ ଜମା ହୋଇ ରହିଛି, ଯାହା ୮୨ଟି ଦାନ୍ତର ବିକାଶ କରିଛି । ରୋଗୀ ବର୍ତ୍ତମାନ ସୁସ୍ଥ ଅଛନ୍ତି । ସେ ଶୀଘ୍ର ଡିସଚାର୍ଜ ହେବେ,’’ ସେ କହିଛନ୍ତି ।

ଏହା ବି ପଢ଼ନ୍ତୁ | ଓଡ଼ିଶାକୁ ପୁଣି ଘାରିଲା ମାଓବାଦୀ ଚିନ୍ତା; ସ୍ବାଭିମାନ ଅଞ୍ଚଳ ଛାଡ଼ି ସୀମାନ୍ତରେ ସକ୍ରିୟ ହେଉଛି ଲାଲ ବାହିନୀ

ଏହି ଅପରେସନ୍ ସଫଳ ହୋଇଥିଲା । ନୀତୀଶ କୁମାର ବର୍ତ୍ତମାନ ସୁସ୍ଥ ଅଛନ୍ତି, ଯଦିଓ ତାଙ୍କ ସ୍ୱାସ୍ଥ୍ୟ ଉୁପରେ ନଜର ରଖାଯାଉଛି । ଅପରେସନ୍‌ ପରେ ଅନ୍ୟ କୌଣସି ସମସ୍ୟା ଯେପରି ନ ଆସୁ ତାହା ପ୍ରତି ଦୃଷ୍ଟି ଦେଉଛନ୍ତି ଡାକ୍ତରମାନେ । ତଳ ଓ ଉପର ଉଭୟ ମାଢ଼ିରେ ବ୍ୟାପିଥିବା ଟ୍ୟୁମର୍‌ ପାଇଁ ତାଙ୍କର ଅସ୍ତ୍ରୋପଚାର କରାଯାଇଥିଲା ଓ ୮୨ଟି ଦାନ୍ତର ଏକ ସେଟ୍ ବାହାର କରାଯାଇଥିଲା ।



ଭାରତରେ ଏହା ଏହି ପ୍ରକାରର ପ୍ରଥମ ଘଟଣା ନୁହେଁ । ୨୦୧୯ରେ ଚେନ୍ନାଇର ଏକ ଡାକ୍ତର ଦଳ ରବିନ୍ଦ୍ରନ୍ ନାମକ ଜଣେ ସାତ ବର୍ଷର ବାଳକର ପାଟିରୁ ୫୨୬ଟି ଦାନ୍ତ ବାହାର କରିବା ପାଇଁ ଅସ୍ତ୍ରୋପଚାର କରିଥିଲେ ।
Published by: Anand ST Das
First published: July 15, 2021, 8:28 PM IST