ଉଦ୍ଧବ ଦଳଙ୍କୁ ଆଶ୍ବସ୍ତି ପ୍ରଦାନ କଲେ ସୁପ୍ରିମକୋର୍ଟ; କଣ କହିଲେ ଜାଣନ୍ତୁ...

News 18 Odia Digital

ନୂଆ ଦିଲ୍ଲୀ :  ଏକନାଥ ସିନ୍ଦେ ଓ ଉଦ୍ଧବ ଠାକରେ ଅଲଗା ହେବା ପରେ ଶିବସେନା କାହାର ନେଇ ଉଭୟ ପକ୍ଷ ମଧ୍ୟରେ ଆଇନଗତ ଲଢ଼େଇ ଚାଲିଥିବା ବେଳେ। ସୁପ୍ରିମକୋର୍ଟରେ ଆଜି ଶୁଣାଣି ବେଳେ ଉଦ୍ଧବ ଦଳକୁ ଏକ ପ୍ରକାର ଆସ୍ବସ୍ଥି ମିଳିଛି   ସିନ୍ଦେ ଦଳଙ୍କ ଆବେଦନ ଉପରେ କୌଣସି ନିଷ୍ପତ୍ତି ନ ନେବାକୁ କୋର୍ଟ ନିର୍ବାଚନ ଆୟୋଗଙ୍କୁ କହିଛନ୍ତି। ବର୍ତ୍ତମାନ ଏହି ମାମଲାର ପରବର୍ତ୍ତୀ ଶୁଣାଣି ସୋମବାର ହେବାକୁ ଯାଉଛି।

ସୁପ୍ରିମକୋର୍ଟରୁ ଉଦ୍ଧବ ଦଳଙ୍କ ଏକ ପ୍ରକାର ଆସ୍ବସ୍ଥି ମିଳିଛି

ଏହାପୂର୍ବରୁ ବୁଧବାର ମଧ୍ୟ ସୁପ୍ରିମକୋର୍ଟରେ ଶୁଣାଣି ହୋଇଥିଲା ଯେଉଁଥିରେ ଉଭୟ ଦଳ ପକ୍ଷ ରଖିଥିଲେ। ଏହି ମାମଲାକୁ ୫-ଜଜ୍ ବେଞ୍ଚକୁ ହସ୍ତାନ୍ତର କରିବାକୁ ନିଷ୍ପତ୍ତି ନିଆଯିବ। ଉଭୟ ପକ୍ଷର ଲିଖିତ ଯୁକ୍ତି ଯାଞ୍ଚ କରାଯିବ। ଶୁଣାଣି ସମୟରେ ସିନ୍ଦେ କ୍ୟାମ୍ପର ଓକିଲ ହରିଶ ସାଲଭେ ତାଙ୍କ ତରଫରୁ ପ୍ରସ୍ତାବିତ ଶୁଣାଣିର ତଥ୍ୟ ପ୍ରକାଶ କରିଥିଲେ। ଅଯୋଗ୍ୟତା ଉପରେ ବାଚସ୍ପତିଙ୍କ କର୍ତ୍ତୃପକ୍ଷ ଓ ପ୍ରକ୍ରିୟା କିପରି କରାଯିବ ସେ ସମ୍ବନ୍ଧରେ ସାଲଭେ ଏକ ପ୍ରସ୍ତାବ ରଖିଥିଲେ ।

ମୁଖ୍ୟ ବିଚାରପତି ପ୍ରଶ୍ନ କରିଥିଲେ ଯେ ଥରେ ନିର୍ବାଚିତ ହୋଇଥିବା ବିଧାୟକ ଦଳ ଦ୍ୱାରା ନିୟନ୍ତ୍ରିତ ନୁହଁନ୍ତି କି? ନା ସେ କେବଳ ବିଧାନସଭା ଦଳର ଅନୁଶାସନ ପାଇଁ ଉତ୍ତରଦାୟୀ। ଏହାର ଉତ୍ତରରେ ସିନ୍ଦେ ଦଳର ଓକିଲ ସାଲଭେ କହିଛନ୍ତି ଯେ ଯେପର୍ଯ୍ୟନ୍ତ ବିଧାୟକ ଗୃହରେ ଅଛନ୍ତି, ସେ ଗୃହର କାର୍ଯ୍ୟକଳାପରେ ଭାଗ ନେବାକୁ ହକଦାର। ଯଦିଓ ସେ ଦଳ ବିରୋଧରେ ଭୋଟ ଦିଅନ୍ତି, ତେବେ ସେହି ଭୋଟ ବୈଧ ହେବ।

ସାଲଭେ କହିଛନ୍ତି, ‘‘ମୁଁ କହୁ ନାହିଁ ଯେ ଦଳର ନିୟନ୍ତ୍ରଣ ନାହିଁ। ମୁଁ କହୁଛି ଆମେ ଦଳ ଛାଡ଼ି ନାହୁଁ। ସେ କେବଳ ପାର୍ଟି ଭିତରେ ସ୍ୱର ଉତ୍ତୋଳନ କରିଛନ୍ତି।’’ ଅନ୍ୟପକ୍ଷରେ, ଉଦ୍ଧବ ଠାକୁର ଦଳର ଓକିଲ କପିଲ ସିବଲ କହିଛନ୍ତି ଯେ ସମ୍ବିଧାନ ବେଞ୍ଚକୁ ଏହି ମାମଲା ପଠାନ୍ତୁ ନାହିଁ। ଆମେ ୨ ଘଣ୍ଟା ମଧ୍ୟରେ ଆମର ମାମଲା ଶେଷ କରିପାରିବା

କପିଲ ସିବଲ ପ୍ରଶ୍ନ କଲେ ନିର୍ବାଚନ ଆୟୋଗଙ୍କୁ

ସିବଲ ପ୍ରଶ୍ନ କରିଛନ୍ତି ଯେ ଯେଉଁମାନେ ଅଯୋଗ୍ୟ  ସେମାନେ କିପରି ନିର୍ବାଚନ ଆୟୋଗରେ ପ୍ରକୃତ ଦଳ ବୋଲି ଦାବି କରିପାରିବେ? ଏହାର ଜବାବରେ ନିର୍ବାଚନ ଆୟୋଗର ଓକିଲ ଅରବିନ୍ଦ ଦତ୍ତ କହିଛନ୍ତି ଯେ ଯଦି ମୂଳ ଦଳ ହେବାର କୌଣସି ଦାବି ଅଛି, ତେବେ ଆମେ ଆଇନ ଅନୁଯାୟୀ ଏହା ଉପରେ ନିଷ୍ପତ୍ତି ନେବାକୁ ବାଧ୍ୟ। ବିଧାନସଭା ଠାରୁ ଅଯୋଗ୍ୟତା ଏକ ପୃଥକ ପ୍ରସଙ୍ଗ । ଆମ ସମ୍ମୁଖରେ ରଖାଯାଇଥିବା ତଥ୍ୟ ଉପରେ ଆଧାର କରି ଆମେ ନିଷ୍ପତ୍ତି ନେବୁ ।

ସୁପ୍ରିମକୋର୍ଟ ନିର୍ବାଚନ କମିଶନଙ୍କୁ କହିଛନ୍ତି କି ଯଦି କୌଣସି ପକ୍ଷ ଜବାବ ଦାଖଲ କରିବା ପାଇଁ ସମୟ ମାଗନ୍ତି ତେବେ ସେମାନଙ୍କୁ ସମୟ ଦେବା ଉଚିତ ବୋଲି ସୁପ୍ରିମକୋର୍ଟ କହିଛନ୍ତି । ଏହି ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୮ ତାରିଖରେ ହେବ । ଏହି ମାମଲାର ସାମ୍ବିଧାନିକ ପୀଠକୁ ପଠାଯିବ କି, ନାହିଁ ତା ଉପରେ ଆଗାମୀ ଶୁଣାଣି ହେବ।