ଖୁସି ଖବର: ସାହାରା ଜମାକାରୀଙ୍କୁ ଫେରସ୍ତ ହେବ ଟଙ୍କା; SCଙ୍କ ଆଦେଶର ପ୍ରଶଂସାରେ ଗୃହମନ୍ତ୍ରୀ

News18 Odia Digital

Big News for Sahara investors: ସାହାରାର ନିବେଶକଙ୍କ (Sahara Investors) ସମ୍ପର୍କରେ ଏପର୍ଯ୍ୟନ୍ତ ନିରବ ରହିଥିବା କେନ୍ଦ୍ର ସରକାର ସାମ୍ନାକୁ ଆସିଛନ୍ତି। ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ଐତିହାସିକ ବୋଲି ବର୍ଣ୍ଣନା କରି ଗୃହ ମନ୍ତ୍ରଣାଳୟ କହିଛି ଯେ ଏହା ସହ ସାହାରା ଗ୍ରୁପର (Sahara India) ୪ଟି ସମବାୟ ସମିତିର ହଜାର ହଜାର ନିବେଶକଙ୍କ ଟଙ୍କା ଫେରସ୍ତ କରାଯିବ।

ମନ୍ତ୍ରଣାଳୟ ଦ୍ବାରା ଜାରି କରାଯାଇଥିବା ଏକ ବିଜ୍ଞପ୍ତିରେ କୁହାଯାଇଛି ଯେ ସମବାୟ ମନ୍ତ୍ରଣାଳୟର ଆବେଦନ ଉପରେ ସୁପ୍ରିମକୋର୍ଟ ୪ଟି କମିଟିକୁ ସାହାରା SEBI ଫେରସ୍ତ ଆକାଉଣ୍ଟରୁ ୧୦ କୋଟି ଟଙ୍କା ଫେରସ୍ତ କରିବାକୁ ନିର୍ଦ୍ଦେଶ ଦେଇଛନ୍ତି।

ସାହାରା ଗ୍ରୁପର (Sahara India) ଚାରୋଟି ସୋସାଇଟି ଅଛି, ଯେଉଁଥିରେ ସାହାରା କ୍ରେଡିଟ୍ କୋଅପରେଟିଭ୍ ସୋସାଇଟି ଲିମିଟେଡ୍, ସାହାରା ୟୁନିଭର୍ସାଲ୍ ମଲ୍ଟିପର୍ପୋଜ୍ ସୋସାଇଟି ଲିମିଟେଡ୍, ହାମାରା ଇଣ୍ଡିଆ କ୍ରେଡିଟ୍ କୋଅପରେଟିଭ୍ ସୋସାଇଟି ଲିମିଟେଡ୍ ଏବଂ ଷ୍ଟାର୍ସ ମଲ୍ଟିପର୍ପଜ ସମବାୟ ସମିତି ଅନ୍ତର୍ଭୁକ୍ତ। ଏହାର ଜମାକାରୀମାନେ କ୍ରମାଗତ ଭାବରେ ସେମାନଙ୍କ ଟଙ୍କା ପାଇଁ ଅଭିଯୋଗ କରୁଥିଲେ, କିନ୍ତୁ ବହୁ ବର୍ଷ ଧରି କୌଣସି ସମାଧାନ ମିଳିଲା ନାହିଁ।

ଗୃହ ମନ୍ତ୍ରଣାଳୟ ୫ ହଜାର କୋଟି ଟଙ୍କା ମାଗିଛି

ଏଥି ସହିତ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ହସ୍ତକ୍ଷେପ ପରେ ଏହି ମାମଲା ସୁପ୍ରିମକୋର୍ଟରେ ରଖାଯାଇଛି। ଏପର୍ଯ୍ୟନ୍ତ ଏହା ସହ ଜଡିତ ୧ ଲକ୍ଷ ୨୨ଟି ଦାବି ଡିଜିଟାଇଜ୍ ହୋଇଛି। ମନ୍ତ୍ରାଳୟ କୋର୍ଟଙ୍କୁ ୫ ହଜାର କୋଟି ଟଙ୍କା ଦେବାକୁ କହିଛନ୍ତି ଯାହାଦ୍ୱାରା ଲୋକଙ୍କ ଟଙ୍କା ଫେରସ୍ତ ହୋଇପାରିବ।

କେନ୍ଦ୍ରର ଆବେଦନ ଉପରେ ଅନୁମୋଦନ ହୋଇଛି

ବାସ୍ତବରେ ସୁପ୍ରିମକୋର୍ଟ ବୁଧବାର ସାହାରା ନିବେଶକଙ୍କ ପାଇଁ ରିଲିଫ୍ ଆଦେଶ ଦେଇଥିଲେ। ଆଶା କରାଯାଉଛି ଯେ ବର୍ତ୍ତମାନ ପର୍ଯ୍ୟନ୍ତ ଅଟକି ଯାଇଥିବା ଟଙ୍କା ଫେରସ୍ତ ମିଳିବ।

ସୂଚନାନୁସାରେ, କେନ୍ଦ୍ର ସରକାର କୋର୍ଟରେ ଏକ ଆବେଦନ କରିଥିଲେ ଏବଂ ସାହାରା-ସେବିର ୨୪,୦୦୦ କୋଟି ଟଙ୍କାରୁ ୫ ହଜାର କୋଟି ଟଙ୍କା ଆବଣ୍ଟନ କରିବାକୁ ଆବେଦନ କରିଥିଲେ। ଏଥିସହିତ କୋର୍ଟ ଏହି ମାମଲାର ଶୁଣାଣି ବେଳେ କେନ୍ଦ୍ରର ଆବେଦନକୁ ଅନୁମୋଦନ କରିଛନ୍ତି।

ପଢ଼ନ୍ତୁ ଏହି ଖବର:  ସାହାରାରେ ଫସି ରହିଛି କି ଆପଣଙ୍କ ଟଙ୍କା? ଆସିଲା ଖୁସି ଖବର; ୬ କୋଟିରୁ ଅଧିକ ଟଙ୍କା ଆଦାୟ କଲା SEBI

ପ୍ରକାଶ ଥାଉକି ନିବେଶକଙ୍କୁ ଠକିବାର ଅନ୍ୟ ଏକ ମାମଲାରେ, ୨୦୧୨ରେ ଗଠିତ ସାହାରା-ସେବି ପାଣ୍ଠିରେ ପ୍ରାୟ ୨୪ ହଜାର କୋଟି ଟଙ୍କା ଜମା କରାଯାଇଥିଲା।